1 Kini 21:4 - The Keyagana NT and 25 OT books

⁴ Ehapiʼmo ani Yesali taonifi vekamo Nemotiʼmo huʼniya gemo afitenoʼaeʼmo aipafiʼmo ge hauteno hosu aipamo kaliʼnigeno noʼafiʼmo uno haino hipaʼaleʼmo havaeʼnenoʼaeʼmo augosamo kegiʼyalegamo aino afe leʼniye. Agaemo neʼyaʼmo oʼneʼniye. Nemotiʼa hunoʼaeʼmo, Naginago vayaʼmogi aliʼnaya mopamogeʼna okategauve, huno ha paiʼniyaʼmofeʼmae.

1 Kini 21:4 ပူးပေါင်းရင်းမြစ်များ

1 Kini 20:43

Isaleli kini vekamoʼmo ani gemo afitenoʼaeʼmo ani geeʼmo ohauʼnigeno hosu aipamo kaliʼnigeno uno Sameliya taonifiʼmo maiʼniye.

1 Kini 21:1

Mago Yesali taonifi vekamo Nemotiʼmo nofi hoyaʼamo kini vekamo Ehapi alopa noʼamo haopaleʼmo Yesali taonifiʼmo haneʼniye. Ehapiʼe ati vayaʼaʼeʼmo Siliya vayaʼeʼmo alopa kamemo huʼa hano huteʼa henagaʼamo

1 Kini 21:3

Ha paiʼniyaʼmonanafa Nemotiʼmo kini vekaeʼmo hunoʼaeʼmo, Haʼao, ani gemo alagi atalegeno hano hino. Ala kava neʼmoʼa ani mopamo naginago vayaʼmo apamiʼniya mopamo aliʼnovaʼmofeʼmo okategauve, huno ha paiʼniye.

1 Kini 21:5

Henagaʼamo aʼamo Yeyemeʼmo agaetegamo uno agetenoʼaeʼmo agaefeʼmo ha painoʼaeʼmo, Na agufa kavaʼmo higekaeʼmo hosu kaipamo kaliʼnigeka neʼyaʼmo nesanayafeʼmo nokahaiye, huno ge huno afi geʼniye.

Esata 5:13

Huno hapa paiʼniyaʼmonanafa Yu vekamo Motekaiʼa kini vekamo lafi kegiʼya kate kipateʼmo itopaleʼmo maiʼnigeʼna ageteʼnaeʼmo nagaemo nagesamo afiʼnovana mani alagepa yaʼmo ina agufa yaʼmo haneʼniye, huno hapa paiʼniye.

Yona 4:1

Gotiʼa huʼniya kavafeʼmo Yonaʼa alagi ohauʼnigenoʼaeʼmo aipamo leʼniye.

Yona 4:4

Ala kava neʼmoʼa hunoʼaeʼmo, Yonao, huno, Kaipamo neleya kavakamo kanale kavaʼmo nehapiye, huno afi geʼniye.

Yona 4:8

Yegemo haineteno leʼnigenoʼaeʼmo Gotiʼa amuko yasimo alino ateʼnigeno amuko yasimo alige yegemoʼmo Yona agenopaleʼmo alege huʼnigeno Yonaʼa aulagamoʼmo atete huteno kalafe kalafe huʼnigeno falisiyafeʼmo huʼniye. Yonaʼa Gotifeʼmo, Faliguve. Afaʼa maisuvana kanale osugiye. Kanale kavanageʼna afaʼa faliguve, huno ha paiʼnigeno

Yona 4:9

Gotiʼa hunoʼaeʼmo, Nofiʼmo falu teʼniyaʼmofeʼmo kaipamo leʼnigeka kanale kavaʼmo nehapiye, huno afi geʼnigenoʼaeʼmo, he, naipamo lusi kava huno leʼnigeʼna alagepa kavaʼmo nehuve. Afaʼa faligesuve, huno ha paiʼniye.

Efasasi 4:27

Fiku yanagetapa kitamo yaki maleʼnisageno Sataniʼmo eno uno haigiye.

Yemisi 1:14

Apakaiʼapi apakufamoʼmo hauʼniya kavaʼmoʼa apayateʼmo heno apavayu hulino hosu kavategamo neʼviye.

1 Samiyo 28:23

Ani gemo huʼniyaʼmonanafa Soloʼmo hunoʼaeʼmo, Haʼao, neʼyaʼmo oʼnegauve, huno huʼnigeʼa aliʼyaʼamo neʼaliʼa vekalaʼe ani a kanoʼeʼmo Solofeʼmo haʼao, huʼa, neʼyaʼmo no, huʼa huʼnae. Agaemo huʼnaya gemo afiteno he tino hipaleʼmo fai maiʼniye.