1 Kini 18:36 - The Keyagana NT and 25 OT books

³⁶ Uneʼmo ofalinimo nehaya kanaleʼmo Gotitegati gemo alinineno aeno hakalo nehiya vekamo Ilaiyaʼmo uno yafa hiʼyalamuʼmo haopaleʼmo nunumuʼmo hunoʼaeʼmo, Ala kava nene, huno Emalehamuʼagi Aisakiʼagi Isaleliʼagi huka Gotiʼapimogamo kagaikageʼmo maiʼnekaeʼmo, nagaemo Isaleli vayaʼmogi Gotiʼapimoʼnamo maiʼnove, huka alika apave liyo. Nagaemo aliʼyakamo neʼaluva vekamo maiʼneʼna kagae gegeʼmo akame huʼna ani muki kavaʼmo huʼnovanagi agesayafeʼmo alika apave liyo.

1 Kini 18:36 ပူးပေါင်းရင်းမြစ်များ

Aepa Gemae 26:24

Haino maiʼniya haniʼilagamo Ala kava neʼmoʼa agaetegamo afole aiteno ha painoʼaeʼmo, Nagaemo afokamo Emalehamu Gotiʼamoʼnamo maiʼnove. Nagaemo kagaeʼeʼmo maiʼnovanagi alagi koli osuvo. Nagaemo aliʼyaʼnimo aliʼniya vekamo Emalehamutefeʼmo aliʼna auleʼna katesugeʼa asole kaginago vayaʼmo magoʼe huʼa afole aigae, huno ha paiʼniye.

Aepa Gemae 28:13

Yekopuʼa ageyana Ala kava neʼmoʼa ani hakayamo anagaʼmo maiʼneno, Nagaemo Ala kava neʼmo kaginago vekamo Emalehamu Gotiʼamoʼnamo maiʼneʼna Aisaki Gotiʼamoʼnamo maiʼnove. Ani havaeʼnana mopamo kagaikaʼe kaginago vayaʼeʼmo lapamiguve.

Aepa Gemae 31:53

Emalehamuʼagi Nehoʼagi afoʼnimoʼagi huno huʼnigeno Gotiʼapimoʼmo laʼagae kavaʼmo alino fako huno laʼategaiye, huno huʼnigeno Yekopuʼa afoʼamo Aisakiʼmo koli huʼneno mono huʼniya Gotiʼamo agiʼaletiʼmo agoʼya ataleteno polomasi gemo huʼniye.

Aepa Gemae 32:9

Yekopuʼa ina ge huno nunumuʼmo huʼniye. O Gotiyo, huno, Emalehamuʼa naginago vekamo Gotiʼamogaʼe afoʼnimo Aisaki Gotiʼamogaʼeʼmo Ala kava neʼmogamo naha paikaeʼmo, halate kokalegaʼe vayakalegaʼeʼmo uka mainegeʼna alagepa huʼna yagaiʼna kateno, huka naha paiʼnane.

Aepa Gemae 46:3

Gotiʼa hunoʼaeʼmo, Nagaemo Gotiʼnamo afokamo Gotiʼamoʼnamae, huno huteno, Kagaemo Isipi kotegamo visanafeʼmo koli osuvo. Uka maiʼnisanageʼnaeʼmo alopa nofi vayaʼmo aliʼna afole aiʼna lapategauve.

1 Kini 18:21

Ilaiyaʼmo muki vayaʼaitegamo eno ina gemo huʼniye. Na magi afinaʼmo lole lapakesamo afime afime ugae. Ala kava neʼmo lama ge Gotiʼmo maiʼnisiyaʼmoʼmo agaiʼageʼmo akame hiyo. Meoʼa lama ge Gotiʼmo maiʼnisiyaʼmoʼmo akame hiyo, huno hapa paiʼnigeʼapaeʼmo vayaʼmogimo geʼaleʼmo magoke gemo huʼa aeʼa atagaina huʼa osuʼnae.

1 Kini 18:29

Ago unetiʼnigeʼapaeʼmo Meo geʼamo aeʼa hakalo hume hume neʼvagenoʼaeʼmo uneʼmo ofalinimo nehaya kanamo afole aiʼniye. Huʼnayaʼmonanafa agemo oʼaige geʼapileʼmo aeno atagaina huno ge osuge mago gotiʼa geʼapimo oʼafige huʼniye.

1 Kini 18:35

Aniʼmo yafa hiʼyalamutetiʼmo uno lamino ani kapiʼmo havai teʼniye.

1 Kini 18:37

O Ala kava nene, huno, geʼnimo afiyo, geʼnimo afiyo. Afisanageʼa kagaefeʼmo huʼapaeʼmo, Agaemo Ala kava neʼmo Gotiʼa maiʼnenoʼaeʼmo laipamo alino aino afe leno lateʼnigeta halate atagineta agaetegamo eʼnone, huʼa hisayafeʼmo alika apave liyo, huno nunumuʼmo huʼniye.

1 Kini 20:13

Ani afinaʼmo mago Gotitegati gemo alinineno aeno hakalo nehiya vekamoʼmo kini vekamo Ehapitegamo malage huno eno ha painoʼaeʼmo, Ala kava neʼmoʼa hunoʼaeʼmo, Ani Meniheʼneʼmo asole ati vayaʼamo apakeʼnapiye. Hemenimo nagaemo apavaleliʼneʼna kayapiʼmo apatesugeka nagetekaeʼmo nagaiʼniekeʼmo Ala kava neʼmo maiʼniye, huka nagegane, huno huʼniye.

1 Kini 20:28

Inagi mago Goti vekaʼamoʼmo Isaleli kini vekalegamo eno ha painoʼaeʼmo, Ala kava neʼmoʼa hunoʼaeʼmo, Siliya vayaʼmogimo huʼapaeʼmo, Ala kava neʼmo ave kotekeʼmo neʼyagaiya Gotiʼa maiʼnifa otu koteʼmo noʼyagaiya Gotiʼae, huʼa huʼnayaʼmofeʼmo nagaemo ani asole ami vayaʼmo apavaleliʼnuʼna kayapiʼmo apatesugetapa kagaeʼe vayakamogiʼeʼmo nagaefeʼmo Ala kava neʼmo maiʼnane, hutapa nagegae, huno huʼniye, huno ha paiʼniye.

2 Kini 1:10

Inagi Ilaiyaʼmo geʼaleʼmo aeno atagaina hunoʼaeʼmo, Goti vekaʼamo maiʼnisuvaʼmoʼmo kokuʼnapatiʼmo atamo emineno kagaeʼe fifitiʼa ati vayakaʼeʼmo lapaleno, huno huʼnigenoʼaeʼmo kokuʼnapatiʼmo atamo emineno ati vayaʼaiteʼmo yagaino neʼapateya vekaʼe fifitiʼa ati vayaʼaʼeʼmo apaleʼnigeʼa faliʼnae.

2 Kini 1:3

Uʼnayaʼmonanafa Ala kava neʼmo enisole vekamoʼmo Tisame taonifi vekamo Ilaiyafeʼmo ha painoʼaeʼmo, Sameliya kini vekamoʼmo mago vayaʼmo alino apateʼnigeʼa neʼayanagi he tika uka fotu hiyo. Hapa paikaeʼmo, Na kava higetapaeʼmo Ekaloni vayaʼmogi gotiʼapimoʼmo Meyayimafeʼmo ge hutapa afi gesayafeʼmo neʼae. Isaleli kotegamo mago Gotiʼmo oʼmaiʼniyaʼmofeʼmo lapakaemo ugefeʼmo nehafiye.

2 Kini 1:6

Lagaemo mago vekaʼeʼmo kategamo fotu huʼnone. Agaemo laha painoʼaeʼmo, Alino lapateʼniya kini vekalegamo halate ataginetapa uta ina ge huta ha paiyo. Ala kava neʼmoʼa kaha painoʼaeʼmo, Na agufa kava higekaeʼmo Ekaloni vayaʼmogi gotiʼapimoʼmo Meyayimafeʼmo ge huka afi gesanafeʼmo vayaʼmo alika apateʼnanageʼa uʼnae. Isaleli kotegamo mago Gotiʼmo oʼmaiʼniyaʼmofeʼmo vayaʼmo alika apateʼnanageʼa uʼnafiye. Ani kavaʼmo huʼnanaʼmofeʼmo kagaemo hipakaletiʼmo he otiganaʼmonanafa havaeka maiʼneka alagi faligane, huno huʼniye, huʼa ha paiʼnae.

2 Kini 5:15

Agaeʼe aliʼyaʼamo neʼaliya vayaʼeʼmo halate atagineʼa Goti vekaʼalegamo eʼnae. Nemaniʼmo ha painoʼaeʼmo, Alagi lama gemo huʼnaeʼmo hemenimo nagaemo agovana ma mopafiʼmo muki kotegamo mago alu gotiʼa oʼmaiʼnifa Isaleli vayaʼmogitapa Gotikeʼmo maiʼniye. Maiʼniyaʼmofeʼmo nagaemo mago yaʼmo fikumo kamigesuve, huno huʼniyaʼmonanafa.

2 Kini 5:8

Inagi Goti vekaʼamo Ilaisaʼmo kini vekamo kukena yaʼamo alino apake aiʼniya gemo afitenoʼaeʼmo Ilaisaʼmo kini vekalegamo ina ge huno ge huno atalegeno uʼniye. Kagaemo na agufa kavaʼmo higekaeʼmo kukena yakamo alika apake aiʼnane. Kahaoke hovanagi ani vekamo alika ategeno nagaetegamo esigeʼna nagaemo aliʼna avelisugeno mago Gotitegati gemo alinineno aeno hakalo nehiya vekamo Isaleli kotegamo maiʼniye, huno hugiye.

Samu 141:2

Vayaʼmogi kagaemo alagepa atumo neʼaiya ofalini yafeʼmo amuse nehana kava huka nunumuʼmo nehuva geʼnieʼmo amuse huʼneka afiyo. Nayaʼmo aliʼna asaga huʼneʼna nunumuʼmo nehuva kavaʼnimoʼmo uneʼmo afumo amagiʼa ofalinimo nekamiya yakana hino.

Hatu maeno apate'niya gemae 3:6

Nagaemo kaginago vayaʼmogi Gotiʼapimoʼnamae. Nagaemo Emalehamuʼagi Aisakiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa Gotiʼmo aulu haeno agesiyafeʼmo koli huteno augosafiʼmo alino ati kaeʼniye.

Hatu maeno apate'niya gemae 4:5

Ala kava neʼmoʼa ha painoʼaeʼmo, Isaleli vayaʼmogi kagaefeʼmo huʼapaeʼmo, Laginago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogi huno Gotiʼapimoʼmo agaetegamo afole aiʼnigeka lama gemo nehane, huʼa apakesamo afisayafeʼmo apakaetegamo visana afinaʼmo ani agufa kavaʼmo huvo, huno ha paitenoʼaeʼmo

Neniyo 12:11

Apakaemo kame vayaʼapimogimo huʼapaeʼmo, gotitapimoʼmo muki afinaʼae afinaʼaeʼmo ofalini neʼamiya kavaʼmo magoʼe osiyo huʼa huge hosu yaʼmoʼa alino hosu huno neʼateya yaʼmo avenatuʼnaʼmo heno neʼataleya yakana huno haneʼniya yaʼmo aliʼa he tiʼa atege hisaya afinatetiʼmo vani tauseni tu hataleti naetiʼa afinaʼmo uno hano hutesigenoʼaeʼmae.

Neniyo 8:13

Inagi nagaemo afiʼnovana mago aote enisole vekamoʼmo ge nehigenoʼaeʼmo alu aote enisole vekamoʼmo ina ge huno ge huno afi geʼniye. Alagamuna gemo hainu afinaʼmo hano hugiye. Na magi afinaʼmo utegeno muki afinaʼae afinaʼaeʼmo ofalini kavaʼapimo magoʼe huno oʼakanigiye. Na magi afinaʼmo utesigeno mono noʼamo aliʼa hosu huʼa neʼataya kavaʼmo hano hugiye. Na magi afinaʼmo utesigeno mono noʼaʼe asole vayaʼeʼmo apaiyaletiʼmo aeʼa lata nepaiya kavaʼmo hano hugiye, huno ge huno afi geʼnigeno

Neniyo 9:21

Nunumuʼmo nehugenoʼaeʼmo ani hogoteʼna alagamunamo ageʼnova enisole vekamo Gemaliyoʼa nagaetegamo halelino emineʼniye. Gotiʼa alino ateʼnigeno emineno une ofalini nehuna kanaleʼmo uno avaʼyi huʼniye.

Matiyu 22:32

Gotiʼa hunoʼaeʼmo, Emalehamu Gotiʼamoʼnamo maiteʼna Aisiki Gotiʼamoʼnamo maiteʼna Yekopu Gotiʼamoʼnamo maiteʼna huʼnove, huno huʼniye. Agaemo faliʼnaya vayaʼai Gotiʼapimoʼmo oʼmaiʼnifa afaʼa neʼmaiya vayaʼai Gotiʼapimoʼmo maiʼniye, huno hapa paiʼniye.

Yoni 11:42

Muki afinaʼmo geʼnimo neʼafine, huʼna ago afiʼnove. Afiʼnovaʼmonanafa manileʼmo nagaeʼeʼmo magokepiʼmo lokaeʼa maiʼnaya vayaʼmogimo afiteʼapaeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo ani gemo nehuve, huno huteno

Apa 10:30

Koniliyasiʼa hunoʼaeʼmo, Ega olagamo neʼyaʼmo oʼneʼna mosiʼna maime maime neʼeʼnaeʼmo yegemo uno lamino nefaleya agufa kanaleʼmo noʼnifiʼmo nunumuʼmo huʼna maiʼnogeno malage huno mago vekamo alave alaveʼage nehiya kukenamo vailiʼniya vekamo naulagaleʼmo afole aitenoʼaeʼmo,

Apa 3:1

Mago afinaʼmo Pitaʼe Yoniʼeʼmo Yulusalemu taonifiʼmo alopa mono notegamo yegemo uno lamino folaga huʼniya kanaleʼmo Yu vayaʼmogi nunumuʼmo nehaya kanaleʼmo uʼnaʼae.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Efasasi 3:14

Gotiʼa fikumo lapa maeno lapamiʼniyaʼmofeʼmo Ala kava netimo Afoʼamo aulagaleʼmo naleʼyaʼmo faiʼneʼna nunumuʼmo nehuve.