1 Pita 4:10 - The Keyagana NT and 25 OT books

¹⁰ Kava vekamo aepa vekatapimo yateʼmo neʼyagaiya kava hutapa asole yaʼmo fikumo lapa maeno lapamiʼniya yaʼmo alita fako hutapa apamigeʼapa anonaleʼmo lapamiyo.

1 Pita 4:10 ပူးပေါင်းရင်းမြစ်များ

Matiyu 20:28

Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.

Matiyu 24:14

Mago vayaʼmogimo muki alu nofi alu nofi vayaʼmogi afisayafeʼmo mani gemo Gotiʼa yagaino neʼapateya kavafeʼmo alagepa faigoko geʼamo aeʼa hakalo huʼa hapa paisageno muki ma mopafiʼmo aino atagu faeno uneno nehisigenoʼaeʼmo hano hisiya afinaʼmo afole aigiye.

Matiyu 24:21

Ani afinaʼmo afole aisiya hanageke yaʼmoʼa hogote hanageke yaʼmo ma mopamo alo huʼniya afinatetiʼmo afole aite afole aite huʼniya hanageke yaʼmo aeno aga seno muki afole aisiya hanageke yaʼeʼmo alagi aeno aga seno afole aigiye.

Matiyu 24:45

Haiya vayaʼmogi aliʼyaʼapimo oʼataleʼa alige alige huʼa neʼmaiya vayane. Aliʼyaʼmo afoʼamoʼmo aliʼyaʼamo neʼaliya vayaʼaiteʼmo yagaino apatesiyafeʼmo lekana paino ateteno, neʼyaʼmo aligefe hisaya afinaʼmo alika fako huka apamiyo, huno ha paiteno uteno atagi nenoʼeno agesiyana aliʼyaʼamo oʼataleno aliʼyaʼmo neʼaliya vekamoʼmo aulena vekamo maiʼniye.

Matiyu 25:17

Ani kava huno tu tausenimo amiʼniya vekamoʼmo akamelegaʼamo magoʼe huno tu tausenimo aliʼniye.

Matiyu 25:44

Apakaemo huʼapaeʼmo, Ala kava nene, huʼa, hainu afinaʼmo kageʼnonageka kaga tege anifeʼmo kahauge alu kotegatiʼmo ege kukenakamo ohanege kaita kahauge kalavusifiʼmo maige huʼnanageta kaha oʼmaeʼnone, huʼa afi gegae.

Maki 10:45

Ani kavatefeʼmo Vemo mafaʼnemo agaeteʼmo kayo kayo huʼa atesaya vekamo maisiyafeʼmo eminoʼmeʼnifa kayo kayo vekaʼapimo maiʼneno agufaʼaletiʼmo miya faino apateteno hatu maeno apatesiyafeʼmo emineʼniye, huno hapa paiʼniye.

Luki 12:42

aliʼyaʼmo afoʼamoʼmo alino amufa amiʼnisiya vekamo alagepa huno ageʼnisiya vekamoʼmo aliʼyaʼamo neʼaliya vayaʼaiteʼmo yagaiʼneno neʼyaʼapimo alino fako huno apamisiyafeʼmo lekana paino ategaiye.

Luki 19:13

Agaemo teniʼa vayaʼmo aliʼyaʼamo neʼaliya vayaʼaifeʼmo ge huʼnigeʼa eʼnagenoʼaeʼmo magoke magoke monimo fako huno apamite apamite hutenoʼaeʼmo, mani moniletiʼmo aliʼyaʼmo aligenoʼao akamelegaʼamo magoʼe monimo afole aino. Aliʼyaʼmo alime alime neʼvigeʼna eno, huno hapa paiʼniye.

Luki 8:3

Yovana anauʼamo agiʼamo Suyaʼa Heloti noʼafi yateʼmo neʼyagaiya vekamo aʼmo maige Susanaʼe magoʼe huʼa asole aʼne anagaʼmogiʼeʼmo moniʼe neʼyaʼeʼmo ha maeʼa amimale amimale huʼa uʼeʼa huʼnae.

Lomu 15:25

Hemenimo Yulusalemu taonifiʼmo maiʼnaya apaote vayaʼmo hapa maeʼna apamisuva ofalini monimo aliniʼna Yulusalemu taonifiʼmo visuvafeʼmo nehuve.

Lomu 15:27

Yu nofi vayaʼmo oʼmaiʼnaya vayaʼmogimo hapauʼniyaʼmonanafa Yu vayaʼaina hapa maesaya anonaʼapimo haneʼniye. Yu vayaʼmogimo apauneʼapameʼmo hapa maesiya yaʼmo apamiʼnayaʼmofeʼmo Yu nofi vayaʼmo oʼmaiʼnaya vayaʼmogimo Yu vayaʼaina amega apakufale yaʼmo apamisaya agufa anonaʼapimo haneʼniye.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

1 Kolitiyani 3:10

Gotiʼa fikumo naha maeno namiʼnigeʼnaeʼmo hogoteno ageno alagepa huʼneno noʼmo nekiya vekagana huʼna maiʼneʼnaeʼmo faiʼna ateʼnova yateʼmo mago alu vayaʼmogimo noʼmo nekiye. Mukiʼamogimo, haiya kava huta noʼmo nekupi, huʼa ageteʼa alagepa huʼa yagaiʼa atesaya kavaʼmo haneʼniye.

1 Kolitiyani 4:7

Ina laʼmo aeto agufa vayaʼmo alino hamaleno lapateʼniye. Na agufa yaʼmo aliʼnaya yatapimo Gotiʼa olapamiʼniye. Haʼao, muki yatimo lamiʼniye, hutapa nehisayana na kava higetapaeʼmo olapamiʼniyesina agufa kavatefeʼmo lapakitapileʼmo alitapa asaga hutapa nelapatae.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

2 Kolitiyani 9:1

Lapakaemo Yuta kotega maiʼnaya apaote vayaʼaina hapa maesaya ofalini monieʼmo avoʼmo kaesuva aliʼyaʼnimo ohaneʼniye.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

Efasasi 4:11

Agaemo vayaʼaina fikumo hapa maeno apamiʼniya gemo aepaʼamo haneʼniyana mago vayaʼamo apa vayaʼmo maisayafeʼmo lekana paino apatege mago vayaʼamo Gotitegati gemo alini eʼa aeʼa hakalo huʼa hapa paisaya vayaʼmo lekana paino apatege mago vayaʼamo agaiʼaeʼmo alagepa faigoko geʼamo aeʼa hakalo huʼa hapa paisaya vayaʼmo lekana paino apatege mago vayaʼamo sipisipi vayaʼaiteʼmo yagaiʼa apateʼneʼa aliʼa apaya malesaya vayaʼmo lekana paino apatege huʼniye.

2 Timoti 1:18

Efasasi taonifiʼmo maiʼnogenoʼaeʼmo muki afinaʼaeʼmo naha maeʼniya kavaʼmo ago ageʼnane. Nagaemo Ala kava nefeʼmo, kagae afinaʼmo afole aisigekaeʼmo kahau huka ato, huʼna nunumuʼmo huʼna neʼatove.

Taitasi 1:7

Yagaiʼa apatesaya vayatama vayaʼmogi Goti noʼaleʼmo yagaigayaʼmofeʼmo vaiʼmo oʼapamisageʼa afaʼa neʼmaisaya vayaʼmo maigae. Himuʼnamu kavaʼmo huge malage huno apaipamo lege aniʼmo neteʼa negi nagi kavaʼmo huge kaveta huge monieʼmo hapaʼye huge huʼa maiʼnisaya vayaʼmo oʼmaigae.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

1 Pita 5:10

Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.

1 Pita 5:12

Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.