1 Kolitiyani 4:3 - The Keyagana NT and 25 OT books

³ Lapakaeʼe mago ma mopafi vayaʼeʼmo hutapaeʼmo, alagepa aliʼyaʼmo neʼaliye, hutapa nehisafi hosu aliʼyaʼmo neʼaliye, hutapa nehisafi alita fako hutapa neʼnatesayana ina agufa kavaʼmo nehae, huʼna nagesamo neʼafuve. Inagi nagaiʼnimo, alagepa aliʼyaʼmo neʼaluve, huʼna osuge, hosu aliʼyaʼmo neʼaluve, huʼna osuge huteʼna aliʼyaʼnieʼmo aliʼna fako huʼna noʼatove.

1 Kolitiyani 4:3 ပူးပေါင်းရင်းမြစ်များ

Yoni 7:24

Amega apakufaʼalekeʼmo apaketetapa alita fako osutapa apaketa alagepa hutetapaekeʼmo alita fako hiyo.

1 Kolitiyani 2:15

Afaʼa oʼafigayaʼmonanafa Goti Aunemeʼamo aliʼnaya vayaʼmogigeʼmo muki geʼamo afiteʼa aliʼa fako nehayaʼmonanafa afa vayaʼmogimo afaʼa afiʼa aliʼa fako osugae.

1 Kolitiyani 3:13

Kalaisi afinaʼmo afole aisigeʼapaeʼmo haiya kava huʼa noʼmo kiʼnisafigeno henagaʼamo afole yateʼmo alino afole aino ategaiye. Atamo lesiya afinaʼmo muki vayaʼai aliʼyaʼapimo alino apave ligiye. Atamoʼmo muki vayaʼai aliʼyaʼapimo amalageka hugiye. Alagepa aliʼyaʼmo aliʼnafi hosu aliʼyaʼmo aliʼnafi huno apamalageka hugiye.

1 Kolitiyani 4:2

Aliʼyaʼmo afoʼamoʼmo alino amufa apamiʼniya vayaʼmogigeʼmo ani aliʼyateʼmo afaʼa yagaigae.

1 Kolitiyani 4:4

Nagupi mafaʼnemoʼmo hunoʼaeʼmo, hosu kavaʼmo nehane, huno nosiyaʼmonanafa alagepa vekamo maiʼnove, huʼna afaʼa osuguve. Alino fako huno natesiya vekamo Ala kava nekeʼmo maiʼniye.

1 Samiyo 16:7

Agesamo afiʼniyaʼmonanafa Ala kava neʼmoʼa Samiyofeʼmo ha painoʼaeʼmo, kagaemo amega agufalefeʼmo kagesamo oʼafika yatala vekaeʼmo alagepa kaulagamo oʼago. Nagaemo kini vekamo maisiyafeʼmo nagesamo oʼafiʼnove. Vayaʼmogi neʼapakaya agufa kavaʼmo huʼna oʼageʼnove. Ma mopafi vayaʼmogi amega apakufaʼalefekeʼmo neʼapakayaʼmonanafa Ala kava neʼmoʼnamo apaipa apakesafikeʼmo neʼapakove.