1 Pita 2:1 - The Keyagana NT and 25 OT books

¹ Huʼniyaʼmofeʼmo lapakaemo vayaʼaitegamo hosu kavaʼmo osuge aigofe gemo osuge ala lapakitapimo alisayafeʼmo amega lapakufale alagepa kavaʼmo osuge lapaipa kafa ohapaege huta faipa huta oʼapatege hiyo.

1 Pita 2:1 ပူးပေါင်းရင်းမြစ်များ

Samu 32:2

Gotiʼa hosu kavaʼapimo haneʼniye, huno nosigeʼa humi nami kavaʼmo osuʼnaya vayaʼmo aulena vayaʼmo maiʼnae.

Samu 34:13

Inagi lapauʼnisiyana hosu gemo osuge aigofe gemo osuge hisayafeʼmo alagepa huta yagaitapa lapateyo.

Samu 37:1

Hosu vayaʼmogi nehaya kavaʼapieʼmo lapakesa alaʼamo afitetapa lapausoli osiyo. Hosu kavaʼmo nehaya vayaʼaifeʼmo alagepa kavaʼmo huʼa neʼmaiyanageta apakaekana huta maigesune, hutapa osiyo.

Samu 73:3

Apakeʼnovana himuʼnamu kavaʼmo huteʼa hosu kavaʼmo nehaya vayaʼmogi alagepa huʼa maiʼnageʼna apaketeʼnaeʼmo maiʼnaya agufa kavaʼmo huʼna maiguve, huʼna huʼnogenoʼaeʼmo nahaʼye huʼniye.

Mai'naya kavane 14:30

Kaita ohauʼnigeno alagepa huno afaʼa haneʼniya aipamoʼmo agufamo alino lokiya vaino ategaiyaʼmonanafa aipa kafa nehaeya aipamoʼmo mago kaita haugekana huno haneʼniyanageno agufamo alino hosu huno ategaiye.

Mai'naya kavane 24:1

Kagaemo hosu vayaʼmo alagepa huʼa neʼmaiyanageʼna ani kava huʼna maiguve, huteka apakaeʼeʼmo magokepi lokaeka oʼmaiyo.

Mai'naya kavane 24:19

Lapakaemo hosu kavaʼmo nehaya vayaʼaifeʼmo lapausoli osiyo. Lapakaemo hosu vayaʼmo neʼmaiya agufa kavaʼmo huʼna maigesuve, hutapa osiyo.

Mai'naya kavane 3:31

Kagaemo kaveta nehisiya vekaeʼmo agaekana huʼna maigesuve huka huteka kaipa kafa ohao. Muki nehiya kavaʼamo alagi akame osuvo.

Aiyeya 2:20

Ani afinaʼmo vayaʼmogimo aigofe gotigi apauneʼalefeʼmo mono nehaya yaʼmo siluvaletiʼe goliletiʼeʼmo alo huʼnaya yaʼmo aliniʼuʼa kafaʼe lapaʼeʼmo neʼmaiya yategamo yaga auʼa atalegae.

Matiyu 15:7

Aeta ati nekaya vayanagi afiyo, Aiyeyaʼa Gotitegati gemo alinineno aeno hakalo huno hapa paiʼniya gemoʼmo lapakaefekeʼmo alagi lama gemo haneʼniye.

Matiyu 23:28

Ani kava huʼa vayaʼmogimo amega lapakufaʼaleʼmo lapaketeʼapaeʼmo alagepa vayaʼmo maiʼnae, huʼa nelapakayaʼmonanafa lapaipafiʼmo aeta ati nekaya kavaʼe Goti keʼaepa geʼamo amagita neʼatalaya kavaʼeʼmo havaiteʼniye.

Matiyu 24:51

Enoʼaeʼmo naipeletiʼmo folagapatiʼmo heno apalo atiteno aeʼa ati nekaya vayaʼmo maiʼnayategamo alino atesigeno uno aviʼya huge avepiʼmo hanino agafu kige huno maigiye.

Matiyu 7:5

Aeta ati nekaya vayane, huʼna, alagepa hutapa agetetapa konagatapimo aulagafatiʼmo afayaʼmo alita atalesayafeʼmo hogoteta lapaulagafatiʼmo latapa yakefamo alita akaitapa ataleyo.

Maki 12:15

Takesi monimo apamisupi oʼapamisune huʼa afi geʼnagenoʼaeʼmo Yesuʼa apakesamo afiteʼa apaipafatiʼmo ge osuʼnafa aeʼa ati kaeʼa huʼnaya geʼapimo apaketenoʼaeʼmo, na kava higetapa namalageka huta nafi negae. Laga monimo aliniteta nave liyo, huno hapa paiʼniye.

Luki 11:44

Keʼaepa gemo avoʼmo kaeta alita apaya neʼmalaya vayanagi Falasi vayanagi hutapa aeta ati nekaya vayanagi vaehae, lapakaetegamo kage kage hisaya kavaʼmo afole aigiye. Lapakaemo faliʼnageʼa kiʼa apateʼnaya vayaʼmogi keligana huta maiʼnae. Vayaʼmo keli avayaleʼmo uʼeʼa nehuʼapaeʼmo, apakufaʼamo haneʼniye, huʼa noʼagae, huno hapa paiʼniye.

Luki 12:1

Muki asole vayaʼmo eʼa aliʼa anupa huʼa faiʼa kili paeʼa maiʼnagenoʼaeʼmo Yesuʼa geʼamo neʼafiya vayaʼaifeʼmo hunoʼaeʼmo, Falasi vayaʼai peleti mayafiʼmo aeno apafu neleya yafeʼmo aeʼa ati nekaya kavafeʼmo ehetapiye.

Luki 6:42

Na kava higetapaeʼmo konagatapieʼmo hutapaeʼmo, konagaʼnimogae, kaulagafatiʼmo afayaʼmo aliʼna atalegauve, huta hapa nepaiyaʼmonanafa alopa latapa yosamo lapaulagafiʼmo haneʼniyana noʼagae. Aeta ati nekaya vayane, huʼna, hogotetapa lapaulagafiʼmo haneʼniya alopa latapa yosamo alita ataleʼnetapa konagatapimogi apaulagafiʼmo haneʼniya afayaʼmo alita atalesayafeʼmo ageta alagepa hutapa agegae.

Yoni 1:47

Yesuʼa ageyana Natanieloʼmo agaetegamo eʼnigeno agetenoʼaeʼmo, lama ge Isaleli vekamo maiʼniye. Magoke aigofe geʼamo ohaneʼniya vekamae, huno huʼnigeno

Lomu 1:29

Muki alu hosu kava alu hosu kavanagi kumai kavanagi alagepa osu kavanagi ma mopafi yafeʼmo hapaʼye nehiya kavanagi apaini huʼa neʼapataya kavanagi huno apaipafiʼmo havaiteʼniye. Apaipa kafa nehapaya kavanagi vayaʼmo kamitimo neʼapamagiya kavanagi kaveta nehaya kavanagi aigofe gemo nehaya kavanagi hosu apaipa nekaliya kavanagi huno apaipafiʼmo havai teʼniye.

1 Kolitiyani 14:20

Konagaʼnimogitapae, huʼna, mafaʼne anagaʼmogimo neʼafiya agufa lapakesamo oʼafiyo. Vayaʼaitegamo hosu kavaʼmo osisayafeʼmo aise mafaʼnegana hutapa maiyo. Maigayaʼmonanafa gemo aepaʼamo afisayafeʼmo alopa vayakana hutapa maiyo.

1 Kolitiyani 5:8

Hopa afina kavaʼmo hisunafeʼmo hosu kavaʼmo osuge hanageke yaʼmo alita oʼapamige huteta ani kava huta atafa peleti mayamo alino ko sino neʼateya peleti mayamo alita atalegetao. Yaveyave laipamo aliʼneta lama gemo huteta ani kava huta ko nosiya peleti mayamo alita hopa afina kavaʼmo higetao.

2 Kolitiyani 12:20

Uʼna lapakesuvana oʼnahauʼnisiya kavaʼmo hutapa maiʼnisageʼna lapakesufi huteʼna koli nehuve. Oʼnahauʼnisiya kavaʼmo nehisayana nagaeʼeʼmo olapauʼnisiya kavaʼmo lapakaetegamo huguve. Fiku yanagetapa ge vaige lapaipa kafa hapaege falo gemo huge lapaote lapaote hutapa maige huta faipa hutapa apatege sumi sumi gemo huge lapakufamo avalelitapa haige lapano aege hutapa maiʼnae.

Efasasi 4:31

Atu ofa lapaipamo okalige lapaipamo olege lapai oʼvaige falo gemo osuge ge ohapauge muki agufa lapaini nehaya kavaʼmo atalege hutapa maiyo.

1 Tesaloniyani 2:3

Lapa paiʼnona gemo aigofe geletiʼmo afole oʼaige amega lagufaleʼmo lamogaga aisuna agufa kavatetiʼmo afole oʼaige humiʼnami getiletiʼmo afole oʼaige huʼniye.

1 Timoti 3:11

Ani kavaʼmo huno aʼamoʼmo alagepa huno yagaisiya agufa a kanogeʼmo maigiye. Hosu faigoko gemo osuno agufaleʼmo alagepa huno yagaino atege muki kavatefeʼmo alagepa kavaʼmo huge nehisiya a kanomoʼmo maigiye.

Taitasi 2:3

Ani kava huka anekalo aʼneʼaifeʼmo alika apaya malegeʼapao aniʼmo neteʼa negi gemo osuge hosu faigoko gemo osuge huteʼa alagepa huʼa yagaiʼa neʼapataya yahauve aʼnegana huʼa maiyo. Apakaemo alagepa gemo venemo aʼne anagaʼaifeʼmo aliʼa apaya malegeʼapao

Himulu 12:1

Ani asole vayaʼmogi apakesamo afiʼa fatago huʼnaya kavaʼmo aliʼa lave liʼnaya vayaʼmo faliteʼapaeʼmo hiyakana huʼa maiʼneʼa faiʼa vego huʼa lateʼa maiʼnageta folagapiʼmo maiʼnonageʼapaeʼmo aulu lahaeʼa lageʼa maiʼnae. Aulu lahaeʼa lageʼa maiʼnayaʼmofeʼmo lagaemo aliʼnona kana yaʼmo atalege latafausiya hosu kavaʼmo hatu maeta atalege huteta lesisi agufa kavaʼmo huta oʼataleta atafauta alagi huta maiʼneta laulagaleʼmo valino lateʼniya kateʼmo nagu nagu huta vigetao.

Yemisi 1:21

Inagi muki hosu oʼaniʼya kavaʼmo lapaipafiʼmo havai teʼniya kavaʼmo alita ataletetapa Goti aiyafiʼmo ape huta maiʼnetapa lapaipafiʼmo faiʼniya geʼamo aliyo. Ani gemokeʼmo lapakufamo afaʼa alino katino lapategaiye.

Yemisi 3:14

Hugiyaʼmonanafa hosu lapaipa kafa hapaege hosu lapaipa kalita apatege ala lapaki alisayafeʼmo lapauge nehisiyana alagepa vayaʼmo maiʼnone, hutetapa lama geʼamo aetapa ati okaeyo.

Yemisi 4:11

Konagatapimogifeʼmo huta faipa hutapa oʼapateyo. Mago vekamoʼmo konagaʼamofeʼmo huno faipa huno ateteno alino fako huno atesiyana Goti keʼaepa geʼaeʼmo huno faipa huno ateteno alino fako huno neʼate. Lapakaemo keʼaepa geʼamo alita fako hutapa atesayana keʼaepa geʼamo akame osutapa keʼaepa geʼamo alita fako hutapa neʼatae.

Yemisi 4:5

Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.

Yemisi 5:9

Konagaʼnimogitapae, huʼna, konagatapieʼmo ge ohapaiyo fiku yanageno Gotiʼa hosu gemo nehae, huno hugiye. Afiyo, huʼna, alino fako huno apatesiya vekamo kipateʼmo he tino maiʼniye.

1 Pita 2:16

Lapakaemo keʼaepa gemo afeʼalumelaga oʼmaita afa vayaʼmo maiʼnayaʼmofeʼmo hosu kavaʼmo hisaya vayaʼmo oʼmaitapa Goti aliʼyaʼamo neʼaliya vayaʼageʼmo maiyo.

1 Pita 2:22

Agaemo magoke hosu kavaʼmo osuʼnigeʼa agege avayafatiʼmo magoke aigofe gemo osuʼnigeʼa oʼafige huʼnae.

1 Pita 3:10

Ani kavatefeʼmo Goti mukufi gemoʼmo hunoʼaeʼmo, Alagepa huta maiʼneta lamogaga aisunafeʼmo lahauʼniye, huʼa nehisaya vayaʼmogimo ani agufa kavaʼmo huʼa maisayafeʼmo hosu gemo osuge aigofe gemo osuge huteʼa alagepa huʼa yagaiyo.

1 Pita 4:2

Apakaemo hosu kavaʼapimo ago ataleʼnayaʼmofeʼmo ma mopafiʼmo maime maime neʼeʼapaeʼmo hapaʼye nehiya kavaʼmo ataleʼa Gotiʼa hauʼniya kavakeʼmo akame hisaya kavaʼmo haneʼniye.

1 Pita 4:4

Hemenimo lapakaemo Satani vayaʼeʼmo ani agufa hosu kavaʼmo afela vayaʼai kavaʼmo nosayaʼmofeʼmo Satani vayaʼmogi hapau aiteʼa huʼa faipa huʼa nelapatae.

Leveleseni 14:5

Aigofe gemo nosaya vayaʼmo maiʼnayanageʼa vaiʼmo afaʼa oʼapamigae.