1 Pita 4:18 - The Keyagana NT and 25 OT books

¹⁸ Ani kavatefeʼmo Goti mukufi gemoʼmo hunoʼaeʼmo, Gotiʼa fatago vayaʼai apakufamo alino katino apatesigeʼa alagi alagepa huʼa maisayafeʼmo uʼa haiʼa hogoʼa metaleʼnayana mono nosaya vayaʼe hosu kavaʼmo nehaya vayaʼeʼmo vaehae, huʼna, haiya kava huʼa maigae.

1 Pita 4:18 ပူးပေါင်းရင်းမြစ်များ

Aepa Gemae 13:13

Sotomi taonifiʼmo maiʼnaya vayaʼmo alagi hosu vayaʼmogeʼa Ala kava netegamo lusi hosu kavaʼmo huʼnae.

Mai'naya kavane 11:31

Fatago vayaʼmogimo hosu kavaʼmo hisagenoʼaeʼmo Gotiʼa kayoʼmo apamigiyana hosu vayaʼaina magoʼe huno kayoʼmo apamigiye.

Luki 15:1

Mago afinaʼmo takesi moni neʼaliya vayaʼe Yu monoʼmo noʼafiya vayaʼmogiʼeʼmo Yesu geʼamo afisayafeʼmo eʼnae.

Luki 23:31

Hegafa yosaleʼmo ani kavaʼmo nehayaʼmofeʼmo vaiʼniya yosaleʼmo na agufa kavaʼmo hugae, huno hapa paiʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Apa 27:24

Agaemo, hunoʼaeʼmo, Polo, huno, Koli osuvo. Uka hogote ala vekamo Sisa aulagaleʼmo he tika maigane. Gotiʼa sipifiʼmo maiʼnaya vayaʼmo apavaleno kamiʼniye, huno naha paiʼniyaʼmofeʼmo

Apa 27:31

Inagi Poloʼa ati vayaʼaiteʼmo yagaino neʼapateya vekaeʼmo hunoʼaeʼmo, Sipifiʼmo aliʼyaʼmo neʼaliya vayaʼmo sipimo ataleʼa visagetapaeʼmo faitapa kasalo opaegae, huno ha paiʼnigeʼapaeʼmo

Lomu 1:18

Kokuʼnapatiʼmo Gotiʼa aipamo leno neʼapateya kavaʼamo alino apave neliye. Gotiʼa agaefeʼmo muki mono nosaya kavaʼe muki vayaʼaitegamo muki hosu kavaʼmo nehaya kavateʼefeʼmo aipamo leno neʼapate. Apakaemo hosu kavaʼapiletiʼmo lama geʼamo apaipafiʼmo haneʼniya lama geʼaleʼmo aliʼyaʼmo oʼalisiyafeʼmo aeʼa akaniʼa neʼatae.

Lomu 5:6

Hauʼniya kavatefeʼmo lokiyatimo ohaneʼnigeta Gotifeʼmo mono osuta hosu kavaʼmo nehuna vayaʼmogitalefeʼmo Gotiʼa lekana pai maleʼniya afinaʼmo Kalaisiʼmo ago falino lateʼniye.

Lomu 5:8

Faliʼa apategayaʼmonanafa hosu kavaʼmo nehuna vayaʼmo maiʼnonagenoʼaeʼmo Kalaisiʼa falino lateʼniya kavatetiʼmo Gotiʼa lagaefeʼmo hau ayamopafiʼmo hauʼniya kavaʼamo ago alino lave neliye.

1 Kolitiyani 10:12

Maiʼnonaʼmofeʼmo lapakaemo lokiya vaita he tita maiʼnone, hutapa lapakesamo neʼafisayana asagauta aigayanagi ehetapiye.

1 Timoti 1:9

Afiʼnonaʼmonanafa Gotiʼa fatago vayaʼaitefeʼmo keʼaepa geʼamo osuʼnifa hosu kavaʼmo nehaya vayaʼaitefekeʼmo hu maleʼniye. Keʼaepa gemo amagiʼa ataleteʼa noʼafiya vayaʼaitefenagi mono osuʼa hosu kavaʼmo nehaya vayaʼaitefenagi apaote kavaʼmo osuʼa ma mopafi kavaʼmo akame nehaya vayaʼaitefenagi itaʼapi afoʼapimogi kamitimo neʼapamagiya vayaʼaitefenagi vayaʼmo nehapaya vayaʼaitefenagi huno hu maleʼniye.

Himulu 4:1

Inagi Gotiʼa ani kavaʼmo huguve, huno hu maleʼniya gemo hano osuno afaʼa haneʼnigeno hemeniʼeʼmo hunoʼaeʼmo, nagaeʼeʼmo maiʼa haga leʼa maisayapiʼmo alagi u haiʼa maigae, huno laha nepaiye. Fiku yanageta lapakaepatiʼmo mago vayaʼmo uta haitapa metalegayanagi koli higetao.

Yemisi 5:6

Lapakaemo fatago vayaʼaina agoti hutapa apatetetapaeʼmo kamitimo apamagiʼnae. Afaʼamo maiʼneʼapaeʼmo lapakaetegamo mago kavaʼmo osuʼnayaʼmonanafa fikumo apamagiʼnae.

1 Pita 5:8

Kametapimo Sataniʼa kaekae nehiya laiyonigana huno maiʼnenoʼaeʼmo vayaʼmo hapaesiyafeʼmo umenitata nehiyanagi lapau maiʼmai osutapa alagepa huta kava yagaitapa maiyo.

2 Pita 3:7

Ani kavaʼmo huno Gotiʼa ma mopaʼe kokuʼnaʼefeʼmohunoʼaeʼmo, afaʼa haneno, huno huʼnigeno haneʼniyanageno atamoʼa leno saga lisiyafeʼmo afaʼa haneʼniye. Gotiʼa yagaino ateʼnigeno haneme haneme neʼeyanageno Gotiʼa agaefeʼmo mono nosaya vayaʼaina agoti huno apateteno alino apagoʼya lagauno apatalegaiye.

Yuti 1:15

Muki vayaʼmo agoti huno apateteno agaefeʼmo mono nosaya vayaʼai apaipafatiʼmo mono nosaya hosu kavaʼapimo alino apave liteno mono nosaya vayaʼmogi lokiya geʼapimo kame huʼa ateʼnaya geʼapimo alino apave lisigeʼapaeʼmo hosu kavaʼmo huʼnone, huʼa hisayafeʼmo eminegaiye.

1 Samiyo 15:18

Hemenimo Ala kava neʼmoʼa aliʼyaʼamo alisanafeʼmo alino kateʼniye. Agaemo kaha painoʼaeʼmo, Kagaemo uka muki Amaleki vayaʼmo hosu kavaʼmo nehaya vayaʼeʼmo kamemo hume hume uka hapaeka hano huka apatalo, huno huʼniye.