1 Kini 18:42 - The Keyagana NT and 25 OT books

⁴² Ha paiʼniyaʼmofeʼmo Ehapiʼmo neʼyaʼmo nesiyafeʼmo uno haiʼniye. Ilaiyaʼe aliʼyaʼamo neʼaliya vekaʼeʼmo Kame avefiʼmo uʼana haiʼnaʼae. Ilaiyaʼmo lole aleʼyalaʼmo folagapiʼmo ape huno agenopamo ategeno uno lamiʼniye.

1 Kini 18:42 ပူးပေါင်းရင်းမြစ်များ

Aepa Gemae 24:52

Emalehamu aliʼyaʼamo neʼaliya vekamoʼmo apakaemo huʼnaya gemo afitenoʼaeʼmo ape huʼneno Ala kava nefeʼmo mono huʼniye.

1 Kini 18:41

Inagi Ilaiyaʼmo Ehapifeʼmo ha painoʼaeʼmo, Nagaemo afuvana alopa agemo ailino neʼegi malage huka uka neʼyaʼmo no, huno ha paiʼniye.

1 Kini 18:43

Agaemo aliʼyaʼamo neʼaliya vekaeʼmo ha painoʼaeʼmo, Kagaemo uka haika mugalegatiʼmo solovala anitegamo aulu heka ago, huno ha paiʼnigeno uno aulu heno agegenoʼaeʼmo halate atagineno eno mago yaʼmo oʼageʼnove, huno ha paiʼnigeno Ilaiyaʼmo, halate uka haika aulu heka ago, huno seveniʼa afinaʼmo magoke agufa geʼageʼmo huʼniye.

1 Kini 19:13

Ilaiyaʼmo ani gemo afitenoʼaeʼmo augosafiʼe yatala kukena yaʼaleʼeʼmo aino ati kaeteno kelifatiʼmo ataleno uno keli avayamo haopaleʼmo he tino maiʼniye. Maiʼnigenoʼaeʼmo malage huno gemo hunoʼaeʼmo, Ilaiyao, huno, Na agufa kavaʼmo higekaeʼmo eka manileʼmo maiʼnane, huno huʼnigenoʼaeʼmo

Esala 9:6

Nagaemo ina gemo huʼna nunumuʼmo huʼnove. O Gotiʼnimogae, huʼna, Hosu kavatimoʼmo lagenopamo ago alino laga seno uno haiʼniyaʼmofeʼmo nagufamo alino afepiʼmo nateʼniye. Hosu kavatilefeʼmo vaiʼmo alisuna kavaʼmo kosime kosime uno haino kokuʼnateʼmo haneʼniyaʼmofeʼmo lusi kava huno navagage nehiyanageʼna afaʼa aliʼna maku huʼna okagegauve.

Samu 89:7

Apaote vayaʼmo aliʼa anupa huʼa maiʼnayategamo Gotifekeʼmo lusi kava huʼa koli huʼnae. Gotiʼeʼmo magokepi lokaeʼa maiʼnaya vayaʼmogi agaefeʼmo koli huʼnae.

Aiyeya 6:2

Ata vaikana huʼa neʼmaiya enisole vayaʼmogi apakiʼapimo Selafemi vayaʼmogimo siyaʼaleʼmo fai maiʼniya vekamo agofetuleʼmo he tiʼa maiʼnae. Apakaemo magoke magokeʼamogimo sigisiʼa hapakumo haneʼniye. Lole hapakulatetiʼmo apaugosafiʼmo aiʼa ati kaege lole hapakulatetiʼmo apaiyaleʼmo aiʼa ati kaege lole hapakulatetiʼmo haleliʼa uge nehae.

Neniyo 9:3

Afiteʼnaeʼmo Ala kava netegamo naipa nagesamo amiʼneʼna neʼyaʼmo oʼneʼna mo sige kogu kukenamo vaige laʼnefamo aliʼna falege huteʼna lokiya kava huʼna nunumuʼmo huʼna ge huʼnove.

Neniyo 9:7

O Ala kava nene, huʼna, Kagaemo fatago kavaʼageʼmo nehana Gotigamo maiʼnanaʼmonanafa lagaemo muki Isaleli vayaʼmogita hosu kavatimoʼmo muki afinaʼmo alopa lavagage yaʼmo alino nelamiye. Lagaemo Yuta kotega vayaʼmogitaleʼe Yulusalemu taonifi vayaʼmogitaleʼeʼmo hemenimo ani lavagage yaʼmo haneʼniye. Mago vayaʼakamo kataleʼa uʼnayaʼmofeʼmo alika hapa faika apataleʼnanageʼa uʼa haopaleʼmo maige afagitegamo maige huʼnaya vayaʼmogi apavagage hisiya kavaʼmo haneʼniye.

Matiyu 14:23

Hapa paitenoʼaeʼmo nunumuʼmo hisiyafeʼmo agaiʼageʼmo aise avefiʼmo uno haino maiʼniye. Hani hugefeʼmo huʼniya kanaleʼmo agaiʼageʼmo maiʼnigeno

Maki 14:35

Apatalenuno aise afagiʼaleʼmo mopafiʼmo asagauno aino agoʼya faiʼnenoʼaeʼmo hosu afinaʼmo faino kasalo paesiyafeʼmo nunumuʼmo huʼniye.

Luki 6:12

Mago afinaʼmo Yesuʼa nunumuʼmo hisiyafeʼmo avefiʼmo uno haino ani haniʼilagamo Gotifeʼmo nunumuʼmo huge huge nehigeno

Apa 10:9

Egaʼamo Yopa haopalega kateʼmo neʼagenoʼaeʼmo Pitaʼa felugakukuʼmo nehavaeya noʼmo nokatoʼmuʼmo otu nokatoʼmumo haneʼnigeno nunumuʼmo hisiyafeʼmo uno haiʼniye.

Yasuva 7:6

Yasuvaʼmo ani kavafeʼmo ava gemo afitenoʼaeʼmo kukena yaʼamo alino apake aiteno augosalegatiʼmo mopafiʼmo asagauno aiteno Ala kava neʼmo kesimo haopaleʼmo mailino neʼvigenoʼaeʼmo yegemo uno lamino faleʼniye. Yasuvaʼe Isaleli vayatama vayaʼeʼmo mumusopamo aliʼa apakenopafiʼmo faleʼnae.

1 Samiyo 12:18

Inagi Samiyoʼmo Ala kava nefeʼmo keya aeno ge huʼnigeno ani afinakeʼmo Ala kava neʼmoʼa hiyapatiʼmo hakalu nehigeno koʼmo ailino emineʼniye. Emineʼnigeʼa muki vayaʼmogimo ageteʼapaeʼmo Ala kava neʼe Samiyoʼeʼmo lusi kava huʼa koliʼanimo huʼnae.