1 Kini 18:7 - The Keyagana NT and 25 OT books

⁷ Omanaiyaʼmo neʼvigenoʼaeʼmo Ilaiyaʼmo kateʼmo neʼegeʼana fotu huʼnaʼae. Omanaiyaʼmo, Ilaiyaʼa maiʼniye, huno agetenoʼaeʼmo mopafiʼmo augosalegatiʼmo asagauno aiteno ina ge huno ge huno afi geʼniye. Kava vekaʼnimo Ilaiyagamo maiʼnapiye, huno huʼniye.

1 Kini 18:7 ပူးပေါင်းရင်းမြစ်များ

Aepa Gemae 18:12

Huʼniyaʼmofeʼmo Sela aipafiʼmo kigi nehunoʼaeʼmo, nagaemo ago anekalomo maiʼnovanageʼna nagufaeʼmo namogaga aisufiye. Ani kavakeʼmo huno kava vekaʼniʼeʼmo ago kosunamo leʼniyaʼmofeʼmae, huno huʼniye.

Aepa Gemae 18:2

Emalehamuʼmo alino maku huno ageyana loleʼe magoʼe ve anagaʼmo he tiʼa maiʼnageno apakeʼniye. Apaketenoʼaeʼmo seli noʼamo ataleno malage huno nagu nagu huno uno apakaeteʼmo ape huʼniye.

Aepa Gemae 44:16

Yutaʼa hunoʼaeʼmo, Ala vekae, huno, lagaemo na agufa gemo hisune. Haiya agufa gemo hugune. Haiya kava huta kaulagaleʼmo maigune. Gotiʼa aliʼyakamo neʼaluna vayamogita hosu kavatimo ageteno ago alino afole aino lateʼniye. Ala vekae, huʼna, lagaemo aliʼyakamo neʼaluna vayakamo maiʼnone. Kapukamo kuʼafatiʼmo ageʼnisana vekaʼe lagaeʼeʼmae, huno ha paiʼniye.

Aepa Gemae 44:20

Lagaemo kaha paitaeʼmo, he afotimoʼmo afaʼa maiʼniyaʼmonanafa agaemo ago kosuna leʼniyapatiʼmo alino ateʼniya mafaʼnemo hemenimo neya vekamo maiʼniye. Nepuʼamoʼmo ago falitegeno itaʼamoʼmo magoke mafaʼnetoʼamo maiʼnigeno afoʼamoʼmo ani mafaʼneʼaeʼmo hau ayamopafiʼmo hauʼniye.

Aepa Gemae 44:33

Kahaoke hovanagi, aliʼyakamo aliʼnova vekamo alika nategeʼna naganaʼnimo aimuʼyaleʼmo maiteʼna kalavusi aliʼyakamo alino. Agaemo afaʼa ategenoʼa nepuʼamogiʼeʼmo uno haino.

Aepa Gemae 50:18

Inagi nepuʼamogimo Yosefetegamo uʼa apaleʼyamo faiʼneʼa ape huʼa ateʼnae. Apakaemo huʼapaeʼmo, Afiyo, huʼa, lagaemo aliʼyakamo neʼaluna vayakamo maiʼnone, huʼa huʼnageno

1 Kini 18:6

Inagi anakaemo mopamo aliʼana fako huteʼanaeʼmo Ehapiʼmo agaiʼageʼmo mago kotegamo uʼnigeno Omanaiyaʼmo agaiʼageʼmo alu kotegamo uʼniye.

1 Kini 18:8

Ilaiyaʼmo geʼaleʼmo aeno atagaina hunoʼaeʼmo, He, nagaemo Ilaiyaʼnageʼmae. Uka kava vekaeʼmo, Ilaiyaʼmo manileʼmo maiʼniye, huka ha paiyo.

Aiyeya 60:14

Kana yaʼmo aliʼa lapamiʼnaya vayaʼmogi ve mafaʼne anagaʼapimogimo eʼa lapakaeteʼmo ape hugae. Apakameʼyamo lapamiʼnaya vayaʼmogimo lapaiya agusalegatiʼeʼmo aliʼa asagauʼa lapategae. Apakaemo lapakaefeʼmo huʼapaeʼmo, Ala kava neʼmo taoniʼafiʼmo maiʼnaya vayane, huʼa huge Isaleli vayaʼai aote Vekamoʼmo taoniʼamo Saiyoni taoniʼmae, huʼa huge huʼa lapaki aegae.

Napa 12:11

Inagi Eloniʼmo Mosesefeʼmo hunoʼaeʼmo, Ala vekae, huʼna, Laʼagaemo hosu kavatiʼamo anonatiʼalefeʼmo olaʼamiyo. Negi nagi kavaʼmo hutetaʼa hosu kavaʼmo huʼnoʼae.

Matiyu 11:8

Hopamo agesayafeʼmo oʼuʼnisayana na agufa vekamo agesayafeʼmo uʼnae. Lapakaemo alagepa kukenamo vaiʼniya vekamo agesayafeʼmo uʼnafiye. Haʼao alagepa kukenamo neʼvaiya vayaʼmo yagaiʼa neʼapataya vayaʼai nopikeʼmo maiʼnae.

Matiyu 3:4

Yoniʼa kukenaʼamo kamolu afumo ayokatetiʼmo alo huʼnaya kukenamo vaiteno kamolu agufaletiʼmo alo huʼnaya mapalumo afafaleʼmo aeteno akenuʼe lumemo anuʼeʼmo neno maiʼniye.

1 Samiyo 20:41

Mafaʼnemo ago utegenoʼaeʼmo Neviniʼmo yafaʼmo akamelagamo fala kino maiʼniyatetiʼmo ataleno eno Yonatani haopaleʼmo augosalegatiʼmo mopafiʼmo asagauno aiteno he tino loleʼe magoʼe kanaleʼmo mopaeʼmo ape huno ateʼniye. Anakaemo hanaeʼana neteʼana aviʼyaʼmo huʼnaʼaʼmonanafa Neviniʼmo magoʼe huno aviʼyaʼmo huʼniye.