1 Pita 3:9 - The Keyagana NT and 25 OT books

⁹ Inagi mago vayaʼmogimo lapakaetegamo hosu kavaʼmo nehisagetapaeʼmo anonaʼapilefeʼmo hosu kavaʼmo osiyo. Mago vayaʼmogimo lifana huʼa lapatesagetapaeʼmo anonaʼapileʼmo alita auleta apateyo. Gotiʼa ani kavaʼmo hisagenoʼaeʼmo alino auleno lapatesiyafeʼmo keya aeno ge huʼniye.

1 Pita 3:9 ပူးပေါင်းရင်းမြစ်များ

Aepa Gemae 42:25

Huʼnigeno Yosefeʼa aliʼyaʼamo neʼaliya vayaʼaifeʼmo hapa painoʼaeʼmo, Kuʼapifiʼmo vitimo alita ku aitapa apatetetapa moniʼapimo afaʼa ago atetapa ku aitapa apatetetapa kategamo uʼapaeʼmo nesaya neʼyaʼeʼmo apamige hiyo, huno huʼnigeʼa ani kavaʼmo huʼnae.

Mai'naya kavane 17:13

Ina laʼmo alagepa kavaʼmo anonaʼaleʼmo hosu kavaʼmo nehisifi muki afinaʼmo hosu kavaʼmo afamo anagaʼafiʼmo hanegaiye.

Mai'naya kavane 20:22

Kagaemo hukaeʼmo, hosu kavaʼamo anonaʼalefeʼmo aeʼna atagaina huʼna huguve, huka osuvo. Ala kava nefekeʼmo agava maiʼnegenoʼao kaha maegaiye.

Mai'naya kavane 28:10

Mago vekamoʼmo fatago vayaʼmogimo alagepa kaʼmo ataleʼa hosu kateʼmo visayafeʼmo apayate alisiyaʼmoʼmo agaiʼamo kafi maleʼniya kelifiʼmo asagauno aigiyaʼmonanafa vaiʼmo oʼaliʼnisiya vekamoʼmo afoʼamomo Gotitegatiʼmo alagepa yaʼmo aligiye.

Matiyu 19:29

Muki vayaʼmogimo nagaetefeʼmo noʼapimo ataleʼa eʼnisafi konagaʼapimogi apataleʼa eʼnisafi apasaʼapimogi apataleʼa eʼnisafi afoʼapimogi apataleʼa eʼnisafi itaʼapimogi apataleʼa eʼnisafi mafaʼneʼapimo apataleʼa eʼnisafi hoyaʼapimo ataleʼa eʼnisafi huʼnisaya vayaʼmogimo vani hataletiʼa agufa yaʼmo aliteʼa alagepa huʼa maige maige huʼa maigae.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Matiyu 5:39

Mani gemo huʼnayaʼmonanafa hemenimo nagaemo lapa paiʼnaeʼmo, Lapakaetegamo hosu kavaʼmo hisagetapaeʼmo afaʼa maiyo. Mago vekamoʼmo lapakalametaleʼmo lapamagisigetapaeʼmo magokayaga lapakalametamo aita afe letapa amigeno lapamagino.

Matiyu 5:44

Lapa paiʼnayaʼmonanafa hemenimo nagaemo huʼnaeʼmo, kame vayatapieʼmo lapau lapayamopafiʼmo lapaino. Lifana gemo lapa nepaiya vayaʼaifeʼmo aulena gemo hapa paiyo. Lapakaefeʼmo apaini huʼnisaya vayaʼaitegamo alagepa kavaʼmo hiyo. Lapakaetegamo hosu kavaʼmo huteʼa apaini huʼa nelapatesaya vayaʼaifeʼmo nunumuʼmo huta apateyo.

Maki 10:17

Yesuʼa ugefeʼmo kateʼmo neʼvigenoʼaeʼmo mago vekamo nagu nagu huno eno aleʼya faiʼnenoʼaeʼmo, Alagepa tisao, huno, maige maige huʼna maisuva yaʼmo alisuvafeʼmo na kavaʼmo hisuve, huno afi geʼnigenoʼaeʼmo

Luki 10:25

Mago keʼaepa gemo neʼafiya vekamoʼmo Yesuʼmo amalageka hisiyafeʼmo he tino hunoʼaeʼmo, Tisao, huno, alagepa huʼna maige maige huʼna maisuvafeʼmo na agufa kavaʼmo hisuve, huno ge huno afi geʼnigenoʼaeʼmo,

Luki 18:18

Mago yagaino neʼapateya vekamoʼmo Yesufeʼmo hunoʼaeʼmo, alagepa tisao, huno, alagepa huʼna maige maige huʼna maisuva yaʼmo alisuvafeʼmo na agufa kavaʼmo hisuve, huno ge huno afi geʼnigenoʼaeʼmo,

Lomu 12:14

Lifana gemo lapa nepaiya vayaʼaifeʼmo aulena gemo hapa paiyo. Gotifeʼmo hutapaeʼmo, hosu kavaʼmo huʼa maiyo, hutapa osuta alagepa kavaʼmo huʼa maiyo, hutapa nunumuʼmo hutapa apateyo.

Lomu 12:17

Lapakaetegamo hosu kavaʼmo nehisagetapaeʼmo anonaʼapileʼmo hosu kavaʼmo aeta atagaina hutapa osutapa afaʼa maiyo. Muki vayaʼmogimo lapaketeʼapaeʼmo, alagepa kavaʼmo nehae, huʼa hisaya agufa kavakeʼmo hiyo.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

Lomu 8:30

Lekana paino apateʼniya vayaʼaifeʼmo keya aeno ge huʼniye. Keya aeno ge huʼniya vayaʼaifeʼmo, naulagaleʼmo fatago vayaʼmo maiʼnae, huno hapa paiʼniye. Naulagaleʼmo fatago vayaʼmo maiʼnae, huno hapa paiʼniya vayaʼmo ha le konali yaʼamo apamiʼniye.

Galesiya 3:14

Gotiʼa Emalehamuʼmo alino auleno ateʼniya kava huno alu nofi vayaʼmogita alino auleno latesiyafeʼmo Kalaisiʼa hatu maeno lateʼniye. Gotiʼa polomasi gemo hunoʼaeʼmo, Nauneʼnameʼmo aliʼna lapamiguve, huno huʼnigeta Aunemeʼamo lagesamo afita fatago hisuna kavatetikeʼmo alisunafeʼmo hatu maeno lateʼniye.

Efasasi 4:32

Lapaipamo lapamete lapamete hutapa apamiteta afalu afalu kavaʼmo hutapa lapau hutapa apateyo. Gotiʼa Kalaisitefeʼmo hosu kavatapimo afaʼa alino ataleʼniya kava hutapa konagatapimogiʼeʼmo afalu afalu kavaʼmo hutapa hosu kavaʼapimo alita ataleyo.

1 Tesaloniyani 5:15

Vayaʼmogi hosu kavaʼmo anonaʼapilefeʼmo aeʼa atagaina huʼa osisayafeʼmo alagepa huta yagaitapa apateyo. Lapakaemo muki afinaʼmo konagatapimogitegaʼe muki vayaʼaitegaʼeʼmo lapayamukiki hutapa alagepa kavaʼmo hiyo.

Himulu 12:17

Henagaʼamo afoʼamoʼmo yege mafaʼnemo alino auleno neʼapateya gemo Gotiʼa alino auleno kateno, huno ha paisiyafeʼmo hauʼniyaʼmonanafa afoʼamoʼmo ha opaiʼniye. Ha opaiʼnigenoʼaeʼmo aviʼyaʼmo nehunoʼaeʼmo haoke heno ge huʼniyaʼmonanafa aipamo alino afe lesiya kaʼmo alagi ohaneʼniye.

Himulu 6:14

Gotiʼa hunoʼaeʼmo, alagi lama gemo kaha nepauve, huno, aliʼna auleʼna kategauve. Nagaemo muki kaginago vayaʼmo kamiteʼna aliʼna auleʼna apategauve, huno ha paiʼniye.

1 Pita 5:10

Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.

1 Samiyo 26:11

Ala kava neʼmoʼa lekana paino ateʼniya vekamo amagisuva kaʼmo akani maleno. Oʼamagiganaʼmonanafa hayoʼaʼe ani keʼaʼeʼmo agenopamo haopaleʼmo haneʼniya yaʼmo alita uguʼae, huno ha paiʼniye.