1 Kini 18:43 - The Keyagana NT and 25 OT books

⁴³ Agaemo aliʼyaʼamo neʼaliya vekaeʼmo ha painoʼaeʼmo, Kagaemo uka haika mugalegatiʼmo solovala anitegamo aulu heka ago, huno ha paiʼnigeno uno aulu heno agegenoʼaeʼmo halate atagineno eno mago yaʼmo oʼageʼnove, huno ha paiʼnigeno Ilaiyaʼmo, halate uka haika aulu heka ago, huno seveniʼa afinaʼmo magoke agufa geʼageʼmo huʼniye.

1 Kini 18:43 ပူးပေါင်းရင်းမြစ်များ

Aepa Gemae 32:26

Ani vekamoʼmo Yekopufeʼmo hunoʼaeʼmo, ago kotigefeʼmo huʼniyanagi natalo, huno huʼnigenoʼaeʼmo, Yekopuʼa ha painoʼaeʼmo, kagaemo alika auleka oʼnatesanana okatalegauve, huno huʼnigeno

1 Kini 18:42

Ha paiʼniyaʼmofeʼmo Ehapiʼmo neʼyaʼmo nesiyafeʼmo uno haiʼniye. Ilaiyaʼe aliʼyaʼamo neʼaliya vekaʼeʼmo Kame avefiʼmo uʼana haiʼnaʼae. Ilaiyaʼmo lole aleʼyalaʼmo folagapiʼmo ape huno agenopamo ategeno uno lamiʼniye.

1 Kini 18:44

Aliʼyaʼamo neʼaliya vekamoʼmo napa seveni afinaʼmo halate eno hunoʼaeʼmo, Nagaemo solovalapatiʼmo mago hiyaʼmo afole aiʼnigeʼna agovana aiseʼatoʼamo vayaʼmogi apayakana agufa kavaʼmo huʼniye, huno ha paiʼnigenoʼaeʼmo, Kagaemo malage huka uka kini vekamo Ehapifeʼmo ha paikaeʼmo, Talalakamo alo huteka malage huka uka lamiyo. Fiku yanageno koʼmo kaino katafauno kategaiye, huka ha paiyo.

2 Kini 4:35

Inagi Ilaisaʼmo hipaletiʼmo ataleno ani anaga nopiʼmo uneno huteno halate hipaleʼmo uno haino mafaʼne kanoleʼmo halate ape huʼnigeno mafaʼne kanomoʼmo seveniʼa afinaʼmo katamu huteno aulagamo ageno ayakeʼniye.

Samu 5:3

Nagaemo muki afinaʼmo netepiʼmo ge hisugeka afigane. O, Ala kava nene, huʼna, Netepiʼmo nunumuʼmo hisuva geʼnimoʼmo kevemo haegekana huʼna kahaeteʼna aliʼna maku huʼna kagegauve.

Hamakaki 2:3

Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.

Luki 18:1

Agaemo vayaʼmogimo muki afinaʼmo nunumuʼmo hisaya kavafeʼmo alagaʼmo hapaesigeʼa oʼatalesaya kavafeʼmo ani agufa gemo huno aeno kalafefa gemo huno hapa paiʼniye.

Luki 18:7

Gotiʼa lekana paino apateʼniya vayaʼmogi muki felugaʼaʼe haniʼilagaʼaʼeʼmo aukaya huʼa ge huʼa afige afige nehisagenoʼaeʼmo ani kavaʼmo huno afiteno alino fako huno apateteno afaʼa hapa oʼmaegaifiye. Yatala afinaʼmo apakava maisiyaʼmoʼmo afaʼa hapa maegaiye.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

Yasuva 6:4

Mono huʼa neʼapataya vayaʼmo seveniʼamogimo kotalake kesileʼmo uʼa hogoteteʼa ve sipisipimogi lokiyaʼapiletiʼmo alo huʼnaya pikulimo seveniʼa pikulimo aliniʼa ugae. Lapakaemo napa seveni afinaʼmo alagi taonimo seveniʼa kanaleʼmo aita vego hutapa neʼvisageʼapaeʼmo mono huʼa neʼapataya vayaʼmogi pikulimo hugae.