1 Pita 2:11 - The Keyagana NT and 25 OT books

¹¹ Nahauʼniya vayaʼnimogitapae, huʼna, amega lapakufamoʼmo hauʼniya kavaʼmoʼa lapakupi mafaʼneeʼmo kame huno neʼate. Kalaga vayaʼmo maige etapa maige hutapa maiʼnayaʼmofeʼmo lapao ke hovanagi, ani kavafeʼmo haʼao, hutetapa osiyo.

1 Pita 2:11 ပူးပေါင်းရင်းမြစ်များ

Aepa Gemae 21:34

Inagi Emalehamuʼa kalaga hageno uno kalaga vekamoʼmo yatala afinaʼmo Filisatini vayaʼai mopaleʼmo maiʼniye.

Aepa Gemae 23:4

Nagaemo kalaga hageʼna kalaga vekamo eʼna lapakae folagapiʼmo maiʼnove. Aʼnimo ago faliʼniyanageʼna kiʼna atesuvafeʼmo mago mopamo miya faigesuve, huno ge huno apafi geʼnigeʼapaeʼmo

Aepa Gemae 47:9

Yekopuʼa ha painoʼaeʼmo, Nagaemo vani hataleti tetiʼa kafugamo maiʼneʼnaeʼmo alu vayaʼai mopaleʼmo kalaga vekamo maiʼnove. Afoʼnimoʼe lotoʼnimoʼeʼmo kalaga vekalaʼmo maiʼnaʼa kafugaʼanimoʼmo nagae kafugamo ago aeno aga seʼnigeʼna kana yaʼmo alime alime eʼnove.

Samu 119:19

Ma mopafiʼmo nata neʼna neʼvisugekaeʼmo gekamo afisuvafeʼmo alika fala okika alika nave liyo.

Samu 119:54

Nata neʼna eʼna maiʼnova nopiʼmo avoʼmo kae maleʼnaya keʼaepa gekamo yokemo huʼnove.

Luki 21:34

Lapakaitapileʼmo alagepa huta yagaita lapateyo. Fiku yanageta lusi yagita huge lokiya aniʼmo netetapa negi nagi gemo huge ma mopafi yafeʼmo lapakesa alaʼamo afige lapausoli huge nehisageno ani afinaʼmo malage huno kesi katetiʼmo afole aigiye.

Apa 15:20

Mago avoʼmo kaeta atalegaune. Avoʼmo kaetaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Kumai kavaʼmo osiyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo, huta avoʼmo kaegaune.

Apa 15:29

Nehutaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo. Kumai kavaʼmo osiyo, huta nehune. Ani kavaʼmo osisayana kanale hugiye. Maitalafiye, huʼa avoʼmo kaeʼnae.

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

Lomu 7:23

aeto agufa lokiya yaʼmoʼa nagufafiʼmo aliʼyaʼmo neʼaliye. Ani lokiya yaʼmo saufa naipafiʼmo haneʼniya lokiya yateʼmo kame huno neʼate. Kame huno ateteno kalavusi huno neʼnategenoʼaeʼmo hosu kavaʼmo lokiyaʼamoʼmo nagufafi alu ya alu yaʼnileʼmo lokiya vaino yagaino neʼnate.

Lomu 8:13

Atafa lapaipamoʼmo hauʼniya kavaʼmo akame nehisayana faligayaʼmonanafa Goti Aunemeʼaletiʼmo lapakufamo hauʼniya kavaʼmo amagita falitapa ataleme ataleme neʼvisayana ofalitapa afaʼa maigae.

2 Kolitiyani 5:20

Ani aliʼyaʼamo lamiʼniyaʼmofeʼmo Kalaisi avayamo aliʼnonagenoʼaeʼmo Gotiʼa lavayafatiʼmo hunoʼaeʼmo, lapao ke hove, huno nehiya agufa gemo huta muki vayaʼaifeʼmo hutaeʼmo, lapao ke hone, huta Gotiʼa ago alino ao yaʼmo hu maleʼniyaʼmofeʼmo lapakaemo alita lapao yaʼmo hu maleʼnetapa agaeʼeʼmo magokepi lokaetapa maiyo, huta nehune.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

2 Kolitiyani 7:1

Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Efasasi 2:19

Ani kavaʼmo hutapa maiʼnayaʼmofeʼmo hemenimo lapakaemo nata vayaʼmo oʼmaige alu kotegatiʼmo eʼa maiʼnaya vayakana huta oʼmaige huʼnayaʼmonanafa Goti apaote vayaʼaʼeʼmo magoke kote vayaʼmo maiʼnetapa Goti afamo anaga vayaʼaʼeʼmo magokepi lokaeta maiʼnae.

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

2 Timoti 2:22

Neya vayaʼmogimo apakufamoʼmo hauʼniya kavaʼmo nehaya kavategatiʼmo ataleka kaune heka eka yaveyave apaipafatiʼmo Ala kava nefeʼmo keya aeʼa ge nehaya vayaʼeʼmo magokepiʼmo lokaetapa maiʼnetapaeʼmo fatago kavanagi lapau lapayamopafiʼmo nelapaiya kavanagi yuna lapaipa nekaliya kavanagi hutapa atafausayafeʼmo vegala aeyo.

Himulu 11:13

Ani muki vayaʼamogimo apakesamo afiʼa fatago hume hume eʼa faliʼnae. Gotiʼa polomasi gemo hunoʼaeʼmo, fikumo lapa maeʼna lapamiguve, huno hu maleʼniya yaʼmo oʼaliʼnayaʼmonanafa muga afagiʼaleʼmo haneʼnigeʼa ageteʼapaeʼmo, aligune, huʼa magoke apakesamo afiteʼa ani geleʼmo atafauʼa anukiʼa alagi huʼa maigekana huʼa atafauʼa alagi huʼa maiʼnae. Ani kavaʼmo huʼa maiʼneʼapaeʼmo, nata vayaʼmo alu kotega vayaʼmo maiʼnone, huʼa huʼnae.

Himulu 6:9

Lahauʼniya vayaʼmogitapae, huta, mani gemo nehunaʼmonanafa hosu mopagana hutapa oʼmaiʼnae, huta lagesamo neʼafune. Gotiʼa apakufamo alino katino neʼapateya vayaʼai apaipafiʼmo alino neʼmaleya yaʼmo hogote yaʼmo lapaipafiʼmo ago alino maleʼniya vayaʼmo maiʼnae, huta lokiya vaita lagesamo neʼafune.

Yemisi 4:1

Kame huge kaveta huge nehaya kavaʼmo aepaʼaeʼmo lapa paigesuve. Lapakufamoʼmo hauʼniya kavatapimoʼa lapakufafiʼmo kamemo nehigenoʼaeʼmo kaveta nehaya kavaʼe kame hutapa neʼapataya kavaʼeʼmo afole aiye.

1 Pita 1:1

Nagaemo Pitaʼnamo Yesu Kalaisi apa vekaʼamo maiʼneʼnaeʼmo Goti vayaʼamo kalagaʼmo hageta uteta hutapa Ponitasi kotega maige Galesiya kotega maige Kapanosiya kotega maige Esiya kotega maige Mitiniya kotega maige huʼnaya vayaʼmogitapaeʼmo mani gemo avoʼmo nekaove.

1 Pita 1:17

Nunumuʼmo nehutapaeʼmo, Afotimogae, hutapa agi neʼaya vekamoʼmo vayaʼai amega apakufalefeʼmo agesamo noʼafifa muki vayaʼaitegamo magoke aiyaya kavakeʼmo huno alagepa huno alino fako huno neʼapateyaʼmofeʼmo ma mopafiʼmo kalaga vayaʼmo maiʼnetapaeʼmo koli hutapa maime maime viyo.

1 Pita 4:12

Nahauʼniya vayaʼnimogitapae, huʼna, Kana yaʼmo atagana huno lapamalageka nehisigetapaeʼmo, aeto agufa kavaʼmo lagaetegamo afole neʼaiye, hutetapa lapau oʼaiyo.

1 Pita 4:2

Apakaemo hosu kavaʼapimo ago ataleʼnayaʼmofeʼmo ma mopafiʼmo maime maime neʼeʼapaeʼmo hapaʼye nehiya kavaʼmo ataleʼa Gotiʼa hauʼniya kavakeʼmo akame hisaya kavaʼmo haneʼniye.

2 Pita 3:1

Nahauʼniya vayaʼnimogitapae, huʼna, ago afiʼnaya geeʼmo halate alagepa lapakesafatiʼmo magoʼe hutapa lapakesamo afisayafeʼmo aliʼna he tiʼna lapatesuvafeʼmo hogoteʼna avoʼmo kaeteʼnaeʼmo hemenimo halate henaga gemo avoʼmo nekaove.