1 Kini 19:18 - The Keyagana NT and 25 OT books

¹⁸ Faligayaʼmonanafa nagaemo seveni tauseniʼa Isaleli vayaʼmogimo aigofe gotiʼmo Meotefeʼmo apaleyaʼmo ofaige auneʼamo haeʼa oʼnege agaetefeʼmo monoʼmo osuge huʼnaya vayaʼmo hapa maesugeʼa afaʼa maigae, huno ha paiʼniye.

1 Kini 19:18 ပူးပေါင်းရင်းမြစ်များ

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Hatu maeno apate'niya gemae 20:5

Nagaemo Ala kava neʼmo Gotitapimoʼnamo neʼmauva naimuʼyaleʼmo maiʼnaya aigofe gotigifeʼmo naipa kafamo hapaeteʼna kaino nefauva vekamo maiʼnovaʼmofeʼmo alu gotigitefeʼmo lapaleʼyamo faiʼnetapa ape hutapa mono osiyo. Afoʼapimogi hosu kavaʼapilefeʼmo nagaefeʼmo ohapauʼnigeʼa apaini huʼa neʼnataya vayaʼmogi mafaʼne anagaʼapimo nagaemo kayo apamiguve. Nagaemo mafaʼneʼapimogi aliʼa apatesaya mafaʼnemo kayoʼmo apamige apakaemo aliʼa apateme apateme visaya mafaʼnemo kayoʼmo apamige huguve.

Aiyeya 1:9

Aiyeyaʼa hunoʼaeʼmo, Ala kava neʼmoʼa asole vayaʼaiteʼmo yagaino apateʼniya Gotiʼa aise aise huno logufaʼa vayaʼmo olateʼniyesinana Satomi taonifi maiʼnaya vayakana huta maige Gomola taonifi maiʼnaya vayakana huta maige huʼnonesine, huno huʼniye.

Aiyeya 49:23

Kini vayaʼmogiʼe kuvini aʼnemogiʼeʼmo itaʼapi afoʼapimogigana huʼa maiʼneʼa kagae mafaʼne anagaʼaiteʼmo yagaiʼa apategae. Apakaemo kagaetegamo eʼa kaiyafiʼmo mopafiʼmo ape huʼa apaleʼyamo faiʼneʼa ala kagikamo kamigae. Nagaemo hapa maesuvafeʼmo nagava neʼmaiya vayaʼmo afaʼa nagava maige apavagage huge huʼa oʼmaigayaʼmofeʼmo kagaemo nagaefekeʼmo Ala kava neʼmo maiʼniye, huka nagegane.

Neniyo 3:18

Alino katino lategaiyaʼmonanafa laha maeno lagufamo alino katino olatesiyaʼmoʼmo afa afiganana gotikamogi aliʼyaʼapimo alagi oʼalita goli yafatetiʼmo alo huteka alika he tika ateʼnana auneʼalefeʼmo alagi mono osugune, huʼa huʼnae.

Filipai 2:10

Amiʼniyaʼmofeʼmo muki kokuʼnapi vayanagi ma mopafi vayanagi ma mopamo afeʼalumelaga vayanagi huʼa apaleʼya faiʼneʼapaeʼmo