1 Samiyo 1:3 - The Keyagana NT and 25 OT books

³ Elakenaʼmo muki kafugaʼae kafugaʼaeʼmo taoniʼafatiʼmo ataleno Sailo taonifiʼmo uno asole vayaʼaiteʼmo neʼyagaiya Ala kava netefeʼmo mono huteno ofalinimo huʼniye. Lole vekalaʼmo Hafaniʼe Finiyasiʼeʼmo Ilai mafaʼnelaʼmoganimo Ala kava netefeʼmo monoʼmo huʼana neʼapataʼa vekalaʼmo ani taonifiʼmo maiʼnaʼae.

1 Samiyo 1:3 ပူးပေါင်းရင်းမြစ်များ

Samu 78:60

Agaemo Sailo kotega seli mono nopiʼmo maiʼniyatetiʼmo ataleno uʼniye.

Hatu maeno apate'niya gemae 34:23

Muki kafugaʼaeʼmo ani loleʼe magoʼe hopa afinaʼmo muki ve anagaʼmo eʼa Ala kava neʼmo Isaleli vayaʼai Gotiʼapimoʼna naulagaleʼmo he tiʼa maigae.

Luki 2:41

Yesu itaʼafoʼalaʼmoganimo hopa Pasova afinaʼmo muki kafugaʼae kafugaʼaeʼmo Yulusalemu taonifiʼmo uʼana haiʼnaʼae.

Yasuva 18:1

Isaleli vayaʼmogimo muki kotegamo kame huteʼa ago huʼa aeʼa apaka seteʼapaeʼmo muki Isaleli nofi vayaʼmo uʼa Sailo taonifiʼmo aliʼa anupa huteʼapaeʼmo Ala kava nefeʼmo mono nehaya seli mono noʼmo aliʼa he tiʼa ateʼnae.

1 Samiyo 1:21

Henagaʼamo Elakenaʼe afamo anagaʼaʼeʼmo muki kafugaʼae kafugaʼaeʼmo nehaya agufa kavaʼmo huʼa Ala kava netefeʼmo ofalinimo huge polomasi geʼamo akame huge hisayafeʼmo Sailo taonifiʼmo uʼnae.

1 Samiyo 1:9

Inagi apakaemo Sailo taonifiʼmo maiʼneʼapaeʼmo neʼyaʼmo ago neteʼapaeʼmo Hanaʼmo he tino uno Ala kava neʼmo mono noʼamo haopaleʼmo avaʼyi huʼnigeno mono huno neʼapateya vekamo Ilaiʼmo Ala kava neʼmo seli mono noʼmo kipateʼmo siyaʼaleʼmo fai maiʼniye.

1 Samiyo 14:3

Mono huno neʼapateya vekamo Ahaiyaʼmo Ahaitama mafaʼnemo Aikama nepuʼamoʼmo Finiyasi mafaʼneʼmae. Finiyasiʼmo Ilai mafaʼnemo ani vekamo akeyaʼvilagamo Sailo taonifiʼmo maiʼneno Ala kava netefeʼmo mono huno neʼapateya vekamae. Ahaiyaʼmo hapiliʼneno mono huno neʼapateya kenamo hapiteno apakaeʼeʼmo magokepiʼmo maiʼniye. Inagi Yonataniʼmo kame hisiyafeʼmo ago uʼniyaʼmonanafa vayaʼmogimo oʼageʼnae.

1 Samiyo 2:19

Itaʼamoʼmo muki kafugaʼae kafugaʼaeʼmo mago aise alapaʼage yatala kukenamo aeʼniye. Itaʼafoʼalaʼmoganimo muki kafugaʼaeʼmo ofalinimo hisaʼafeʼmo eʼanaeʼmo itaʼamoʼmo ani alapaʼage yatala kukenamo alinineno Samiyoʼmo amiʼniye.

1 Samiyo 2:34

Mago alagena kavaʼmo afole aisigeka agegane. Lole mafaʼnekalaʼmo Hafaniʼe Finiyasiʼeʼmo anakaemo magoke afinakeʼmo faligaʼae.

1 Samiyo 3:13

Lole mafaʼneʼalaʼmo alagi hosu vekalaʼmo aliʼana anateʼnaʼanageno Ilaiʼmo anatafauno oʼanateʼniyaʼmofeʼmo nagaemo ha paiʼnaeʼmo, Ageʼnana hosu kavatefeʼmo afamo anagakamo agoti huʼna apatesugeʼa muki afinaʼmo hosu kavategamo maige maige huʼa maigae,

1 Samiyo 4:11

Apakaemo Ilai lole mafaʼneʼalaʼeʼmo kamitimo hanaeteʼapaeʼmo Ala kava neʼmo kotalake kesiʼamo aliʼnae.

1 Samiyo 4:4

Inagi apakaemo mago vayaʼmo aliʼa apatageʼa Sailo taonifilagamo uʼa Ala kava neʼmo muki vayaʼaiteʼmo yagaiʼniya vekamo lole enisole vekalaʼmogani anauneʼamo folagapiʼmo haneʼnigeʼa kotalake kesiʼamo aliʼnae. Apakaemo kesimo aliniʼa eʼnageʼana Ilai mafaʼnelaʼmo Hafaniʼe Finiyasiʼeʼmo kesileʼmo yagaitaʼageʼapaeʼmo ani vayaʼeʼmo magokepiʼmo lokaeʼa eʼnae.