1 Kini 21:13 - The Keyagana NT and 25 OT books

¹³ Inagi lole hosu vekalaʼmo eʼana Nemoti haopaleʼmo fai maiʼneʼanaeʼmo anakaemo vayaʼai apaulagaleʼmo gemo huʼana aliʼana Nemotipikeʼmo faiʼana ateteʼana huʼanaeʼmo, Nemotiʼmo Gotifenagi kini vekaenagi huno afiʼnoʼageno hosu gemo huʼniye, huʼana huʼnaʼae. Vayaʼmogimo ani gemo afiteʼapaeʼmo Nemotiʼmo taonifatiʼmo avaleliʼa malaga uʼa lamiʼa yafa kayotetiʼmo kamitimo amagiʼnae.

1 Kini 21:13 ပူးပေါင်းရင်းမြစ်များ

1 Kini 21:14

Apakaemo Yeyemetegamo ina ge huʼa ge huʼa atalageno uʼniye. Apakaemo Nemotiʼmo yafa kayotetiʼmo ago amagiʼnageno faliʼniye, huʼa huʼnae.

2 Kini 6:32

Ilaisaʼmo avalelino esiyafeʼmo mago vekamo alino ateʼnigeno uʼniye. Ani afinaʼmo Ilaisaʼmo noʼafiʼmo maiʼnigeʼapaeʼmo mago vayatama vayaʼmo eʼa agaeʼeʼmo magokepiʼmo maiʼnae. Kini vekamoʼmo ani alino ateʼnigeno eʼniya vekamo eno avaʼyi osuʼnigenoʼaeʼmo Ilaisaʼmo vayatama vayaʼaifeʼmo hapa painoʼaeʼmo, Ani kamitimo neʼapamagiya vekamoʼmo nagaemo lugoʼnimo hatagausiyafeʼmo mago vekamo alino ateʼnigeno neʼe. Neʼeyaʼmonanafa ani vekamo eno avaʼyi hisigetapaeʼmo kitamo kitapa alagi hu maleʼnigenoʼa agaemo nopiʼmo afaʼa eno haino meno. Kini vekageʼmo ani vekamo akame huno neʼe, huno hapa paiʼniye.

Samu 27:12

Kame vayaʼnimogi aigofe gemo huge kamagigune huʼa huge nehayanagi navaleka apayapiʼmo oʼapamiyo.

Hatu maeno apate'niya gemae 20:16

Mago alu vekaeʼmo aigofe gemo ha opaiyo.

Mai'naya kavane 19:28

Hosu vekamoʼmo agotileʼmo faigoko gemo hunoʼaeʼmo lama gemo hisigeʼa alagepa huʼa aliʼa fako hisayafeʼmo agesamo noʼafiye. Agaemo hosu kavaʼmo neʼyaʼagana huno haneʼnigeno neʼne.

Mai'naya kavane 19:5

Aigofe faigoko gemo nehisiya vekamo kayoʼmo amigiye. Ani kava huno aigofe gemo nehisiya vekamo faino kasalo opaegaiye.

Mai'naya kavane 19:9

Aigofe faigoko gemo nehiya vekamo kayoʼmo amigiye. Aigofe gemo nehiya vekamo faligiye.

Mai'naya kavane 25:18

Haopaleʼmo maiʼniya vekaeʼamo aigofe faigoko gemo nehiya vekamoʼmo alopa kayokana huno maige naepekana huno maige aveʼe kevegana huno maige huʼniye.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Matiyu 9:3

Keʼaepa gemo avoʼmo kaeʼa aliʼa apaya neʼmalaya vayaʼmogimo huʼapaeʼmo, Ani vekamoʼmo Gotifeʼmo huno faipa huno ateʼniye, huʼa apaipafi apakesamo afiʼnae.

Luki 23:2

Apakaemo aepa faiʼa agoti huʼa ateʼapaeʼmo, mani vekamoʼmo hunoʼaeʼmo, Gamani vayaʼmogi gemo oʼafiyo. Alatapimo Sisaʼmo takesi monimo oʼamiyo. Nagaemo Kalaisi vekamo alatapimo kini vekamo maiʼnove, huno laha paiʼnigeta afiʼnone, huʼa ha paiʼnageno

Yoni 19:12

Pailatiʼa ani gemo afitenoʼaeʼmo Yesuʼmo afaʼa atesigeno visiya kafeʼmo kahauya huʼniyaʼmonanafa Yu vayaʼmogimo huʼapaeʼmo, atesanageno visiyana Sisaʼa hogote vekamo ala vekaʼapimo yagaino neʼapateya vekamo ao vekamo oʼmaiʼnane. Ala vekaʼapimo yagaiʼna neʼapatova kini vekamo maiʼnove, huʼa nehaya vayaʼmo Sisa kameʼamo maiʼnae, huʼa alopa gefatiʼmo huʼnae.

Apa 24:5

Ani vekamo lagaemo ago ageʼnonana hanageke vekamo maiʼniye. Agae gemo alino aepa fai maleʼnigeʼa muki haopalegamo maiʼnaya Yu vayaʼmogi apano aege aege huʼa neʼmaiye. Agaemo Nasalasa vekamo akame nehaya vayapati ala vekaʼapimo maiʼnigeʼa akame huʼnageno alino fako huno nelate.

Apa 6:11

Apakaemo mago vayaʼmogi eʼa aigofe gemo hisayafeʼmo kesi katetiʼmo uʼa aliʼa he tiʼa apateʼnageʼa eʼa hapa paiʼapaeʼmo, Ago afiʼnonana Moseseʼe Gotiʼefeʼmo huno faipa huno anateʼniye, huʼa hapa paiʼnageʼa

Himulu 11:37

Yafa kayotetiʼmo apamagige sotetiʼmo apakufamo aliʼa vasagaliʼa atalege hosu kavaʼmo hisayafeʼmo apamalageka huge naipeletiʼmo apaiʼa kiʼa apatege huʼnae. Kukena yaʼapimo ohaneʼnigeʼa sipisipi agufamo aliʼa vaiʼa alige meme agufamo aliʼa vaiʼa alige huteʼa umenitata huʼnae. Kagemi yaʼapimo alagi ohaneʼnigeʼapaeʼmo apaini huʼa apateteʼa apakaetegamo hosu kavaʼmo huʼnae.