1 Pita 1:6 - The Keyagana NT and 25 OT books

⁶ Ani kavafeʼmo lapamogaga neʼaiyaʼmonanafa lapa maesiya hanageke yaʼmo hemenimo aise afinaʼmo aliʼnageno lapaipamoʼmo kana huʼniye.

1 Pita 1:6 ပူးပေါင်းရင်းမြစ်များ

Samu 119:28

Kanamo aliʼnogenoʼaeʼmo nagupi mafaʼnemoʼmo ani hegekana huʼniye. Lokiya vaiʼna kategauve, huka huʼnanaʼmofeʼmo lokiya vaika nato.

Samu 119:75

O Ala kava nene, huʼna, afiʼnovana alika fako nehana kavaʼmo alagepa kavaʼmo haneʼnigeka gekamo akame huteka naha maesanafeʼmo kana yaʼmo alika namiʼnane.

Samu 34:19

Alagepa vayaʼmogimo lusi hanageke yaʼmo neʼaliyaʼmonanafa Ala kava neʼmoʼa muki hanageke yapatiʼmo apakufamo alino katino neʼapate.

Samu 69:20

Huʼa faipa huʼa nateʼnageʼna lusi kana yaʼmo aliʼnogeno kanamo nahauʼniye. Hau huno natesiya vekamo agesuvafeʼmo kahauya huʼnovaʼmonanafa magoke vekamo alagi oʼmaiʼniye. Mago vayaʼmogi naipamo aliʼa lokiya vaiʼa natesageno naipamoʼmo falu hisiyafeʼmo nagesamo afiʼnovaʼmonanafa alagi oʼmaiʼnae.

Samu 9:14

Alika katika nategeʼnao namogaga aiteʼna Yulusalemu vayaʼaifeʼmo naha maeʼnana kavafeʼmo ava gemo aeʼna hakalo huʼna hapa paiguve.

Samu 95:1

Egetao Ala kava neʼmo agiʼaleʼmo alita asaga huta agaefeʼmo mono yokemo hugune. Lokiya vekatimo yafakana huno maiʼneno lagufamo alino katino nelateya vekaekeʼmo alopa gefatiʼmo huteta lamogagamo aigune.

Aiyeya 61:10

Ala kava nefeʼmo magoʼe huʼna lusi kava huʼna namogaga aiguve. Nagupi mafaʼnemoʼmo Gotiʼnimofeʼmo magoʼe huno amuse huno ategaiye. Na kava hinageʼnaene. Agaemo nagufamo alino katino nateteno fatago kavaʼamo yatala kukenagana huno alino vaino nateʼniye. Agaemo fatago kavaʼmo alagi alagepa yatala kukenagana huno alino nagufaleʼmo ago aino ati kaeno nateʼniye. Aʼmo alisiya vekamoʼmo konalimo neʼaliya kava huʼna maiʼnove. Veleʼmo maisiya a kanomoʼmo alopa moniletiʼmo miya nefaiya sesu konalimo aliteno neʼmaiya agufa kava huʼna maiʼnove.

Aiyeya 61:3

Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.

Matiyu 11:28

Muki vayaʼmo alagaʼmo lapaege kana yaʼmo alige huta neʼmaiya vayaʼmo nagaetegamo egeʼnao maitapa haga lesaya yaʼmo lapamiguve.

Matiyu 26:37

apataleno Pitaʼe Sepeti mafaʼnelaʼeʼmo apavalelino uʼniye. Aepa faino aipamoʼmo lusi kava huno kana huʼnigeno agesa alaʼamo afitenoʼaeʼmo,

Matiyu 5:12

Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Luki 1:47

Nauneʼnameʼmo Gotiʼa agufamo alino katino ateʼniya vekaeʼmo amogaga neʼaiye.

Luki 10:20

Himamuʼnimo ago aliʼnayaʼmofeʼmo hosu apaune vayaʼmogi getapimo afiʼnaya kavafekeʼmo lapamogaga oʼaita Gotiʼa kokuʼnapi haneʼniya mukufiʼmo lapakitapimo avoʼmo ago kae maleʼniya kavafekeʼmo ago lapamogaga aiyo, huno hapa paiʼniye.

Luki 2:10

Enisole vekamoʼmo hapa painoʼaeʼmo, lapamoʼyamo oʼaita afiyo. Alagepa gemo muki vayaʼmogi afiteʼa lusi kava huʼa apamogaga aisaya gemo aliniʼna emiʼneʼnove.

Yoni 16:22

Ani kava hutapa hemenimo yulagefa neʼaiyaʼmonanafa halate eʼna lapakesugetapaeʼmo lapaipafiʼmo lapamogaga aigae. Mago vekamoʼmo ani lapamogaga aisaya kavatapimo afaʼa alino oʼatalegaiye.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Lomu 12:12

Afole aisiya kavafeʼmo agava maiʼnetapaeʼmo lapavayagunagu hutapa lapamogaga aiyo. Hanageke yaʼmo aliʼnetapaeʼmo oʼataleta atafautapa alagi hutapa maiyo. Oʼataleta nunumuʼmo huge huge hutapa maiyo.

Lomu 5:11

Mani alagepa kavaʼageʼmo lagaetegamo afole oʼaigifa hemeniʼeʼmo Ala kava netimo Yesu Kalaisitetiʼmo Gotifeʼmo amuse huta ateteta lamogaga neʼaune. Gotiʼa agaetetiʼmo ago alino ao yaʼmo hu maleʼniyaʼmofeʼmae.

Lomu 5:2

Agaetetiʼmo lagesamo afita fatago huʼnona kavatetiʼmo eta haiteta Gotiʼa fikumo laha maeno nelamiya kavaʼafiʼmo maiʼnetaeʼmo, Goti ha le konali hetamatimo aligune, huteta lavayagunagu huta agava neʼmaune.

Lomu 9:2

Ani lama geeʼmo huʼnaeʼmo, nagae nofi vayapatiʼmo ma mopafi konagaʼnimogifeʼmo nagesamo neʼafugenoʼaeʼmo muki afinaʼmo lusi kava huno naipamoʼmo kana nehigeno nainagamo nefaiye.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Filipai 3:3

Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

Filipai 4:4

Ala kava nefeʼmo muki afinaʼmo lapamogaga aiyo. Halate lapamogaga aiyo, huʼna nehuve.

1 Tesaloniyani 1:6

Goti geʼamo alagepa hutapa afitetapa lusi kava hutapa kana yaʼmo aliʼnageno Goti Aunemeʼamoʼmo lapa maeʼnigetapa lapamogaga neʼaitapaeʼmo lakame huge Ala kava neʼmo akame huge huʼnae.

Yemisi 1:2

Konagaʼnimogitapae, huʼna, lapakaemo asole hanageke kavapiʼmo asagautapa aiʼnisayaʼmoʼmo lapamalageka nehisigetapaeʼmo lusi kava huta lamogaga aisuna agufa kavaʼmo afole aiʼniye, hutapa lapakesamo afiyo.

Yemisi 1:9

Apaki ohaneʼniya konagatimogi apakiʼapileʼmo Gotiʼa alino asagauno apateʼniya kavafeʼmo apamogaga aiyo.

Yemisi 4:9

Lapaipamoʼmo lusi kava huno kana huʼninagetapa yulagefa aitapa aviʼyaʼmo hiyo. Kigi nehaya kavatapimo ataleta yulagefa aiyo. Lapamogaga neʼaiya kavatapimo ataleta lapaipamoʼmo kana hino.

1 Pita 3:17

Gotiʼa hauʼninagenoʼaeʼmo, kana yaʼmo aligae, huno hisigenoʼaeʼmo alagepa kavaʼmo huʼnayaʼmofeʼmo kana yaʼmo alisayana kanale hugiyaʼmonanafa hosu kavatapiletiʼmo alisayana hosugiye.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

1 Pita 5:10

Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.

1 Samiyo 2:1

Hanaʼmo nunumuʼmo hunoʼaeʼmo, Nagaemo naipafatiʼmo Ala kava nefeʼmo namogaga neʼauve. Ala kava nepiʼmo maiʼnogenoʼaeʼmo lokiya vaino nateteno alino asaga uno nateʼniye. Kagaemo nagufamo alika katika nateʼnanageʼnaeʼmo namogagamo neʼauvaʼmofeʼmo kame vayaʼnieʼmo kigi nehuve.