1 Pita 1:12 - The Keyagana NT and 25 OT books

¹² Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.

1 Pita 1:12 ပူးပေါင်းရင်းမြစ်များ

Mai'naya kavane 1:23

Nagaemo huʼnaeʼmo, lapakaemo hosu kavaʼmo nehae, huʼna nehisugetapaeʼmo afitetapa ataleta aitapa afe leyo. Nauneʼnameʼmo aliʼna lapakaetegamo aniʼmo lakigekana huʼna lapamiteʼna geʼnimo afisayafeʼmo lapa paiguve.

Aiyeya 32:15

Ani agufa hosu kavaʼmo haneme haneme neʼvisigenoʼaeʼmo Ala kava neʼmoʼa anaga kotegatiʼmo Aunemeʼamo anikana huno lakitalesigeno lagaetegamo eminegaiye. Eminesigeno kahaepa koʼmoʼa alagepa mopamo alino hamalesigeno alu neʼya alu neʼyaʼmo afole aigiye. Afole aigiyaʼmonanafa asole neʼyaʼmo afole neʼaiya hoyaeʼmo huʼapaeʼmo, yahaofilagamo haneʼniye, huʼa hugae.

Aiyeya 53:1

Ina laʼmo aeta hakalo huta hapa nepauna geeʼmo agesamo afino fatago huʼniye. Ala kava neʼmoʼa ina laʼmo agufamo alino katino atesiya himamuʼamo alino ave liʼnigeno ageʼniye.

Neniyo 10:1

Sailasiʼa Pesiya kini vekamo loleʼe magoʼe kafugamo yagaino neʼapategenoʼaeʼmo Gotiʼa mago gemo Neniyoʼmo alu agiʼamo Melatasasafeʼmo ha paiʼniye. Ani gemo alopa kame kavafeʼmo alagi lama gemo afole aisiya kavafeʼmo huʼniye. Neniyoʼmo alagamuna agetenoʼaeʼmo aepaʼamo ageʼniye.

Neniyo 12:13

Kagaemo Neniyogamo mailika neʼugenoʼao atupa afinaʼmo afole aino. Kagaemo maika falu huka atupa afinaʼmo he tika Gotiʼa lekana paino kateʼniya yaʼmo aliteka maika haga legane, huno naha paiʼniye.

Neniyo 12:9

Neniyo, huno, hemenimo afaʼa ato. Hemenimo mukumo ago aino akaniʼniyanageno vaka olegaiyaʼmofeʼmo atupa afinaʼmo afole aigiye.

Neniyo 2:19

Haniʼilagamo Gotiʼa Neniyoʼmo alagamuna kategamo kini vekamo alagamuna gemo aepaʼamo alino ave liʼniye. Neniyoʼa agetenoʼaeʼmo kokuʼnapi maiʼniya Gotiʼa alino auleno ateʼniye.

Neniyo 2:22

Agaemo aeno ati kaeno alagi huʼniya kavaʼmo alino apave neliye. Agaemo hanipi haneʼniya kavaʼmo ha le yaʼmo agaeʼeʼmo lokaeno haneʼnigeno ageʼniye.

Neniyo 2:47

Neniyofeʼmo ha painoʼaeʼmo, Gotikamoʼmo muki alu gotigimo ago aeno apaka seʼniye. Agaemo muki kini vayaʼaiteʼmo yagaino neʼapate. Kagaemo ani fala kiʼniya gemo naha paiʼnanaʼmofeʼmo nagaemo afiʼnovana Gotikamoʼmo fala kiʼniya gemo alino apave neliye, huno huʼniye.

Neniyo 8:13

Inagi nagaemo afiʼnovana mago aote enisole vekamoʼmo ge nehigenoʼaeʼmo alu aote enisole vekamoʼmo ina ge huno ge huno afi geʼniye. Alagamuna gemo hainu afinaʼmo hano hugiye. Na magi afinaʼmo utegeno muki afinaʼae afinaʼaeʼmo ofalini kavaʼapimo magoʼe huno oʼakanigiye. Na magi afinaʼmo utesigeno mono noʼamo aliʼa hosu huʼa neʼataya kavaʼmo hano hugiye. Na magi afinaʼmo utesigeno mono noʼaʼe asole vayaʼeʼmo apaiyaletiʼmo aeʼa lata nepaiya kavaʼmo hano hugiye, huno ge huno afi geʼnigeno

Neniyo 9:24

Gotiʼa vayakaʼe aote taonikaleʼefeʼmo sevetiʼa sotamo lekana pai maleʼniye. Ani afinaʼmo agaemo aeno apaka seʼniya aote vekamo uvelimo lakino atesigeʼapaeʼmo Yu vayaʼmogi hosu kavaʼapimoʼmo magoʼe huno havai tesiyafeʼmo magoʼe huʼa hosu kavaʼmo hugae. Ani aote vekamoʼmo hosu kavaʼmo alino hano huno atalege alino nanu aeno apatege hanege hanege huno hanesiya fatago kavaʼamo alino afole aino atege alagamuna agegekana huʼa vayaʼmogi Gotitegati gemo aliniʼeʼa aeʼa hakalo huʼa hapa nepaiya kavaʼmo ohanesiyafeʼmo kameletiʼmo faleno aeno akanino atalege hugiye.

Matiyu 11:25

Ani afinaʼmo Yesuʼa nunumuʼmo hunoʼaeʼmo, Afo, huno, Kokuʼnapiʼe ma mopafiʼeʼmo neʼyagaina Ala kava neʼmogae, huʼna, ageteʼa afiʼnaya vayaʼe sukulu huʼnaya vayaʼmogiʼeʼmo ani kavaʼmo alagi oʼagesayafeʼmo alika fala ki maleʼnanaʼmonanafa aise mafaʼne anagaʼmo alika apave liʼnanaʼmofeʼmo kahao ke nehove.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Maki 16:15

Agaemo hunoʼaeʼmo, muki ma mopafi vayaʼaitegamo uta alagepa faigoko geʼnimo aeta hakalo hutapa hapa paiyo.

Luki 15:10

nagaemo lama gemo lapa nepauve, huʼna, ani kavaʼmo huno mago vekamoʼmo aipamo alino afe lesigeʼapaeʼmo kokuʼnapi vayaʼmogimo enisole vayaʼmogi apaulagaleʼmo apamogaga neʼaiye, huno hapa paiʼniye.

Luki 2:26

ofalika afaʼa maiʼneka Ala kava neʼmo Kalaisi vekamo agegane, huno ha paiʼniye.

Luki 9:6

Muki haopalega umenitata huʼa taoniʼafi taoniʼafiʼmo alagepa faigoko gemo aeʼa hakalo huʼa hapa paige kaita hapauʼniya vayaʼmo aliʼa hapageʼa apatege huʼa umenitata huʼnae.

Yoni 15:26

Nagaemo lapa maesiya vekamo alagi lama gemo aepa Aunemeʼamo Afoʼnimotegatiʼmo aliʼna atesugeno emineno nagaefeʼmo faigoko geʼnimo hugiye.

Apa 10:44

Pitaʼa ani gemo hapa nepaigenoʼaeʼmo Goti Aunemeʼamo aote Aunemeʼamoʼmo muki ani gemo afiʼnaya vayaʼaiteʼmo emineʼniye.

Apa 16:10

Ageteno laha paiʼnigetaeʼmo, Gotiʼa hunoʼaeʼmo, Masetoniya vayaʼaitegamo utapa alagepa faigoko geʼnimo aetapa hakalo hutapa hapa paiyo, huno laha paiʼniye, huta magoke laipa lagesamo aliteta Masetoniya kotegamo ugune, huta huʼnone.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 4:31

Nunumuʼmo huʼnagenoʼaeʼmo aliʼa anupa huʼa maiʼnaya noʼmoʼa uti uti aiʼniye. Goti Aunemeʼamo aote Aunemeʼamoʼmo apaipafiʼmo haino maiʼnigeʼapaeʼmo koli osuʼa aepa faiʼa Goti geʼamo lokiya vaiʼa aeʼa hakalo huʼnae.

Apa 4:8

Goti Aunemeʼamoʼmo Pita aipafiʼmo haino havai teʼnigenoʼaeʼmo Pitaʼa geʼapileʼmo aeno atagaina huno hapa painoʼaeʼmo, Ala vayaʼmo neʼyagaiya vayaʼmogitapaʼe vayatama vayaʼmogitapaʼene, huno,

Apa 8:25

Anakaemo Yesu Kalaisiʼa huʼnigeʼana ageʼnaʼa kavaʼmo huge Ala kava neʼmo geʼamo aeʼana hakalo huʼana hapa paige huteʼanaeʼmo apataleʼana atagi neʼana Yulusalemu taonifiʼmo uʼnaʼae. Neʼuʼanaeʼmo Sameliya kotega alu taonifiʼe alu taonifiʼeʼmo alagepa faigoko gemo aeʼana hakalo huʼana hapa paimale hapa paimale huliʼana uʼnaʼae.

Lomu 1:15

Visuvafeʼmo Gotiʼa agaiʼa yaʼmo haneʼniyaʼmonanafa Lomu taonifiʼmo maiʼnaya vayaʼmogitapaeʼmo uʼna alagepa faigoko geʼamo aeʼna hakalo huʼna lapa paisuvafeʼmo nahauʼnigeʼna ago alo huʼna maiʼnove.

Lomu 1:17

Gotiʼa mani geletiʼmo agaiʼa fatago kavaʼamo ago alino apave liteno apakesamo afiʼa fatago nehaya kavatetiʼmo apakesamo afiʼa fatago nehaya vayaʼmo alino neʼapamiye. Ani kavatefeʼmo Goti mukufiʼmo avoʼmo kae maleʼnaya gemoʼa hunoʼaeʼmo, apakesamo afiʼa fatago nehaya kavatetiʼmo fatago vayaʼamo maiʼnayanageʼa alagepa huʼa maigae, huno hapa paiʼniye.

Lomu 10:15

Mago vekamoʼmo alino apatesigeʼa oʼvisayana haiya kava huʼa uʼa aeʼa hakalo huʼa hapa paigae. Ani kavatefeʼmo avoʼmo kae maleʼniya gemoʼa hunoʼaeʼmo, alagepa faigoko geʼaletiʼmo alino nanu aeno neʼapateya gemo aliniʼeʼa aeʼa hakalo huʼa hapa nepaiya vayaʼmogi apaiyamo kanale apaiyamo haneʼnigeʼa aliniʼa neʼae. Apakaemo alagepa kavafeʼmo ava gemo afiteʼa apamogaga aisayafeʼmo ani gemo aliniʼa neʼae.

Lomu 15:19

Nagaemo Goti Aunemeʼamo himamuʼaletiʼmo noʼagaya agufa lokiya naune kavaʼmo huteʼnaeʼmo aliʼyaʼamo aliʼnove. Nagaemo Kalaisifeʼmo alagepa faigoko geʼamo aeʼna hakalo huʼna hapa pailiʼna uʼneʼna huliʼna Yulusalemu haopalegatiʼmo eʼna muki Ililikamu kotega haopalegamo uʼna hapa paiʼna hano huʼnove.

1 Kolitiyani 2:10

Muki vayaʼmogimo Oʼageʼnayaʼmonanafa Gotiʼa Aunemeʼaletiʼmo alino lave liʼniye. Goti Aunemeʼamokeʼmo Goti agesafiʼmo fala kino haneʼniya geʼamo neʼageyaʼmofeʼmae.

2 Kolitiyani 6:6

Aʼne anagaʼaitegamo lokiya yaveyave kavaʼmo huge afiteta ageta aeto huge yuna laipamo kalige falu laipamo kalige alita lao yaʼmo huge Aote Aunemeʼaleti kavaʼmo huge laipafatiʼmo lahau layamopafiʼmo lahauge huta maiʼnone.

Galesiya 1:12

Nagaemo mago vekalegatiʼmo mani gemo oʼalige mago vekamoʼa alino naya oʼmalege huʼniyana Yesu Kalaisiʼa agaiʼageʼmo alino nave liʼnigeʼna ageteʼna afiʼnove.

Galesiya 1:16

Agaemo Mafaʼneʼaeʼmo ava gemo malaga nofi vayaʼaifeʼmo aeʼna hakalo huʼna hapa paisuvafeʼmo Gotiʼa hauʼniya afinaʼmo Mafaʼneʼamo naipafiʼmo alino nave liʼnigeʼna ageteʼnaeʼmo uʼna mago vayaʼeʼmo ge huge afige huʼna oʼmaiʼnove.

Efasasi 3:10

Gotiʼa hunoʼaeʼmo, alagepa huʼna nagesamo afiteʼna siosi vayaʼalegamo alagepa huʼna alu kava alu kavaʼmo huʼna hapa maesugeʼa enisole vayaʼmo kokuʼnapi maiʼneʼa yagaiʼa neʼapataya vayaʼmogi ageteʼapaeʼmo, Gotiʼa muki yaʼamo alagepa huno ageʼniya vekamae, huʼa hugae, huno hu maleʼniye.

1 Tesaloniyani 2:9

Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Himulu 11:13

Ani muki vayaʼamogimo apakesamo afiʼa fatago hume hume eʼa faliʼnae. Gotiʼa polomasi gemo hunoʼaeʼmo, fikumo lapa maeʼna lapamiguve, huno hu maleʼniya yaʼmo oʼaliʼnayaʼmonanafa muga afagiʼaleʼmo haneʼnigeʼa ageteʼapaeʼmo, aligune, huʼa magoke apakesamo afiteʼa ani geleʼmo atafauʼa anukiʼa alagi huʼa maigekana huʼa atafauʼa alagi huʼa maiʼnae. Ani kavaʼmo huʼa maiʼneʼapaeʼmo, nata vayaʼmo alu kotega vayaʼmo maiʼnone, huʼa huʼnae.

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.

Himulu 4:2

Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.

1 Pita 4:6

Ani kavatefeʼmo faliʼnaya vayaʼaifeʼmo alagepa faigoko geʼamo ago aeʼa hakalo huʼa hapa paiʼnae. Apakaemo ma mopafiʼmo maiʼnageʼapaeʼmo, hosu kavaʼmo huʼnae, huʼa aliʼa fako huʼa apateʼnayaʼmonanafa apauneʼapamepatiʼmo Goti geʼamo akame hisayafeʼmo alagepa faigoko geʼamo afiʼnae.

Leveleseni 5:11

Hutageʼna apakeʼnovana tauseni tauseniʼa enisole vayaʼmogimo apake aiʼnageʼna afiʼnove. Apakaeʼe loleʼe loleʼe vayatama vayaʼmogiʼeʼmo yagaino neʼapateya siyaʼaleʼmo faiʼa ku aiʼa ateʼnae.