1 Pita 5:6 - The Keyagana NT and 25 OT books

⁶ Ani kavaʼmo nehiyaʼmofeʼmo lapakufamo alino afepi lapatesigetapaeʼmo Gotiʼa lokiya vekamo aiya afeʼalumelaga maiʼnigenoʼao hauʼnisiya afinaʼmo alino asaga huno lapateno.

1 Pita 5:6 ပူးပေါင်းရင်းမြစ်များ

2 Sitoli 33:12

Inagi agaemo lusi kava huno kana hauʼnigenoʼaeʼmo Ala kava neʼmo Gotiʼamofeʼmo ge huteno aginago vayaʼmogi Gotiʼapimo aulagaleʼmo lusi kava huno agaiʼamo alino afepiʼmo ateteno nunumuʼmo huno ge huno afi geʼniye. Gotiʼa nunumuʼmo huʼniya geʼamo afitenoʼaeʼmo ha maeno Yulusalemu taonifiʼmo halate avalelineno ateʼnigeno kini vekamo maiʼnenoʼaeʼmo yagaino apateʼniye. Ani afinaʼmo Manaseʼmo ina kava huno ageno alagepa hutenoʼaeʼmo Ala kava nekeʼmo alagi Gotiʼmae, huno ageʼniye.

2 Sitoli 33:19

Manaseʼmo nunumuʼmo huʼnigeno Gotiʼa afiteno huʼniya kavafeʼmo ava gemo hanege muki huʼniya hosu kavaʼaeʼmo ava gemo muki kotegamo hanege aigofe gotigitefeʼmo mono huʼnaya kavafeʼmo ava gemo hanege hogoteno agufamo alino afepiʼmo oʼateʼniya kavafeʼmo huge aigofe gotigi apauneʼamo alo huge huʼniya gemo polofeti mukufiʼmo avoʼmo kae maleʼnageno haneʼniye.

2 Sitoli 33:23

Huʼniyaʼmonanafa agaemo afoʼamoʼmo Ala kava neʼmo aulagaleʼmo agaiʼamo alino afepiʼmo ateʼniya agufa kavaʼmo osuʼniye. Haʼao, Emoniʼmo magoʼe magoʼe huno hosu kavaʼmo huʼniye.

2 Sitoli 36:12

Agaemo Ala kava neʼmo Gotiʼamo aulagaleʼmo hosu kavaʼmo huʼniye. Agaemo Gotitegati gemo alinineno aeno hakalo huno hapa nepaiya vekamo Yelemaiya aulagaleʼmo agaiʼamo alino afepiʼmo oʼateʼniye. Yelemaiyaʼmo Ala kava neʼmo avayafatiʼmo huʼniya gemo ha paiʼniyana Yeʼnekaiyaʼmo oʼafiʼniye.

Samu 75:10

Gotiʼa hosu vayaʼai lokiyaʼapimo alino hano huno atalegaiyaʼmonanafa agaemo fatago vayaʼai lokiyaʼapimo magoʼe huno alino lokiya vaino apategaiye.

Samu 89:13

Himamukaletiʼmo aliʼyaʼmo neʼaline. Kayaʼmo lokiya kayaʼmo haneʼniye. Lamaga kayatetiʼmo aeka apakaseʼnane.

Hatu maeno apate'niya gemae 10:3

Inagi Moseseʼe Eloniʼeʼmo Felotegamo uʼana ha paiʼanaeʼmo, Ala kava neʼmo Himulu vayaʼmogita Gotitimoʼmo kagaefeʼmo hunoʼaeʼmo, Na magi afinaʼmo geʼnimo amagika ataleteka naiyafiʼmo oʼmaiʼnane. Vayaʼnimo afaʼa apatalegeʼa uʼa nagaetefeʼmo mono hiyo.

Hatu maeno apate'niya gemae 3:19

Mani gemo hutapa ha paigayaʼmonanafa ago ageʼnovana lapatalesigetapa oʼugae. Nagaemo himamuʼniletiʼmo aliʼyaʼmo oʼalisuvaʼmoʼmo lapatalesigetapa afa oʼugae.

Hatu maeno apate'niya gemae 32:11

Moseseʼa Ala kava neʼmo Gotiʼamofeʼmo lokiya vaino ge huno ha painoʼaeʼmo, Ala kava nene, huʼna, Na kava higekaeʼmo Isipi kotegatiʼmo himamu lokiyakaletiʼmo apavalelika eʼnana vayakaeʼmo kaipamo leka apatesanafeʼmo nehane.

Mai'naya kavane 29:23

Mago vekamoʼmo agaiʼaeʼmo amogaga neʼaisiyana agiʼaleʼmo aliʼa afepi ategayaʼmonanafa ina agufa vekamo maiʼnove, huno agesamo neʼafiya vekamo ala agiʼamo hano osuno afaʼa hanegaiye.

Aiyeya 2:11

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 40:4

Muki otufiʼmo aetapa havaitege muki aveʼamo kafitapa naku paetalegeno uno lamige hino. Kayagi kayaga huʼniya kaʼmo kafitapa alita api aita ateyo. Muki kanale osuʼniya kaʼmo aliʼa kanale huʼa ategae.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Neniyo 5:22

Kagaemo Melisasagae, huʼna, mafaʼneʼamo maiʼnananageka agaete afole aiʼniya kavaʼmo ago ageʼnanaʼmonanafa kagaemo kagaikamo alika afepi okateʼnane.

Maika 6:8

O vekamogae, huʼna, Ala kava neʼmoʼa alagepa kavaʼmo hisuna kavaʼmo ago alino lave liʼniye. Agaemo anonatilefeʼmo hisunafeʼmo hunoʼaeʼmo, vayaʼaitegamo fatago kavaʼmo huge lapau hutapa apatetetapa lahapauge lapakufamo alita afepiʼmo lapatege hutetapaeʼmo Gotitapimoʼeʼmo afalu afalu kavaʼmo hutapa magokepi lokaetapa umenitata hiyo, huno laha paiʼniye.

Luki 1:52

Agaemo lokiya vayaʼmo yagaiʼa neʼapataya vayaʼmo alino afepi apateteno ina agufa vayaʼmo alino asagauno neʼapate.

Luki 14:11

Muki vayaʼmogimo apakaiʼapi apakiʼapileʼmo aliʼa asaga nehisayaʼmoʼmo Gotiʼa apakiʼapileʼmo alino afepi apategaiye. Mago vayaʼmogimo apakaiʼapi apakiʼapileʼmo aliʼa afepi neʼatesayaʼmoʼmo Gotiʼa apakiʼapileʼmo alino asaga huno apategaiye, huno hapa paiʼniye.

Luki 18:14

Lapa nepauve, huno, Gotiʼa takesi moni neʼaliya vekaeʼmo hunoʼaeʼmo, naulagaleʼmo fatago vekamo maiʼnane, huno ha paiʼnigeno noʼalegamo fatago vekamo uno maiʼniyaʼmonanafa alu vekamo mago yaʼmo oʼalino afaʼa uʼniye. Gotiʼa muki vayaʼmogimo apakaiʼapi apakiʼapileʼmo aliʼa asaga huʼa neʼatesaya vayaʼai apakiʼapileʼmo alino afepi apategaiyaʼmonanafa Gotiʼa apakaiʼapi apakiʼapileʼmo aliʼa afepi neʼatesaya vayaʼai apakiʼapileʼmo alino asaga huno apategaiye, huno hapa paiʼniye.

Lomu 5:6

Hauʼniya kavatefeʼmo lokiyatimo ohaneʼnigeta Gotifeʼmo mono osuta hosu kavaʼmo nehuna vayaʼmogitalefeʼmo Gotiʼa lekana pai maleʼniya afinaʼmo Kalaisiʼmo ago falino lateʼniye.

1 Kolitiyani 10:22

Lagaefeʼmo Ala kava neʼmoʼa aipa kana huno lateteno kaino faisiyafeʼmo alita he tita atesunafeʼmo nehupiye. Lagaemo lokiyatimoʼa Ala kava neʼmo lokiyaʼamo aeno agasesifiye.

1 Timoti 2:6

Agaemo muki vayaʼmo miya faino hatu maeno apatesiyafeʼmo agaiʼa agufamo Gotina amiʼnigeʼapaeʼmo Gotiʼa lekana pai maleʼniya afinaʼmo geʼamo aeʼa hakalo huʼa hapa paigae.

Taitasi 1:3

Polomasi gemo huʼniyaʼmonanafa afole aigiye, huno huteno lekana pai maleʼniya afinaʼmo vayaʼmogi geʼamo aeʼa hakalo huʼa hapa paiʼnagenoʼaeʼmo afole yategamo alagi afole aiʼniye. Gotiʼa lagufamo alino katino nelateya vekamoʼmo mani gemo alino namitenoʼaeʼmo, aeka hakalo huka hapa paiyo, huno naha paiʼnigeʼna aeʼna hakalo huʼna hapa nepauve.

Yemisi 4:10

Ala kava neʼmo aulagaleʼmo lapakufamo alita afepi ategenoʼao alino asagauno lapateno.

Yemisi 4:7

Neʼapamiyaʼmofeʼmo Goti aiyafiʼmo maiyo. Satanifeʼmo kame hutapa ategenoʼao lapakaetegatiʼmo ataleno aune heno.

Yemisi 5:10

Konagaʼnimogitapae, huʼna, ema akeyaʼvilaga vayaʼmogi Gotitegati gemo alini eʼa aeʼa hakalo huʼa hapa nepaiya vayaʼai kavafeʼmo lapakesamo afitetapa apakame hiyo. Apakaemo Ala kava neʼmo agiʼalefeʼmo geʼamo hapa nepaiʼapaeʼmo kana yaʼmo aliʼneʼapaeʼmo oʼataleʼa atafauʼa alagi huʼnae.