1 Pita 3:4 - The Keyagana NT and 25 OT books

⁴ Lapakaetegamo hosu kavaʼmo afole aisigetapaeʼmo yuna lapaipa falu lapaipamo kaligenoʼao, konali yakana huno hanege hanege huno haneno. Gotiʼa ani kavafeʼmo hunoʼaeʼmo, alagi hogote alagepa kavaʼmo haneʼniye, huteno amuse nehiye.

1 Pita 3:4 ပူးပေါင်းရင်းမြစ်များ

Samu 131:2

Nahaʼye nosigeno nagupi mafaʼnemoʼmo maino haga nele. Itaʼamoʼeʼmo magokepi lokaeno maiʼneno nuʼmo mo siʼniya mafaʼnegana huʼna maiʼnove. Nagupi mafaʼnemoʼmo nuʼmo mo siʼniya mafaʼnegana huno maiʼniye.

Samu 147:6

Ala kava neʼmoʼa apakiʼapileʼmo aliʼa afepiʼmo neʼataya vayaʼmo alino asagauno apategaiyaʼmonanafa hosu vayaʼmo mopafiʼmo alino yaga auno neʼapatale.

Samu 149:4

Ala kava neʼmoʼa vayaʼaeʼmo amuse huno neʼapate. Agaemo apakaiʼapimo aliʼa afepi neʼataya vayaʼai apakufamo alino katino apatesigeʼa alagepa apaulagamo neʼapakaya vayaʼmo maigae.

Samu 25:9

Agaemo fatago kavaʼaletiʼmo yagu yaga kavaʼmo nehaya vayaʼmo alino ho huno neʼapate. Agaemo yagu yaga kavaʼmo nehaya vayaʼmo kaʼamo apave ligiye.

Samu 45:13

Kini vekamo aʼmafaʼneʼamoʼmo agupiʼmo aeto agufa kanale alagepa yaʼmo haneʼnigeno goli nofitetiʼmo alo huʼnaya kukenamo alino vaiʼniye.

Samu 51:6

Vae, huʼna, lama ge kavaʼmo naipafiʼmo hanesiyafeʼmo kahauʼniyaʼmofeʼmo ageʼna aeto hisuvafeʼmo naipafiʼmo alika naya malegane.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 61:1

Ala kava neʼmoʼa kagemi yaʼapimo ohaneʼnisiya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo nagenopafiʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna eʼna hosu kavaʼapieʼmo apaipamoʼmo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapateʼnove, huʼna hapa paige seli nofitetiʼmo kino apateʼniya vayaʼaifeʼmo huʼnaeʼmo, kalavusifatiʼmo afaʼa ugae, huʼna hapa paige hisuvafeʼmo alino nateʼnigeʼna eʼnove.

Matiyu 11:29

Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Matiyu 21:5

Mani gemoʼa hunoʼaeʼmo, Saiyoni taonifiʼmo maiʼnaya vayaʼaifeʼmo hunoʼaeʼmo, Ageyo, huno, alatapimo kini vekamo lapakaetegamo neʼe. Yagu yaga kavaʼmo nehiya vekamo maiʼneno aikeli noki afuleʼmo fai maiteno neʼe, huno huʼniye.

Matiyu 23:26

Lapaulagamo ali huʼniya Falasi mono vayaʼmogitapae, huʼna, hogotetapa kaputapimo aguʼafilagaʼe yuvapatapimo aguʼafilagaʼeʼmo sese higenoʼao agotofuʼalegaʼeʼmo alagepa huno haneno.

Matiyu 5:5

Himuʼnamu kavaʼmo osuʼa yagu yaga kavaʼmo huʼa neʼmaiya vayaʼmogimo muki afoʼapimogi yaʼmo mafaʼneʼapimogimo neʼaliya kava huʼa muki ma mopamo aligayaʼmofeʼmo Goti aulena vayaʼamo maiʼnae.

Luki 11:40

Negi vayane, huʼna, Gotiʼa amega apakufamo alo huʼniya vekamoʼmo apakupiʼeʼmo alo osuʼnifiye.

Luki 16:15

Yesuʼa apakaefeʼmo hunoʼaeʼmo, lapakaemo vayaʼmogi apaulagaleʼmo kanale vayaʼmo maisayafeʼmo muki kavaʼmo nehayaʼmonanafa Gotiʼa lapaipafiʼmo ageʼniye. Vayaʼmogimo mago kavafeʼmo agiʼaleʼmo aliʼa neʼasagayaʼmonanafa Goti aulagaleʼmo alagi hosuʼniya kavaʼmo haneʼniye.

Lomu 1:23

Apakaemo maige maige huno neʼmaiya ha le konali Gotifekeʼmo mono osuʼa apakameʼyamo amiteʼa agae aimuʼyaleʼmo kasalisiya vayakana agufa auneʼagi namagana agufa auneʼagi afugana agufa auneʼagi nagaloʼyavegana agufa auneʼagi huʼa alo huʼa maleʼneʼa ani yatefekeʼmo mono huʼnae.

Lomu 6:6

Ago afiʼnonana lagufafi hosu kavatimo lokiyaʼamo hano hisigeno hosu kavaʼmoʼa yagaino lateʼnisigeta aliʼyaʼamo magoʼe huta oʼalisunafeʼmo Gotiʼa atafa vekatimo Kalaisiʼeʼmo malipu yosaleʼmo nili aiʼnigeno faliʼniye.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

2 Kolitiyani 10:1

Poloʼnamo nagaiʼnimo lapao ke hove. Kalaisiʼa yuna aipa vekamo maiʼneno yagu yaga gemo huʼniya agufa gemo huʼna lapa nepauve. Nagaemo lapaulagaleʼmo maiʼneʼnaeʼmo koli huteʼnaeʼmo ge nosuvaʼmonanafa lapakaeʼeʼmo magokepi lokaeʼna oʼmaiʼneʼnaeʼmo koli osuʼna lokiya gemo nehuva vekamoʼnamo lapa nepauve.

2 Kolitiyani 4:16

Gotiʼa alino he tino lategaiyaʼmofeʼmo laipamoʼmo kana osuʼnigeta oʼataleʼnone. Afole vekatimo alino kalagu kime kime neʼviyaʼmonanafa muki afinaʼae afinaʼaeʼmo Gotiʼa yuʼilaga vekatimo alino saufa vekamo hamaleno neʼate.

Galesiya 5:23

yagu yaga huʼa maige apaipa apakesaleʼmo alagepa huʼa yagaiʼa atege huʼa neʼmaiya kavaʼmo haneʼniye. Magoke keʼaepa gemoʼa mani kavaʼmo osiyo, huno huʼniya gemo ohaneʼniye.

Efasasi 4:2

Muki afinaʼmo lapakufamo alita afepi atetetapa vase hutapa maiyo. Vayaʼmogimo hosu yaʼmo aliʼa nelapamisagetapaeʼmo lapaipamoʼmo falu hino. Konagatapimogimo kana yaʼmo aliʼa nelapamisagetapaeʼmo afaʼa ateʼnetapa konagatapieʼmo lapaino.

Kolosi 3:12

Gotiʼa lapakaefeʼmo hau ayamopafiʼmo hauʼnigeno ago lekana paino lapateteno lapavaleno lapaote lapateʼniyaʼmofeʼmo lapau huta apatege alitapa lapao yaʼmo huge ina agufa vayaʼmo maiʼnone, hutapa lapakesamo afige yagu yaga kavaʼmo hutapa apatege lapakaetegamo hosu kavaʼmo nehisagetapaeʼmo afaʼa maiʼnetapa falu fala lapaipamo kalita apatege hiyo.

Kolosi 3:3

Lapakaemo faliʼnageno afaʼa neʼmaiya yaʼmo alino fala kino ateʼnigeno Kalaisiʼeʼmo magokepi lokaeno Gotipiʼmo nehaneyaʼmofeʼmae.

1 Tesaloniyani 4:11

Vase huta alagepa huta maigune, hutapa lapakesamo afitetapa lapakaitapi yateʼmo alagepa hutapa yagaitapa ateʼnetapa aliʼyaʼmo aliyo, huta ago lapa paiʼnone.

2 Tesaloniyani 3:12

Lagaemo Ala kava netimo Yesu Kalaisitetiʼmo ani vayaʼaifeʼmo hutaeʼmo, himuʼnamu kavaʼmo osutapa aliʼyaʼmo alitetapa lapakaitapi neʼyaʼmo alita neyo, huta lokiya gemo nehune.

1 Timoti 2:2

Gamani vayaʼe muki yagaiʼa neʼapataya vayaʼefeʼmo nunumuʼmo huta apategetao alagepa huta magokepi lokaeta maiʼneta Gotifeʼmo mono nehuta muki vayaʼaitegamo fatago kavaʼmo hugunanagi.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

Taitasi 3:2

Mago vayaʼaifeʼmo huta faipa huta oʼapatetapa kaveta hisaya agufa gemo osutapa yagu yaga kavaʼmo nehutapa muki vayaʼeʼmo alagepa hutapa magokepi lokaeta maiyo, huka hapa paiyo.

Yemisi 1:21

Inagi muki hosu oʼaniʼya kavaʼmo lapaipafiʼmo havai teʼniya kavaʼmo alita ataletetapa Goti aiyafiʼmo ape huta maiʼnetapa lapaipafiʼmo faiʼniya geʼamo aliyo. Ani gemokeʼmo lapakufamo afaʼa alino katino lapategaiye.

1 Pita 1:23

Gotiʼa kasalisiya avina yatetiʼmo halate alino olapateʼnifa okasalisiya avina yaʼmo aunemeʼe gemo hanege hanege huno hanesiya geʼaletiʼmo halate alino lapateʼnigetapa mafaʼneʼamo maiʼnae.

1 Pita 3:15

Lapamoʼya oʼaitapa Gotifekeʼmo lapaipafiʼmo koli hutetapaeʼmo, Ala kava netie, hutapa lapaipafiʼmo hiyo. Vayaʼmogimo lapakaefeʼmo huʼapaeʼmo, na kava higetapaeʼmo Gotifeʼmo agava maiʼnetapa lapavayagunagu nehae, huʼa lapafi gesagetapaeʼmo geʼapileʼmo aeta atagaina hutapa hapa paisayafeʼmo muki afinaʼmo alo hutapa maiyo. Himuʼnamu gemo osutapa Gotifekeʼmo koli hutetapa alagepa gemo hutapa hapa paiyo.

1 Samiyo 16:7

Agesamo afiʼniyaʼmonanafa Ala kava neʼmoʼa Samiyofeʼmo ha painoʼaeʼmo, kagaemo amega agufalefeʼmo kagesamo oʼafika yatala vekaeʼmo alagepa kaulagamo oʼago. Nagaemo kini vekamo maisiyafeʼmo nagesamo oʼafiʼnove. Vayaʼmogi neʼapakaya agufa kavaʼmo huʼna oʼageʼnove. Ma mopafi vayaʼmogi amega apakufaʼalefekeʼmo neʼapakayaʼmonanafa Ala kava neʼmoʼnamo apaipa apakesafikeʼmo neʼapakove.