1 Kini 21:26 - The Keyagana NT and 25 OT books

²⁶ Ala kava neʼmoʼa Emo nofi vayaʼmogi mopaʼapimo alino Isaleli vayaʼmo apamisiyafeʼmo alino hapa faino apataleʼniya vayaʼmogimo huʼnaya agufa hosu kavaʼmo Ehapiʼmo huʼniye. Agaemo Gotiʼa avenatuʼnaʼmo heno neʼataleya agufa kavaʼmo huno aigofe gotigitefeʼmo monoʼmo huʼniye. Emo vayaʼmogi huʼnaya agufa kavaʼmo huʼniye.

1 Kini 21:26 ပူးပေါင်းရင်းမြစ်များ

Aepa Gemae 15:16

Foʼa kaginago nofi vayakamo afole aiteʼapaeʼmo halate atagineʼa manileʼmo egae. Emo nofi vayaʼmogi hosu kavaʼapimoʼmo kosime kosime haineno ani afinaʼmo havai tegaiyamofeʼmae.

1 Kini 18:18

geʼaleʼmo aeno atagaina hunoʼaeʼmo, Nagaemo Isaleli vayaʼmo hanageke yaʼmo oʼapamiʼnovaʼmonanafa kagaeʼe afokamo nofi vayaʼmogiʼekeʼmo hanageke yaʼmo apamiʼnae. Kagaemo Ala kava neʼmoʼa hiyo, huno laha paiʼniya gemo amagita ataletetapa aigofe gotiʼa asole Meo auneʼaeʼmo mono hutetapa akame nehaya kavatetiʼmo Isaleli vayaʼmo hanageke yaʼmo alita apamiʼnae.

2 Sitoli 33:2

Yagaino apateʼniyaʼmonanafa Ala kava neʼmo aulagaleʼmo hosu kavaʼmo huʼniye. Alu nofi vayaʼmogi hogoteʼa ma mopafiʼmo maiʼneʼa hosu kavaʼmo huʼnageno Ala kava neʼmoʼa ohauʼnigeno avenatuʼnaʼmo heno atalegekana huno alino hapafaino apataleʼnigeʼa Isaleli vayaʼmo eʼa apakae apaimuʼyaleʼmo maiʼnae. Ani alu nofi vayaʼmogimo hosu kavaʼmo huʼnaya kava huno Manaseʼmo ani agufa hosu kavaʼmo huʼniye.

2 Sitoli 33:9

Ani alopa hosu kavaʼmo huteno Manaseʼmo Yuta vayaʼe Yulusalemu vayaʼeʼmo aino apavayu hulino uʼnigeʼa Ala kava neʼmoʼa alino hano huno apataleʼniya vayaʼmogimo huʼnaya hosu kavaʼmo aeʼa aga seʼa huʼnae.

2 Sitoli 36:14

Magoʼe huno hosu kavaʼamo afole aiʼniyana muki mono huʼa neʼapataya vayanagi muki vayatama vayanagi ve aʼnemogiʼenagi huʼa magoʼe magoʼe huʼa gemo amagiʼa ataleʼnae. Apakaemo muki malaga alu nofi alu nofi vayaʼmogimo alagi hosu atu aiʼniya kavaʼmo huʼa maiʼnaya agufa kava huʼa maiʼnae. Apakaemo Ala kava neʼmoʼa Yulusalemu taonifi mono noʼmo agaiʼalefeʼmo aote hu maleʼniya noʼamo aliʼa hosu huʼa ateʼnae.

Aiyeya 65:4

Apakaemo haniʼilagamo uʼa faliʼnaya vayaʼmogi kanoluleʼmo maiʼneʼa afulafaʼmo ameʼamo nege oʼneyo, huʼna huʼnova agufa afumo kaeʼnaya aniʼamo nege huʼnae.

Yasuva 23:9

Ala kava neʼmoʼa asole lokiya nofi vayaʼmo lapakaetegatiʼmo alino hapa faino apataleʼnigeʼa afaʼa he tiʼa kame huʼa aeʼa lapaka osesaya kavaʼmo huʼniye.

1 Pita 4:3

Lagaemo hogoteta malaga vayaʼmogi hapauʼniya kavakeʼmo alagi huʼnonaʼmonanafa hemenimo magoʼe huta osugune. Hogoteta kumai kavaʼmo hisunafeʼmo apayate alige amega lagufamoʼmo hauʼniya kavaʼmo huge aniʼmo neteta negi nagi kavaʼmo huge ogefagemo huge aniʼmo neteta hosu kigi yokalo gemo huge hutetaeʼmo aigofe gotitefeʼmo hosu monoʼmo huʼnone.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.