1 Pita 2:15 - The Keyagana NT and 25 OT books

¹⁵ Lapakaemo alagepa kavatapiletiʼmo oʼafiʼnisaya vayaʼai apavayaleʼmo kitapa halututapa apatesageʼa negi nagi gemo osisayafeʼmo Gotiʼa hauʼniye.

1 Pita 2:15 ပူးပေါင်းရင်းမြစ်များ

Samu 107:42

Fatago vayaʼmogimo ani kavaʼmo ageteʼapaeʼmo apamogaga neʼaiyaʼmonanafa hosu vayaʼmo apavayaleʼmo alino akani maleʼnigeʼa ge nosae.

Samu 5:5

Apakiʼapileʼmo aliʼa asaga nehaya vayaʼmo kaulagaleʼmo he tiʼa oʼmaigae. Kagaemo muki hosu kavaʼmo nehaya vayaʼaifeʼmo kaini nehane.

Mai'naya kavane 9:6

Negi nagi kavaʼmo atalegenoʼao afaʼa maisaya yaʼmo aligayanagi. Afitapa aeto hisayafeʼmo alagepa kateʼmo viyo, huno hapa paiʼniye.

Matiyu 25:2

Ani kava huʼa naya magokayagaʼa aʼmafaʼnemogimo negi nagi apakesamo afiʼnageʼapaeʼmo naya magokayagaʼa aʼmafaʼnemogimo alagepa huʼa afiteʼa ageʼnae.

Matiyu 7:26

Inagi muki vayaʼmogimo mani nehuva gemo fikumo afiteʼa akame nosaya vayaʼmo mago negi vekamoʼmo noʼamo ani kahaepaleʼmo fiku ki maleʼniya vekagana huʼa maiʼnae.

Lomu 1:21

Muki vayaʼmogimo Gotiʼmo ago ageʼnayaʼmofeʼmo ala agiʼamo Gotiʼmo amisaya agufa agiʼamo oʼamige agaefeʼmo hao ke osege huʼa maiʼnae. Afa apakesageʼmo neʼafigeno apaipafiʼmo hani huʼniya kavaʼmo afole aiʼnigeʼapaeʼmo negi nagi kavaʼmo huʼa maiʼnae.

Galesiya 3:1

Galesiya vayaʼmogitapae, huʼna, alagi lusi kava hutapa negi neʼmalae. Ina laʼmo negi nofiʼmo aeno lapamiʼnigetapaeʼmo lama gemo akame nosae. Lagaemo Yesu Kalaisiʼa malipu yosaleʼmo faliʼniya kavafeʼmo ava gemo lapaulagafatiʼmo ageʼnegekana hutapa afisayafeʼmo lapakae folagapiʼmo maiʼneta aeta hakalo huta ago lapa paiʼnone.

1 Tesaloniyani 4:3

Gotiʼa aote kavaʼmo hume hume neʼutapaeʼmo kumai kavafeʼmo maita halove hutapa atesayafeʼmo hauʼniye.

1 Tesaloniyani 5:18

Muki agufa kavatefeʼmo Gotifekeʼmo hao ke heyo. Kalaisi Yesupiʼmo maiʼnetapaeʼmo ani kavaʼmo hisayafeʼmo Gotiʼa hauʼniye.

1 Timoti 1:13

Hogoteʼna Yesufeʼmo huʼna faipa huʼna atege vayaʼaeʼmo naini huʼna apatege kamemo huʼna apatege huʼna maiʼnovaʼmonanafa hau huno nateʼniye. Alagepa huʼna oʼafige nagesamo afiʼna fatago osuge huʼnovaʼmofeʼmo hau huno nateʼniye.

Taitasi 2:8

Huʼa faipa huʼa oʼatesayafeʼmo alagepa lokiya gemo hapa paigeʼapao kame vayakamogi lagaefeʼmo hosu faigoko gemo osisageno apavagage hino.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

1 Pita 2:12

Lapakaemo ma mopafi vayaʼaitegamo alagepa kavaʼmo hiyo. Apakaemo lapakaefeʼmo huʼapaeʼmo, hosu kavaʼmo nehae, huteʼa huʼa faipa huʼa lapatesaya vayaʼmogimo alagepa kavatapimo agesagenoʼaeʼmo Gotiʼa apakaeteʼmo emineno yagaino apatesiya afinaʼmo agiʼaleʼmo aliʼa asaga hugae.

1 Pita 3:16

Yuʼilaga mafaʼnemoʼmo hosu kavaʼmo nehae, huno osisiyafeʼmo alagepa kavaʼmo hiyo. Alagepa kavaʼmo nehisageʼapaeʼmo Kalaisiʼmo akame nehaya alagepa kavatapieʼmo huʼa faipa huʼa nelapatesaya vayaʼmogimo lapaketeʼapaeʼmo apavagage hugiye.

1 Pita 3:17

Gotiʼa hauʼninagenoʼaeʼmo, kana yaʼmo aligae, huno hisigenoʼaeʼmo alagepa kavaʼmo huʼnayaʼmofeʼmo kana yaʼmo alisayana kanale hugiyaʼmonanafa hosu kavatapiletiʼmo alisayana hosugiye.

1 Pita 4:2

Apakaemo hosu kavaʼapimo ago ataleʼnayaʼmofeʼmo ma mopafiʼmo maime maime neʼeʼapaeʼmo hapaʼye nehiya kavaʼmo ataleʼa Gotiʼa hauʼniya kavakeʼmo akame hisaya kavaʼmo haneʼniye.

2 Pita 2:12

Gotiʼa afela afumo vayaʼmogi apamagisageʼa falisayafeʼmo alo huno apateʼniya afugana huʼa maiʼnae. Apakaemo oʼageʼnaya kavafeʼmo huʼapaeʼmo, hosu kavaʼmo haneʼniye, huʼa nehae. Huʼa huteʼa huʼa faipa huʼa neʼatayanageno Gotiʼa alino apagoʼya lagauno apatalegaiye.

Yuti 1:10

Ha paiʼniyaʼmonanafa ani vayaʼmogi muki oʼageʼnaya kavafeʼmo huʼa faipa huʼa ateteʼapaeʼmo ageʼnaya kavafeʼmo afela afumogi nehaya kavaʼmo huʼa apakaiʼapimo aliʼa hosu huʼa neʼapatae.