1 Pita 3:5 - The Keyagana NT and 25 OT books

⁵ Akeyaʼvilaga apaote aʼnemogimo Gotifeʼmo aliʼa amufa amiʼnaya aʼnemogi anauʼapimogi apaiyafiʼmo maiʼneʼapaeʼmo ani agufa konali yaʼapimo vaiʼa aliʼnae.

1 Pita 3:5 ပူးပေါင်းရင်းမြစ်များ

Mai'naya kavane 31:10

Ina lagimo alagepa kavaʼmo nehisaya aʼne anagaʼmo apakegae. Ani agufa aʼne anagaʼmogimo alopa miyatetiʼmo miya nefaiya yafaʼmo ago aeʼa aga seʼnae.

Mai'naya kavane 31:30

Mago aʼnemogimo alagepa gemo nehayaʼmonanafa alagepa geʼapiletiʼmo humi neʼapatae. Alagepa apakufamo ina agufa apakufamo haneʼniyaʼmonanafa Ala kava nefeʼmo koli nehisiya a kanomo ala agiʼamo amigae.

Luki 2:37

Muki afinaʼmo alopa mono nopiʼmo maiʼnenoʼaeʼmo muki netepiʼe hanipiʼeʼmo Gotifeʼmo mono huge nunumuʼmo huge neʼyaʼmo mo sige huno maiʼniye.

Apa 1:14

Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.

Apa 9:36

Mago a kanomo agiʼamo Tamaitaʼa Yopa taonifiʼmo maiʼneno Goti geʼamo neʼafiya a kanomo maiʼniye. Galiki gefatiʼmo Nokasiʼae huʼa agi aeʼnae. Muki afinaʼmo alagepa kavaʼageʼmo huno kagemi yaʼapimo ohaneʼniya vayaʼmo hapa maeno apamige apamige huno maiʼniya a kanoe.

Efasasi 5:33

Siosilefeʼmo nehuvaʼmonanafa lapakaitapieʼmo lapau lapayamopafiʼmo nelapaiya kava hutapa lapamete lapamete hutapa aʼnetapieʼmo lapaino. Inagi aʼnemogimo anauʼapimogi apakiʼapileʼmo aliʼa asaga huteʼa geʼapimo afiteʼa akame hiyo.

1 Timoti 2:15

Amagino ataleʼniyaʼmofeʼmo aʼnemogi apakesamo afiʼa fatago huge hapau apayamopafiʼmo hapauge apaote kavaʼmo huge vayaʼmogi apakesayafeʼmo apamoʼya aige huʼa maime maime neʼvisagenoʼaeʼmo Gotiʼa mafaʼneʼamo alino ateʼnigeno emineʼniya kavatetiʼmo apakufamo alino katino apateteno hapau vaigiye.

1 Timoti 5:10

Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.

1 Timoti 5:5

Apakaiʼapigeʼmo maiʼnisaya kogu aʼne anagaʼmogimo Gotifeʼmo aliʼa amufa amiteʼapaeʼmo nunumuʼmo huʼa apatege felugaʼe haniʼilagaʼeʼmo nunumuʼmo huge huʼa neʼmaiye.

Himulu 11:11

Selaʼa agesamo afino fatago huʼniya kavatetiʼmo lokiyaʼamo aliteno aipaguʼeʼmo maiteno mafaʼnemo alino atesiya afinaʼmo ago hano huʼniyaʼmonanafa mafaʼnemo alino ateʼniye. Agaemo mafaʼnemo kamiguve, huno polomasi gemo huno ha paiʼniya Gotifeʼmo afaʼageʼmo ge hugeno oʼatalegaifa alagikeʼmo geʼamo akame hugiya vekamae, huno agesamo afiʼniye.

1 Pita 1:3

Lagaemo Goti agiʼaleʼmo Ala kava netimo Yesu Kalaisi afoʼamo agiʼaleʼmo alita auleta ategetao. Lusi kava huno hau huno lateʼniyaʼmofeʼmo Yesu Kalaisiʼa faliʼniyatetiʼmo ago alino he tino ateʼniya kavatetiʼmo saufa vayaʼmo halate alino lateʼniye. Lagaemo afole aisiya kavatefeʼmo agava maiʼnetaeʼmo lama geʼalefeʼmo lavayagunagu huta maisunafeʼmo ani kavaʼmo huʼniye.

1 Samiyo 2:1

Hanaʼmo nunumuʼmo hunoʼaeʼmo, Nagaemo naipafatiʼmo Ala kava nefeʼmo namogaga neʼauve. Ala kava nepiʼmo maiʼnogenoʼaeʼmo lokiya vaino nateteno alino asaga uno nateʼniye. Kagaemo nagufamo alika katika nateʼnanageʼnaeʼmo namogagamo neʼauvaʼmofeʼmo kame vayaʼnieʼmo kigi nehuve.