1 Pita 5:12 - The Keyagana NT and 25 OT books

¹² Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.

1 Pita 5:12 ပူးပေါင်းရင်းမြစ်များ

Yoni 21:21

Pitaʼa ageteno Yesufeʼmo hunoʼaeʼmo, ani vekalegamo na agufa kavaʼmo afole aigiye, huno afi geʼnigeno

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 15:22

Apa vayanagi yagaiʼa neʼapataya vayatama vayanagi muki siosi vayanagi huʼa ani gemo afiteʼapaeʼmo, Mago vayaʼmo lekana paita apateteta Poloʼe Manamasiʼeʼmo alita apatesunageʼa Atiyoki taonifiʼmo lokaeʼa ugae, huʼa huteʼa Yutasiʼa alu agiʼamo Masamasiʼe Sailasiʼeʼmo lekana paiʼa anateʼnae. Ani vekalaʼmo muki konaga vayapatiʼmo hogote vekalane.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Lomu 5:2

Agaetetiʼmo lagesamo afita fatago huʼnona kavatetiʼmo eta haiteta Gotiʼa fikumo laha maeno nelamiya kavaʼafiʼmo maiʼnetaeʼmo, Goti ha le konali hetamatimo aligune, huteta lavayagunagu huta agava neʼmaune.

1 Kolitiyani 15:1

Konagaʼnimogitapae, huʼna, Nagaemo Kalaisifeʼmo alagepa faigoko geʼamo aeʼna hakalo huʼna lapa paiʼnogetapa alita lapaipafiʼmo maleʼnayanagetapaeʼmo ani geleʼmo he titapa maiʼnae. Ani gelefeʼmo magoʼe hutapa lapakesamo afitapa ho hisayafeʼmo lapa paigesuve.

2 Kolitiyani 1:19

Sailasiʼagi Timotiʼagi nagaiʼnimogi huta Goti Mafaʼneʼamo Yesu Kalaisifeʼmo ava gemo aeta hakalo huta lapa paiʼnona vekamoʼmo lole agufa gemo afoʼamoʼmo oʼmaiʼniye. Agaetefeʼmo he, nehutaeʼmo aita atagineta, haʼao, huta nosune. Agaemo he gemo afoʼamoʼmo maiʼneno lama gemo afoʼamoʼmo maiʼniye.

2 Kolitiyani 1:24

Lagaemo lapakesamo afita fatago hisaya kavatetiʼmo ala lagi vayatapimo maisunafeʼmo osuʼnonaʼmonanafa lapamogaga aisayafeʼmo lapa neʼmaone. Lapakesamo afita fatago nehutapaeʼmo atafautapa alagi huʼnetapa he titapa maiʼnae.

Efasasi 3:3

Gotiʼa hogoteno alino fala ki maleʼniya gemo ago alino nave liʼniye. Ani kavafeʼmo aise gemo ago avoʼmo kaeʼna lapa paiʼnove.

Efasasi 6:21

Tikikasiʼa lahauʼniya konagatimoʼmo Ala kava neʼmo aliʼyaʼamo oʼataleno muki afinaʼmo alagepa aliʼyaʼmo neʼaliya vekamo lapakaetegamo unoʼaeʼmo nagaefeʼmo ina kava huno neʼmaiye, huno nava gemo huno lapa paigiye.

Kolosi 1:7

Epafalasifeʼmo lahau layamopafiʼmo lahauʼniya vekamoʼmo lagaeʼeʼmo lokaeno aliʼyaʼmo neʼaliya vekamoʼmo lapakaetefeʼmo Kalaisi aliʼyaʼamo oʼataleno alagepa huno neʼaliya vekamoʼmo mani gemo ago lapa paiʼnigetapa afiʼnae.

Kolosi 4:7

Tikikasiʼa lahau layamopafiʼmo lahauʼniya konagatimoʼmo oʼataleno muki afinaʼmo Ala kava neʼmo aliʼyaʼamo lagaeʼeʼmo lokaeno neʼaliya vekamoʼmo uno muki kavafeʼmo nava gemo huno lapa paigiye.

Kolosi 4:9

Avagi huno visiya vekamo Onesimasifeʼmo lahau layamopafiʼmo lahauʼniya konagatimoʼmo aliʼyaʼamo oʼataleno muki afinaʼmo alagepa aliʼyaʼmo neʼaliya vekamo lapakaepati vekamo maiʼniye. Anakaemo uʼanaeʼmo manileʼmo muki afole aiʼniya kavafeʼmo ava gemo huʼana lapa paigaʼae.

1 Tesaloniyani 1:1

Poloʼnamogi Silivenisiʼagi Timotiʼagi huta Tesaloniyani siosi vayaʼmogitapamo afotimo Gotipiʼe Ala kava netimo Yesu Kalaisipiʼeʼmo maiʼnaya vayaʼmogitapaeʼmo mani gemo avoʼmo nekaone. Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

2 Tesaloniyani 1:1

Nagaemo Poloʼnamogi Silivenisiʼagi Timotiʼagi huta Tesalonaika taonifiʼmo maiʼnaya vayaʼmogitapamo afotimo Gotipiʼe Ala kava netimo Yesu Kalaisipiʼeʼmo maiʼnaya siosi vayaʼmogitapaeʼmo mani avoʼmo nekaone.

Himulu 13:22

Konagaʼnimogitapae, huʼna, yatala gemo avoʼmo okaeʼnovana lapaipamo alino lokiya vaino lapatesiya gemo afitetapaeʼmo alagaʼmo olapaeʼninagetapa lapaipamoʼmo falu hino.

1 Pita 1:13

Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.

1 Pita 4:10

Kava vekamo aepa vekatapimo yateʼmo neʼyagaiya kava hutapa asole yaʼmo fikumo lapa maeno lapamiʼniya yaʼmo alita fako hutapa apamigeʼapa anonaleʼmo lapamiyo.

2 Pita 1:12

Inagi mani avoʼmo nekaova gemo afitetapa ani gelefeʼmo lokiya vaitapa maiʼnayaʼmonanafa aliʼna he tiʼna lapatesugetapa mani geeʼmo halate lapakesamo afisayafeʼmo afaʼa oʼmaigufa alagepa huʼna gemo lapa paiguve.

2 Pita 2:15

Meo mafaʼnemo Melamiʼa monieʼmo haʼye huʼnigeno hosu kavaʼmo huʼniya kava huʼa alagepa kaʼmo ago ataleʼa u eʼa huʼnae.

3 Yoni 1:12

Muki vayaʼmogimo Nemitiliyasi agiʼaleʼmo aliʼa asaga huʼa neʼatae. Goti lama geʼaeʼmo ani kavaʼmo huno agiʼaleʼmo alino asaga huno neʼate. Lagaeʼeʼmo ageteta ha maeta faigoko gemo nehune. Kagaemo faigoko getieʼmo lama gemo nehae, huka afiʼnane.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.