1 Pita 1:24 - The Keyagana NT and 25 OT books

^24-25 Goti mukufi gemoʼa ani kavatefeʼmo hunoʼaeʼmo, Muki vayaʼai amega apakufaʼamo kahaugana huno haneʼniye. Konali yaʼapimo kahaumo ausegana huno haneʼniye. Kahaumo leno falu netegenoʼaeʼmo auseʼamo asagauno neʼaiyaʼmonanafa Ala kava neʼmo geʼamo alagi hanege hanege huno hanegaiye, huno huʼniye. Apakaemo mani alagepa faigoko geʼamo ago aeʼa hakalo huʼa lapa paiʼnae.

1 Pita 1:24 ပူးပေါင်းရင်းမြစ်များ

Samu 103:15

Kahaumoʼmo aise afinaʼmo nehaneya kava huta ma mopafiʼmo aise afinaʼmo maiteta nefalune. Kahaumoʼmo ausemo heʼnigenoʼaeʼmo malage huno yasimo neʼaligenoʼaeʼmo falu teteno hali huno mopafiʼmo asagauno neʼaiya kava huta aise afinaʼmo maiteta ago nefalune.

Samu 129:6

Apateʼnegeʼa apakaemo nokato muleʼmo kahaumo nelagiya agufa kava huʼa maiyo. Apakaemo nokatomule kahaumo malage huno vaisiye.

Samu 37:2

Kahaumo malage huno leno falu neteya kava huʼa malage huʼa falu tegae. Aise yosamo neʼvaiya kava huʼa vaigae.

Samu 90:5

Aniʼmo heteno alinino neʼviya kava huka lavalelikuka nelatanageta nefalune. Alagamunamo ageʼnageno malage huno apake nekaniya kava huta malage huta nefalune. Kahaumo netepiʼmo lagiteno ause hetenoʼaeʼmo uneʼamo ago falu neteya kava huta maiʼneta nefalune.

Samu 92:7

Inoʼmo lusi kava huno neʼaiya kava huʼa hosu vayaʼmo alagepa huʼa maiʼnayaʼmonanafa kagaemo mukiʼamo alika hosu huka apatalegane.

Aiyeya 51:12

Gotiʼa hunoʼaeʼmo, Nagaiʼnigeʼmo lapaipamo aliʼna falu huʼna lapategauve. Ina lagitapamo maiʼnetapaeʼmo falisiya vekaeʼmo koli huge kahaugana huʼa malage huʼa hano hisaya vayaʼaifeʼmo koli huge nehae.

Matiyu 6:30

Inagi Gotiʼa kahaufilaga kahaumo hemenimo haneʼniyanageno egamo ata lesiya kahaumo auseʼamo vaino neʼateyaʼmofeʼmo kukena yatapimo magoʼe huno lapamigiye. Gotifekeʼmo laha maegaiye, hutapa aiseʼamo lapakesamo afita fatago nehae.

Yemisi 4:14

Nehayaʼmonanafa egamo na agufa kavaʼmo afole aigifi hutapa oʼafiʼnae. Lapakaemo na agufa yakana hutapa maiʼnae. Lapakaemo netepiʼmo yosaleʼmo aise hiyaʼmo kiʼnigeno yegemo haino neʼegenoʼaeʼmo alino hano hulino neʼviya hiyakana hutapa maiʼnae.

1 Yoni 2:17

Ma mopafi kavaʼe ma mopafi kavafeʼmo hapaʼye nehiya kavaʼeʼmo ago hano hugefeʼmo nehiyanageno alagi hano hugiyaʼmonanafa Goti geʼamo akame nehaya vayaʼmo maige maige huʼa maigae.