Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.
1 Pita 1:20 - The Keyagana NT and 25 OT books20 Gotiʼa ma mopaʼe kokuʼnaʼeʼmo alo osuʼnenoʼaeʼmo akeyaʼvilagamo ani aliʼyaʼmo alisiyafeʼmo Kalaisiʼa ago lekana paino ateteno henagaʼamo lapakaetefeʼmo alino afole aino ateʼniye. အခန်းကိုကြည့်ပါ။ |
1 Pita 1:20
27 ပူးပေါင်းရင်းမြစ်များ
Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.
Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.
Hogoteno Gotiʼa agesa afitenoʼaeʼmo, ani kavaʼmo afaʼa afole aigiye, huno ge hu maleʼnenoʼaeʼmo ago alino lapayapiʼmo ateʼniye. Ateʼnigetapa avalelitutapa hosu vayaʼmo keʼaepa gemo akame nosaya vayaʼai apayapiʼmo ateʼnae. Lapakaemo ani vayaʼai apayapatiʼmo Yesuʼmo malipu yosaleʼmo nili aitetapa alita he tita atetetapa kamitimo amagiʼnae.
Agaemo mafaʼneʼamo kolaʼaeʼmo lagesamo afita fatago hisuna kavatetiʼmo aipamo leno olateno aipamo falu huno latesiyafeʼmo mafaʼneʼamo muki vayaʼai apaulagaleʼmo alino afole aino ateʼniye. Akeyaʼvilagamo Goti vayaʼamogi hosu kavaʼmo huʼnagenoʼaeʼmo kayoʼmo oʼapamino afaʼa apakeno apataleʼniye. Gotiʼa hau huʼniya kavaʼaletiʼmo fatago kavaʼmo huʼnove, huno alino lave lisiyafeʼmo mafaʼneʼamo muki vayaʼai apaulagaleʼmo alino afole aino ateʼniye.
Gotiʼa Yesu Kalaisitetiʼmo muki yaʼmo afa yatetiʼmo alo huʼniya vekamoʼmo agesamo afitenoʼaeʼmo, ani kavaʼmo huguve, huno huʼniya kavaʼmo akeyaʼvilagamo alino fala ki maleʼnigeʼa muki kafugaʼae kafugaʼaeʼmo oʼageʼnae. Oʼageʼnayaʼmonanafa hemenimo Gotiʼa haiya kava huno agesamo afiʼniya kavaʼmo hisifi huʼa muki vayaʼmogimo ageʼa alagepa huʼa agesayafeʼmo aliʼyaʼamo alisuvafeʼmo navaleno nateʼniye.
Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.
Huʼniyaʼmonanafa Kalaisiʼa ani kavaʼmo osuʼnifa muki afinaʼae afinaʼaeʼmo ofalinimo amisiyafeʼmo kolaʼamo aliteno uno ohaiʼniye. Muki afinaʼae afinaʼaeʼmo agaiʼamo ofalini amisiyafeʼmo ma mopamo alo huʼniya afinatetiʼmo falite falite hume hume neʼeyesine. Huʼniyesinaʼmonanafa hemeni atupa afinaʼmo agaiʼa agufamo ofalini huteno hosu kavaʼapimo alagi alino atalesiyafeʼmo magoke afinaʼmo emineno vayaʼai apaulagaleʼmo afole aiʼniye.
Gotiʼa muki yaʼmo afoʼamoʼmo lapaketenoʼaeʼmo, mafaʼneʼnimo maigae, huteno lekana paino lapateʼniye. Aunemeʼamoʼmo lapakaemo Yesu Kalaisifeʼmo ava gemo afitetapa akame hisageno Yesu Kalaisi kolaʼaletiʼmo aino fuli fuli huno faleno lapatesiyafeʼmo alino lapaote vayaʼamo lapateʼniye. Lusi kava huno fikumo lapa maeno lapamisaʼageno lapaipamoʼmo falu hino.
ကြော်ငြာတွေ