1 Pita 1:18 - The Keyagana NT and 25 OT books

¹⁸ Lapakinago vayaʼai kavaʼmoʼa alagepa huno lapa oʼmaesiya agufa kavakeʼmo hogotetapa akame huʼnae. Ani agufa kavategatiʼmo ago miya faino hatu maeno lapateʼniya kavafeʼmo ava gemo ago afiʼnae. Kalaisiʼa hano hisiya yaʼmo siluva yafatetiʼmofi goli yafatetiʼmofi huno miya faino olapateʼnifa

1 Pita 1:18 ပူးပေါင်းရင်းမြစ်များ

Samu 62:10

Lapakaemo agoti hutapa apatege kumaya alige hisaya kavafeʼmo alita amufa oʼamiyo lapa oʼmaegayanagi. Monitapimo magoʼe huno hanesigetapaeʼmo, laha maegaiye, huta lapakesamo oʼafiyo.

Aiyeya 52:3

Ala kava neʼmoʼa hunoʼaeʼmo, Kagaemo kalavusi aliʼyaʼmo alisanafeʼmo miya ofaiʼnaya kava huʼna miyakamo oʼaliʼna fiku hatu maeʼna kategauve.

Maki 8:37

Agupi mafaʼnemo afela hisiyaʼmoʼmo na agufa miyatetiʼmo halate miya faino aligiye.

Lomu 1:21

Muki vayaʼmogimo Gotiʼmo ago ageʼnayaʼmofeʼmo ala agiʼamo Gotiʼmo amisaya agufa agiʼamo oʼamige agaefeʼmo hao ke osege huʼa maiʼnae. Afa apakesageʼmo neʼafigeno apaipafiʼmo hani huʼniya kavaʼmo afole aiʼnigeʼapaeʼmo negi nagi kavaʼmo huʼa maiʼnae.

1 Kolitiyani 3:20

Magoʼe gemo Goti mukufiʼmo haneʼniya gemoʼa hunoʼaeʼmo, Ala kava neʼmoʼa afiteʼa ageʼnaya vayaʼmogimo apakesamo neʼafiya kavaʼmo agetenoʼaeʼmo, afaʼa inagufa yane, huno nehiye, huno huʼniye.

1 Kolitiyani 7:23

Mukiʼamogitapae, huʼna, Kalaisiʼa alopa miyatetiʼmo ago miya faiʼniyanagi ma mopafi vayaʼmogi kalavusifiʼmo lapakupi mafaʼnemo oʼmaino.

Galesiya 1:4

Gotiʼa Afotimoʼmo hauʼnigeno Kalaisiʼa geʼamo akame huno hemenimo ma mopafi kavategatiʼmo lagufamo alino katino latesiyafeʼmo hosu kavatilefeʼmo agufamo amiteno faliʼniye.

Efasasi 4:17

Ani kavaʼmo hutapa maiʼnayaʼmofeʼmo nagaemo Ala kava neʼmo agiʼaletiʼmo lokiya gemo huʼna lapa paiʼnaeʼmo, Malaga vayaʼmogi nehaya agufa kavaʼmo hogotetapa huʼnayaʼmonanafa hemenimo magoʼe hutapa osiyo. Fikumo apakesamo neʼafigenoʼaeʼmo apaipa apakesamoʼmo hani huʼnigeno apaipamo lokiya vaiʼniyaʼmofeʼmo noʼagayaʼmofeʼmo Gotiʼa afaʼa maisaya yaʼmo neʼapamiya yaʼmo oʼaliʼa malaga vayaʼmo maiʼnae.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 9:12

Agaemo mememo kolaʼaletiʼe aikeli pulumakamo kolaʼaletiʼeʼmo aote mono nopiʼmo uno ohaiʼnifa agaiʼa kolaʼaletiʼmo muki afinatefeʼmo magoke afinaʼmo alagi uno haitenoʼaeʼmo maige maige huta maisunafeʼmo alagi hatu maeno lateteno uno haiʼniye.

1 Pita 1:7

Gotiʼa lapakesamo afita fatago nehaya kavafeʼmo amalageka huno agegenoʼaeʼmo, Lama ge kavaʼmo haneʼniye, huno hisiyafeʼmo hanageke yaʼmo lapamiʼniye. Vayaʼmogimo hano hisiya goli yafaʼmo atafiʼmo kaeʼa age nekaya kava huno Gotiʼa lapakesamo afita fatago nehaya kavaʼmoʼa alopa monileʼyaʼmo aeno agaseʼniya kavaʼmo goli yafaʼmo ago aeno agaseʼniya kavaʼmogeno amalageka huno age neke. Agegenoʼaeʼmo lama ge kavaʼmo haneʼninagenoʼaeʼmo Yesu Kalaisiʼa afole aisiya afinaʼmo ala lapakitapimo lapamige ha le konali yaʼamo lapamige lapakitapileʼmo alino asagauno lapatege hisiyafeʼmo amalageka huno age neke.

1 Pita 4:3

Lagaemo hogoteta malaga vayaʼmogi hapauʼniya kavakeʼmo alagi huʼnonaʼmonanafa hemenimo magoʼe huta osugune. Hogoteta kumai kavaʼmo hisunafeʼmo apayate alige amega lagufamoʼmo hauʼniya kavaʼmo huge aniʼmo neteta negi nagi kavaʼmo huge ogefagemo huge aniʼmo neteta hosu kigi yokalo gemo huge hutetaeʼmo aigofe gotitefeʼmo hosu monoʼmo huʼnone.

1 Yoni 3:5

Lapakaemo ago afiʼnayana Kalaisiʼa hosu kavatimo alino atalesiyafeʼmo emineno afole aiʼniye. Agaiʼa aipafiʼmo hosu kavaʼamo alagi ohaneʼniye.