1 Pita 3:17 - The Keyagana NT and 25 OT books

¹⁷ Gotiʼa hauʼninagenoʼaeʼmo, kana yaʼmo aligae, huno hisigenoʼaeʼmo alagepa kavaʼmo huʼnayaʼmofeʼmo kana yaʼmo alisayana kanale hugiyaʼmonanafa hosu kavatapiletiʼmo alisayana hosugiye.

1 Pita 3:17 ပူးပေါင်းရင်းမြစ်များ

Matiyu 26:39

Apataleno aise afagiʼaleʼmo uno mopafiʼmo agoʼya faiʼneno augosalegatiʼmo mopafiʼmo aino ati kaeno maiʼneno nunumuʼmo hunoʼaeʼmo, Afoʼnimogae, huno, visuva kaʼmo mago alu kaʼmo haneʼnisiyana nagaetegatiʼmo mani kapumo afaʼa alika atalo. Ani gemo huvaʼmonanafa nagaemo nahauʼniya kavaʼmo akame osuka kagaemo kahauʼnisiya kavaʼmo akame huvo, huno nunumuʼmo huʼniye.

Matiyu 26:42

Halate napa tu afinaʼmo apataleno uno, Afoʼnimogae, huno, mani kapumo afaʼa alika oʼatalesanaʼmoʼmo kanalenagi kahauʼnisiya kavaʼmo akame huvo, huno nunumuʼmo huʼniye.

Apa 18:21

Na agufa kavaʼmo Yulusalemu kotegamo afole aisifigeʼna uʼna hopa afinaʼmo maisuvafeʼmo ugesuve. Gotiʼa hauʼnisiyana halate atagineʼna eʼna lapakegauve, huno hapa paiteno apataleno Efasasi taonifatiʼmo sipifiʼmo uʼniye.

Apa 21:14

Lagaemo Polo aipa agesamo oʼaliʼnonaʼmofeʼmo hutaeʼmo, Ala kava neʼmoʼa hu maleʼniya kavaʼmo afaʼa afole aino, huta huʼnone.

1 Pita 1:6

Ani kavafeʼmo lapamogaga neʼaiyaʼmonanafa lapa maesiya hanageke yaʼmo hemenimo aise afinaʼmo aliʼnageno lapaipamoʼmo kana huʼniye.

1 Pita 2:15

Lapakaemo alagepa kavatapiletiʼmo oʼafiʼnisaya vayaʼai apavayaleʼmo kitapa halututapa apatesageʼa negi nagi gemo osisayafeʼmo Gotiʼa hauʼniye.

1 Pita 2:20

Inagi lapakaemo hosu kavaʼmo nehisageʼapaeʼmo lapamagisagetapaeʼmo, kanalene, hutapa hisayana ala lapakitapimo aligafiye. Haʼao oʼaligayaʼmonanafa alagepa kavaʼmo nehisageʼapaeʼmo lapakaetegamo hosu kavaʼmo hisayana kanalene, hutapa hisagenoʼaeʼmo Gotiʼa amuse huno lapategaiye.

1 Pita 3:14

Osugayaʼmonanafa alagepa kavaʼmo nehisagenoʼaeʼmo mago vekamoʼmo lapakaetegamo hosu kavaʼmo nehisiyana Goti aulagaleʼmo alagepa huta maiʼnayanagetapa afaʼa lapamogaga aigae. Mago geletiʼmo huʼa lapausoli hisaya gemo nehisagetapaeʼmo lapamoʼya aitetapa koli osiyo.

1 Pita 4:15

Fiku yanagetapa vayaʼmo nehapaya vayaʼeʼmofi kumayaʼmo neʼaliya vayaʼeʼmofi gamani vayaʼai geʼapimo amagiʼa neʼatalaya vayaʼeʼmofi aliʼyaʼapimo ohaneʼnigeʼa himuʼnamu gemo nehaya vayaʼeʼmofi hutapa maiʼnayaʼmofeʼmo kana yaʼmo aligae.

1 Pita 4:19

Inagi Gotiʼa hauʼniyanageno, kana yaʼmo aligae, huno nehisaya vayaʼmo alagepa kavaʼmo huteʼa Gotiʼa lapakupi mafaʼneleʼmo yagaino apatesiyafeʼmo alita ayapiʼmo maleyo. Agaemo muki yaʼamo alo hu maleʼniya vekamo huguve, huno hu maleʼniya geʼamo alagi akame nehiya vekamo maiʼniyaʼmofeʼmo lapakupi mafaʼnemo alita ayapiʼmo maleyo.