Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pita 4:1 - The Keyagana NT and 25 OT books

1 Kalaisiʼa lagaetefeʼmo kana yaʼmo aliteno agufafatiʼmo lusi kava huno agafu kiʼniye. Lapakaemo ani agufa kava hutapa kana yaʼmo alisayafeʼmo lapakesamo afiʼnetapaeʼmo kame hiyo. Apakufafiʼmo kana yaʼmo aliʼnaya vayaʼmogi hosu kavaʼapimo ataleʼnayaʼmofeʼmo ani kavafeʼmo lapakesamo afitetapaeʼmo kame hiyo.

အခန်းကိုကြည့်ပါ။ ကော်ပီ




1 Pita 4:1
17 ပူးပေါင်းရင်းမြစ်များ  

Lapakaitapimo sese huta lapateyo. Yaveyave apaipa vayaʼmo alita hamaletapa apateyo. Naulagaleʼmo hosu kavatapimo alita ataleyo. Magoʼe hutapa osuta ataleyo.


Yesuʼa ayaʼmo kalage kiʼniya vekaeʼmo hunoʼaeʼmo, he tika manile eno, huno hutenoʼaeʼmo


Lapakaemo hutapaeʼmo, hosu kavatefeʼmo faliʼnonaʼmonanafa Ala kava netimo Kalaisi Yesupiʼmo maiʼnetaeʼmo Gotitefeʼmo afaʼa maiʼnone, hutapa lapakesamo afiyo.


Haʼao, alagi atalegeno hano hino. Lagaemo hosu kavatilefeʼmo ago faliʼnonaʼmofeʼmo haiya kava huta magoʼe huta hosu kavapiʼmo maigune.


Faliʼnaya vayaʼmo hosu kavatefeʼmo faliʼnayaʼmofeʼmae.


Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.


Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.


Gotiʼa kame hisaya kukenamo lapamiʼniya kukenamo vaitetapa maiyo. Alita vaitetapa maiʼnisayana hosu afinaʼmo afole neʼaisigetapaeʼmo kamemo hume hume utapa huta hano hutetapaeʼmo he titapa maigae.


Kalaisi Yesuʼa agesamo afiʼniya kava hutapa lapaipafiʼmo lapakesamo afitapa maiyo.


Hosu vayaʼmogimo apaini huʼa ateʼnaya kavafeʼmo lapakesa afifi hutapa maiyo fiku yanageno alagaʼmo lapaesigeno lapaipamoʼmo kana hisigetapa atalegae.


Aliʼyaʼamo alino hano huʼniyaʼmofeʼmo Goti vayaʼamo maiʼa haga lesaya sapati afinaʼmo hano osuno afaʼa haneʼniye.


Gotiʼa ani kavaʼmo hisayafeʼmo lapakaefeʼmo keya aeno ge huʼniye. Kalaisiʼa mani agufa kavaʼmo huʼniyaʼmofeʼmae. Kalaisiʼa lagaetefeʼmo hanageke yaʼmo aliʼniyanageta akame hisuna kavaʼmo ago hu maleʼniyaʼmofeʼmo akame hisuna kavaʼmo huʼniye.


Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ