Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pita 2:16 - The Keyagana NT and 25 OT books

16 Lapakaemo keʼaepa gemo afeʼalumelaga oʼmaita afa vayaʼmo maiʼnayaʼmofeʼmo hosu kavaʼmo hisaya vayaʼmo oʼmaitapa Goti aliʼyaʼamo neʼaliya vayaʼageʼmo maiyo.

အခန်းကိုကြည့်ပါ။ ကော်ပီ




1 Pita 2:16
15 ပူးပေါင်းရင်းမြစ်များ  

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.


Emiʼneʼna hapa opaiʼnovesinana apakameʼyamo oʼnamisageno hosu kavaʼapimo afaʼa ohaneʼniyesine. Ago hapa paiʼnovaʼmofeʼmo hosu kavatimo oʼageʼnone, huʼa alagi osugae.


Gotiʼa hosu kavategatiʼmo ago hatu maeno lapateʼnigetapa alagepa kavaʼamo aliʼyaʼamo neʼaliya vayaʼmo hamaleʼnae.


Aligayaʼmonanafa Gotiʼa hosu kavapatiʼmo ago hatu maeno lapateʼnigetapa Goti kalavusi aliʼyaʼamo neʼaliya vayaʼmo hamaleʼnayaʼmofeʼmo hemenimo lapaipafatiʼmo alagepa alagamo neʼaegetapaeʼmo lapaote vayaʼmo hamaleme hamaleme neʼvayanagetapa atupa afinaʼmo alagepa hutapa maige maige huta maigae.


Ala kava neʼmo kalavusifiʼmo maiʼneʼa aliʼyaʼmo neʼaliya vayaʼaifeʼmo keya aeno ge huteno apakupi mafaʼnemo hatu maeno apateʼnigeʼa Ala kava neʼmo afa vayaʼamo maiʼnae. Kalaisiʼa afaʼa maiʼnaya vayaʼaifeʼmo keya aeno ge huteno nofi aeno apateʼnigeʼa nofiteʼmo maiʼneʼa aliʼyaʼamo neʼaliya vayaʼmo maiʼnae.


Kalaisiʼa afa vayaʼmo maisunafeʼmo hatu maeno lateʼnigeta afa vayaʼmo maiʼnonaʼmofeʼmo ani kava huta lokiya vaita afa vayakeʼmo maigetao. Keʼaepa gemo afeʼalumelagamo aliʼa lapatesayafeʼmo nehayanagi halate kana huʼniya aliʼyaʼmo alitetapa kalavusifiʼmo oʼmaiyo.


Konagaʼnimogitapae, huʼna, kalavusifiʼmo oʼmaitapa afaʼa maisayafeʼmo Gotiʼa lapakaefeʼmo ge huʼniye. Afaʼa maiʼnayaʼmonanafa fiku yanagetapa ani kavatetiʼmo lapakufamoʼmo hauʼniya kavaʼmo hisaya kaʼmo valitapa ategae. Valitapa oʼatetapa konagatapieʼmo lapau lapayamopafiʼmo lapauʼninagetapa hapa maeyo.


Aliʼyaʼmo afoʼamogi apaulagaleʼmo maiʼnetapaeʼmo amuse huʼa lapatesayafeʼmo geʼapimo oʼafitapa Kalaisi aliʼyaʼamo neʼaliya vayaʼmo maiʼnayaʼmofeʼmo Gotiʼa hauʼniya agufa kavaʼmo hutapa lapaipafatiʼmo geʼapimo afiyo.


Ala kava neʼmo Kalaisi aliʼyaʼamo neʼaliyaʼmofeʼmo ago afiʼnayana Ala kava neʼmoʼa alo hu maleʼniya yapatiʼmo miyatapimo lapamigiye.


Lapakaemo ago afiʼnayana aigofe gemo hutapa lahao ke hesayafeʼmo huta lapao ke oseʼnone. Mago vayaʼmogi hapaʼye nehiya kavaʼapileʼmo geʼapiletiʼmo huʼa aeʼa ati nekaya agufa gemo osuʼnone. Gotiʼa ago lageʼniyanageno laha maesiya faigoko gemo afaʼa hugiye.


Age nekaniyaʼmonanafa mago vekamoʼmo Goti keʼaepa geʼamoʼa uno haino hapaiʼniya kanale geʼaletiʼmo hatu maeno neʼapateya geleʼmo aulu heno ageʼniya geeʼmo age okanino agesamo afifi huno akame nehisiyana kanale hugiye. Muki kavaʼamo nehisigenoʼaeʼmo Gotiʼa alino auleno ategaiye.


Gotiʼa hatu maeno lapateʼniya keʼaepa geʼaletiʼmo alino fako huno lapategaiyaʼmofeʼmo alagepa gemo huge alagepa kavaʼmo huge hiyo.


Apakaemo huʼapaeʼmo, lapakufamoʼmo hauʼniya kavaʼmo hisayana lapatafauno lapatesiya keʼaepa gemo alagi ohaneʼniyanagetapa afa vayaʼmo maigae, huʼa huteʼa aliʼa hosu huʼa neʼapataya kavaʼmoʼa apatafauno apateʼnigeʼa kalavusifiʼmo maiʼnae. Hosu kavaʼmoʼa aeno apakaseʼnisiya vayaʼmo nofi aeno apateʼnigeʼa maiʼnae.


Mago vayaʼmogimo Gotifeʼmo alagepa huʼa mono nosaya vayaʼmo kesi katetiʼmo eʼa lagae folagapiʼmo afole aiʼnae. Apakaemo hapaʼye nehigeʼa kumai kavaʼmo hisayafeʼmo Goti geʼamoʼmo fikumo laha maeno nelamiya kavafeʼmo ava gemo aliʼa afe leʼa alu gemo nehae. Magoke vekamo yagaino neʼapateya Ala kava netimo Yesu Kalaisifeʼmo apakameʼyamo amiʼnae. Akeyaʼvilagamo Gotiʼa ani kavatefeʼmo lekana pai maleʼniyana agoti huʼna apateteʼna kayoʼmo apamiguve, huno hu maleʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ