1 Pita 2:17 - The Keyagana NT and 25 OT books

¹⁷ Muki vayaʼai apakiʼapileʼmo alita asaga hiyo. Konagatapieʼmo lapaino. Gotifeʼmo koli hiyo. Ala kini vekamo hogote vekatapimo ala agiʼamo amiyo.

1 Pita 2:17 ပူးပေါင်းရင်းမြစ်များ

Aepa Gemae 20:11

Emalehamuʼa hunoʼaeʼmo, Mani kote maiʼnaya vayaʼmogi Gotifeʼmo koli nosayanageʼa aʼniletifeʼmo kamitimo namagigae, huʼna nagesamo afiʼnove.

Aepa Gemae 22:12

Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.

Aepa Gemae 42:18

Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae.

Samu 111:10

Ala kava nefeʼmo koli nehisaya vayaʼmogi aepa nefaiyanageʼa afiteʼa agegae. Agiʼaleʼmo aliʼa asaga huʼa neʼataya kavaʼmo hanege hanege huno hanegaiye.

Hatu maeno apate'niya gemae 20:12

Itatapi afotapimogi apakiʼapileʼmo alita asagautetapa geʼapimo afitetapa akame hiyo. Ala kava neʼmo Gotitapimoʼnamo magoʼe huʼna yatala afinaʼmo lapamisugetapa ma mopafiʼmo maigayanagi.

Mai'naya kavane 1:7

Inagi Ala kava nefeʼmo koli nehaya kavaʼmoʼa afiteʼa agesaya kavaʼmo aepa nefaiya kavaʼmo haneʼniyaʼmonanafa negi vayaʼmogimo afiteʼa ageʼnaya gelefeʼmo apakameʼyamo amiteʼa aliʼa apaya neʼmalaya gemo noʼafiye.

Mai'naya kavane 23:17

Kagaemo hosu vayaʼmogimo alagepa huʼa neʼmaiyanageʼna ani agufa kava huʼna maiguve, huka kagesamo oʼafika muki afinaʼmo Ala kava nefekeʼmo koli huvo.

Mai'naya kavane 24:21

Mafaʼneʼnimogae, huʼna, Ala kava nefeʼmo koli nehukaeʼmo kini vekaeʼefeʼmo koli huvo. Gamani vayaʼmo hapa faita apatalegaune, huʼa nehaya vayaʼeʼmo magokepi lokaeka oʼmaiyo.

Yoni 13:35

Konagatapimogifeʼmo lapau lapayamopafiʼmo lapausigeʼapaeʼmo muki vayaʼmogimo lapaketeʼapaeʼmo, Yesu geʼamo neʼafiya vayaʼmo maiʼnae, huʼa hugae, huno hapa paiʼniye.

Lomu 12:10

Magoke konagamogimo nehaya kava hutapa yuna lapaipa kaliʼnetapa lahapau lapayamopafiʼmo lahapaino. Apakava oʼmaitapa hogotetapa apakiʼapileʼmo alita asaga hutapa apateyo.

Lomu 13:7

Muki vayaʼmo afaʼa apataletapa apamisaya yaʼmo apamiyo. Anonatapilefeʼmo takesi monimo lapakitapileʼmo apamige alu takesi monimo apamige hiyo. Apaiyafiʼmo maiʼnisaya vayaʼai apaiyafiʼmo maiyo. Apakiʼapileʼmo aliʼa asaga hisaya vayaʼai apakiʼapileʼmo alita asaga hiyo.

2 Kolitiyani 7:1

Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.

Efasasi 5:21

Lapakaemo Gotifeʼmo koli huʼnetapaeʼmo konagatapimogiʼeʼmo afalu afalu kavaʼmo hutetapa apaiyafiʼmo maiyo.

Filipai 2:3

Lapakaitapiekeʼmo lapakesamo afitapa lapakitapileʼmo alita asaga hisayafeʼmo mago kavaʼmo alagi osiyo. Lapakufamo alita afepi atetetapa konagatapieʼmo, alagepa vayaʼmogeʼa ago aeʼa lagaseʼa maiʼnae, hutapa lapakesamo afiyo.

1 Timoti 6:1

Kalavusi aliʼyaʼmo neʼaliya vayaʼmogi aliʼyaʼmo afoʼamo aiyafiʼmo maiʼneʼa geʼamo afisaya kavaʼmo huʼa maiʼnae. Geʼamo afigeʼapao Goti agiʼaleʼe alita apaya neʼmalona geleʼefeʼmo huʼa faipa huʼa oʼateyo.

Himulu 13:1

Konagatapieʼmo nelapaiya kavaʼmo oʼataletapa magoʼe huno lapau lapayamopafiʼmo lapaino.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 2:13

Lapakaemo Ala kava nefeʼmo lapakesamo afitetapaeʼmo muki ma mopafi vayaʼaifeʼmo yagaiʼa neʼapataya vayaʼai geʼapimo afiyo. Hogoteno kini vekamo yagaino neʼapateya vekamo geʼamo afige aliʼyaʼaleʼmo lekana paino apateʼniya vayaʼai geʼapimo afige hiyo. Kini vekamoʼmo apakaemo hosu vayaʼmo kayoʼmo apamige alagepa vayaʼai apakiʼapileʼmo aliʼa asaga huʼa apatege hisayafeʼmo alino apateʼnigeʼa uʼa aliʼyaʼamo neʼaliye.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.

1 Samiyo 15:30

Inagi Soloʼmo hunoʼaeʼmo, Nagaemo hosu kavaʼmo huʼnovaʼmonanafa kagaemo Isaleli vayatama vayaʼai apaulagaleʼe muki Isaleli vayaʼai apaulagaleʼeʼmo ala nagimo namiyo. Nagaemo Ala kava neʼmo Gotikaeʼmo mono hisuvafeʼmo Giligali taonifilagamoaitaʼa atagi netaʼa uguʼae.