1 Pita 1:3 - The Keyagana NT and 25 OT books

³ Lagaemo Goti agiʼaleʼmo Ala kava netimo Yesu Kalaisi afoʼamo agiʼaleʼmo alita auleta ategetao. Lusi kava huno hau huno lateʼniyaʼmofeʼmo Yesu Kalaisiʼa faliʼniyatetiʼmo ago alino he tino ateʼniya kavatetiʼmo saufa vayaʼmo halate alino lateʼniye. Lagaemo afole aisiya kavatefeʼmo agava maiʼnetaeʼmo lama geʼalefeʼmo lavayagunagu huta maisunafeʼmo ani kavaʼmo huʼniye.

1 Pita 1:3 ပူးပေါင်းရင်းမြစ်များ

Samu 41:13

Ala kava neʼmo Isaleli vayaʼai Gotiʼapimoʼmo akeyaʼvilagamo maige hemenimo maige muki afinaʼaeʼmo maige huno aulena Gotiʼa maino.

Hatu maeno apate'niya gemae 34:6

Ala kava neʼmo Mosese aulagaleʼmo neʼunoʼaeʼmo, Nagaemo Ala kava neʼmo Gotiʼnamae nagaemo Ala kava neʼmo Gotiʼnamae. Nagaemo nahau nayamopafiʼmo nahauge fikumo hapa maeʼna apamige malage huʼna naipamo leʼna oʼapatege lusi kava huʼna nahau huʼna apatege geʼnimo akame huge huʼna neʼmauve.

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Yona 4:2

Yonaʼa nunumuʼmo hunoʼaeʼmo, Ala kava nene, huno, Koʼnimo ataleʼna oʼmeʼnova afinaʼmo ani kavaʼmo hugane, huʼna huʼnofiye. He, ani gemo ago huʼnove. Ani kavaʼmo hugane, huʼna nagesamo afiʼnovaʼmofeʼmo ataleʼna naune hetaleʼna Tasisi taonifiʼmo ugefeʼmo huʼnove. Ago afiʼnovana kagaemo fiku hapa maeka apamiteka kahau huka neʼapatana Gotigamo maiʼnane. Kaipamo malage huno nole. Kahau kayamopafiʼmo kahauʼniya kavaʼmo asole kavakamo haneʼniye. Kagaemo vayaʼmo apamagisanafeʼmo okahauʼniyaʼmofeʼmo halate alu kaipa kagesamo afiʼnane.

Yoni 1:13

Apakaemo itaʼapi afoʼapimogi kolatetiʼmo aliʼa oʼapatege apakaiʼapi hapauʼnigeʼa aliʼa oʼapatege alu vayaʼmogi hapauʼnigeʼa aliʼa oʼapatege huʼnayaʼmonanafa Gotiʼa agaiʼamo hauʼnigeno alino apateʼnigeʼa mafaʼneʼamo ha maleʼnae.

Lomu 12:12

Afole aisiya kavafeʼmo agava maiʼnetapaeʼmo lapavayagunagu hutapa lapamogaga aiyo. Hanageke yaʼmo aliʼnetapaeʼmo oʼataleta atafautapa alagi hutapa maiyo. Oʼataleta nunumuʼmo huge huge hutapa maiyo.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 4:25

Gotiʼa hosu kavatilefeʼmo avalelino uno hosu vayaʼai apayapiʼmo atetenoʼaeʼmo naulagaleʼmo fatago vayaʼmo maiʼnae, huno laha paisiyafeʼmo kanolufatiʼmo ago alino he tino ateʼniye.

Lomu 5:10

Goti kameʼamo maiʼnonagenoʼaeʼmo mafaʼneʼamo faliʼniya kavatetiʼmo alino ao yaʼmo hu maleʼniyaʼmofeʼmo ao vayaʼmo maiʼnonagenoʼaeʼmo mafaʼneʼamo he tino afaʼa maiʼniya himamuʼaletiʼmo magoʼe huno lagufamo alino katino lategaiye.

Lomu 8:11

Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.

Lomu 8:24

Gotiʼa lagufamo alagi alino katino latesiyafeʼmo agava maiʼneta lavayagunagu nehune. Lagaemo ani yaʼmo ago aliʼnonesinana agava maiʼneta lavayagunagu nosunesine. Vayaʼmogi ageʼnaya kavafeʼmo agava maiʼneʼa apavayagunagu nosae.

1 Kolitiyani 13:13

Hemenimo loleʼe magoʼe kavaʼmo haneʼniyana apakesamo afiʼa fatago nehaya kavaʼmo hanege alagepa kavaʼmo afole aigiye, huʼa huteʼa agava maiʼneʼa apavayagunagu nehaya kavaʼmo hanege hapau apayamopafiʼmo nehapaiya kavaʼmo hanege huʼniyanageno alagi hanege hanege huno hanegaiye. Mani loleʼe magoʼe kavapatiʼmo aeno agaseno hogote kavaʼmo haneʼniyana hapau apayamopafiʼmo nehapaiya kavaʼmo haneʼniye.

1 Kolitiyani 15:20

Ani gemo nehuvaʼmonanafa lama gemo haneʼniyana Kalaisiʼa ago he tiʼniye. Agaemo hoyafatiʼmo hogoteno leʼniya neʼyakana huno he tiʼniyaʼmofeʼmo agae akamelegamo asole vayaʼmo he tigae.

2 Kolitiyani 1:3

Ala kava netimo Yesu Kalaisi Afoʼamoʼmo alita auleta ategetao. Agaemo hau huno nelateya kavaʼmo Afoʼamoʼmo maiʼneno muki afinaʼmo laha maeno laipamo alino lokiya vaino nelateya vekamo maiʼniye.

Galesiya 6:16

Gotiʼa mani avoʼmo nekaova gemo akame nehisaya vayaʼmo agaiʼa vayaʼmo muki lama ge Isaleli vayaʼaifeʼmo hau huno apatenageʼa apaipamoʼmo falu hino.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Efasasi 1:3

Lagaemo Gotiʼa alita auleta ategetao. Agaemo Ala kava netimo Yesu Kalaisi Gotiʼamoʼmo maige Afoʼamoʼmo maige huʼniye. Lagaemo Kalaisipiʼmo maiʼnonagenoʼaeʼmo agaemo muki aulena yaʼamo kokuʼnapatiʼmo launelameʼmo ha maesiya yatetiʼmo ago alino auleno lateʼniye.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Efasasi 2:4

Maiʼnonaʼmonanafa kagemi yaʼapiʼe vayaʼmogimo alopa kagemi yaʼapimo haneʼniya kava huno Gotiʼa hau huno neʼapateya kavaʼamo kagemi yaʼagana huno haneʼniya vekamoʼmo lagaefeʼmo hau ayamopafiʼmo hauʼniye.

Efasasi 3:20

Lagaemo agaefeʼmo ge hutaeʼmo, ani kavaʼmo huvo, huta afi nekona kavaʼmo agaemo afaʼa hugiye, huta lagesamo neʼafuna kavaʼeʼmo afaʼa hugiye. Afaʼa magoʼe huno ge huta afi nokona kavaʼe lagesamo noʼafuna kavaʼeʼmo laipafiʼmo aliʼyaʼmo neʼaliya himamuʼaletiʼmo magoʼe huno afaʼa hugiye.

Kolosi 1:23

He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

1 Tesaloniyani 4:13

Inagi konagatimogitapae, huta, mago vayaʼmogimo, faliʼnaya vayaʼmo he otigae, huʼa apakesamo neʼafiyaʼmofeʼmo apakava oʼmaige apavayagunagu osuge huteʼa lusi kava huʼa yulagefa neʼaiye. Ani agufa kavaʼmo osutapa faliʼnaya vayaʼaifeʼmo lama gemae, hutapa afisayafeʼmo nahauʼniye.

2 Tesaloniyani 2:16

Afotimo Gotiʼa lagaefeʼmo hau ayamopafiʼmo hauʼnigeno muki afinaʼmo lokiya vaita maiʼneta lavayagunagu huta agava maisunafeʼmo fikumo laha maeno lamiʼniye. Agaeʼe Ala kava netimo Yesu Kalaisiʼeʼmo muki alagepa gemo huge muki alagepa kavaʼmo huge hutapa maisayafeʼmo lapa maeʼana lapaipamo aliʼana lokiya vaiʼana lapatesaʼagetapa maiyo.

1 Timoti 1:14

Ala kava netimoʼa lusi kava huno fikumo naha maeno namiʼnigeʼna Kalaisi Yesupiʼmo maiʼneʼnaeʼmo nagesamo afiʼna fatago nehuʼnaeʼmo nahau nayamopafiʼmo nahauʼniye.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Yemisi 1:18

Agaemo hauʼnigeno muki alo huno apateʼniya vayaʼmo aeta apakaseta maisunafeʼmo lama geʼaletiʼmo alino lateʼnigeta mafaʼneʼamo maiʼnone.

1 Pita 1:13

Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

1 Pita 1:23

Gotiʼa kasalisiya avina yatetiʼmo halate alino olapateʼnifa okasalisiya avina yaʼmo aunemeʼe gemo hanege hanege huno hanesiya geʼaletiʼmo halate alino lapateʼnigetapa mafaʼneʼamo maiʼnae.

1 Pita 2:2

Nute mafaʼnemogimo nufekeʼmo lusi kava huno nehapaiye. Goti geʼamo nukana huno haneʼniyaʼmofeʼmo mani alagepa nufeʼmo lapauʼninagetapa neyo netapa kosigae.

1 Pita 3:15

Lapamoʼya oʼaitapa Gotifekeʼmo lapaipafiʼmo koli hutetapaeʼmo, Ala kava netie, hutapa lapaipafiʼmo hiyo. Vayaʼmogimo lapakaefeʼmo huʼapaeʼmo, na kava higetapaeʼmo Gotifeʼmo agava maiʼnetapa lapavayagunagu nehae, huʼa lapafi gesagetapaeʼmo geʼapileʼmo aeta atagaina hutapa hapa paisayafeʼmo muki afinaʼmo alo hutapa maiyo. Himuʼnamu gemo osutapa Gotifekeʼmo koli hutetapa alagepa gemo hutapa hapa paiyo.

1 Pita 3:21

Apakaemo sipifiʼmo maiʼnagenoʼaeʼmo Gotiʼa anipatiʼmo apakufamo alino katino apateʼniya kavaʼmo aune kavaʼmo huno Gotiʼa aniʼmo faleʼa nelataya kavatetiʼmo lagufamo alino katino nelate. Fikumo aniʼmo faleʼa neʼapataya kavaʼmoʼa amega apakufale oʼaniʼyaʼageʼmo aeno kalo paeno neʼataleyaʼmonanafa Gotiʼa Yesu Kalaisiʼmo alino he tino ateʼniya kavatetiʼmo yuʼilaga mafaʼnetimo alino alagepa huno lateʼniya mafaʼnetifatiʼmo Goti geʼaleʼmo aeta atagaina huta nehune.

1 Pita 3:5

Akeyaʼvilaga apaote aʼnemogimo Gotifeʼmo aliʼa amufa amiʼnaya aʼnemogi anauʼapimogi apaiyafiʼmo maiʼneʼapaeʼmo ani agufa konali yaʼapimo vaiʼa aliʼnae.

1 Yoni 2:29

Lapakaemo Gotiʼa alagepa kavaʼageʼmo nehiya vekae, hutapa ago afiʼnayaʼmofeʼmo agaemo alagepa kavaʼmo nehaya vayaʼmo hogoteno alino apateʼnigeʼa mafaʼneʼamo maiʼnae, hutapa afiʼnae.

1 Yoni 3:3

Muki vayaʼamogimo, ani kavaʼmo afole aigiye, huʼa huteʼa agava maiʼneʼa apamogaga neʼaiya vayaʼmo apakaiʼapimo sese huʼa neʼapatae. Agaemo yaveyaveʼage aipaʼe vekamo maiʼniyanageʼa agaekana huʼa maisayafeʼmae.

1 Yoni 3:9

Ina lagimo Gotiʼa alino apateʼnifi Goti avina yaʼamo apaipafiʼmo haneʼniyaʼmofeʼmo hosu kavaʼmo akame nosae. Gotiʼa alino apateʼniyaʼmofeʼmo apakaemo hosu kavaʼmo alagi akame osugae.

1 Yoni 4:7

Nahauʼniya vayaʼmogitapae, huʼna, Hapau apayamopafiʼmo nehapaiya kavaʼmo afoʼamoʼmo Gotiʼa maiʼniyaʼmofeʼmo konagatimogifeʼmo lahau layamopafiʼmo lahaino. Muki vayaʼmo hapau apayamopafiʼmo nehapaiya vayaʼmo Gotiʼa alino apateʼnigeʼa mafaʼneʼamo maiʼneʼa Gotiʼa ageʼa aeto huʼnae.

1 Yoni 5:1

Ina lagimo Yesuʼa Kalaisiʼmo vayaʼmo maiʼniye, huʼa huteʼa apakesamo afiʼa fatago nehafi Gotiʼa alino apateʼnigeʼa mafaʼneʼamo maiʼnae. Muki vayaʼamogimo alino apateʼniya vekaeʼmo hapau apayamopafiʼmo hapausiyana ani kava huno alino apateʼniya mafaʼneʼamogiʼefeʼmo hapau apayamopafiʼmo nehapaiye.

1 Yoni 5:18

Gotiʼa alino apateʼniya mafaʼneʼamogimo hosu kavaʼmo akame nosae. Gotiʼa alino apateʼniya vayaʼmogi apakaiʼapileʼmo yagaiʼa neʼapatagenoʼaeʼmo hosu vekamoʼmo alino hosu huno noʼapate.

1 Yoni 5:4

Gotiʼa alino apateʼniya mafaʼneʼamogimo ma mopafi kavaʼeʼmo kame huʼa aeʼa neʼagasae. Lagaemo Goti Mafaʼneʼaeʼmo lagesamo afita fatago huʼnona kavatetiʼmo ma mopafi kavaʼmo kame huta ago aeta agaseʼnone.