1 Kini 18:3 - The Keyagana NT and 25 OT books

³ Kafu huʼnageno kini vekamo Ehapiʼmo alopa noʼaleʼmo neʼyagaiya vekamo Omanaiyafeʼmo keya aeno ge huʼnigeno eʼniye. Omanaiyaʼmo Ala kava nefeʼmo lusi kava huno koli huʼniya vekamae.

1 Kini 18:3 ပူးပေါင်းရင်းမြစ်များ

Aepa Gemae 22:12

Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.

Aepa Gemae 24:10

Aliʼyaʼamo neʼaliya vekamoʼmo teniʼa kamolu anagaʼmo apavaleteno alu ya alu yaʼamo aliteno Mesopatemiya kotegamo Neho taonifiʼmo uʼniye.

Aepa Gemae 24:2

Inagi Emalehamuʼa agaiʼaleʼmo asole kafugamo aliʼyaʼamo aliteno muki kagemi yaʼaleʼmo yagaino neʼateya vekaeʼmo ha painoʼaeʼmo, kahao ke hovanagi kayaʼmo naluʼmo afeʼalumelaga malo.

Aepa Gemae 39:9

Noʼafiʼmo mago vekamo aeno naga seʼniya vekamo oʼmaiʼnigeʼna muki yaʼe vayaʼaiteʼeʼmo nagaiʼnigeʼmo yagaiʼnove. Muki yaʼamo alino namiʼniyaʼmonanafa kagaemo aʼamo maiʼnanaʼmofeʼmo kavaleno oʼnamiʼniye. Haiya kava huʼna ani alopa hosu kavaʼmo Gotitegamo huguve, huno ha paiʼniye.

Aepa Gemae 41:40

Kagaemo muki noʼnifi haneʼniya yateʼmo yagaige muki vayaʼnileʼmo yagaika apatege hugane. Nagaemo kini siateʼmo maisuva kavatetiʼmo aeʼna kaga segauve.

Aepa Gemae 42:18

Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae.

1 Kini 18:12

Nagaemo kataleʼna neʼvisugenoʼaeʼmo Ala kava neʼmo Aunemeʼamoʼmo nagaemo mago oʼageʼnisuva kotegamo kavalelino ugiye. Nagaemo uʼna Ehapifeʼmo ha paisugeno Ehapiʼmo eno kagaefeʼmo kahauya hisiyana okagenoʼaeʼmo kamitimo namagigiye. Nagaefeʼmo kagesa afiyo. Nagaemo aliʼyakamo neʼaluva vekamoʼnamo neya mafaʼnemo maiʼnova afinatetiʼmo Ala kava nefeʼmo koli hume hume eʼna hemenimo maiʼnove.

1 Kini 18:2

Inagi Ilaiyaʼmo Ehapi aulagaleʼmo uno he tisiyafeʼmo uʼniye. Ani afinaʼmo Samaliya kotegamo neʼyafeʼmo lusi kava huʼa kafu huʼnae.

2 Kini 4:1

Mago afinaʼmo mago Gotitegati gemo alinineno aeno hakalo nehiya vekamo aʼamo Ilaisategamo eno ha painoʼaeʼmo, Aliʼyakamo neʼaliya vekamo anauʼnimoʼmo faliʼniye. Kagaemo ageʼnanana agaemo Ala kava nefeʼmo koli huno maiʼnigeka ageʼnane. Anonaʼnimo haneʼnigeno hemenimo anonaʼalefeʼmo alisiya vekamo neʼe. Ani moni anonaʼaleʼmo oʼamisuvaʼmoʼmo mafaʼneʼnilaʼmo anavalesigeʼana aliʼyaʼaleʼmo kalavusi aliʼyaʼmo aligaʼae, huno huʼniye.

Samu 112:1

Ala kava neʼmo ala agiʼamo amiyo. Gotiʼa Ala kava nefeʼmo koli nehiya vekamo alino auleno ateʼniye. Agaemo Gotiʼa hiyo, huno huʼniya geʼaeʼmo lusi kava huno hauʼnigeno amogaga neʼaiye.

Mai'naya kavane 14:26

Ala kava nefeʼmo koli nehiya vekamoʼmo alagi naha maegaiye, huno magoke agesamo afigiye. Mafaʼne anagaʼaʼeʼmo alagepa huʼa fala kiʼa maisaya yaʼapimo hanegaiye.

Malakai 3:16

Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.

Matiyu 10:28

Apakaemo amega apakufaʼamo kamitimo apamagigayaʼmonanafa apakupi mafaʼneʼamo alagi oʼapamagisaya vayaʼaifeʼmo koli osiyo. Apakufaʼe apakupi mafaʼneʼeʼmo alino ata kopiʼmo yaga auno apatalesiya vekaekeʼmo koliʼamo hiyo.

Matiyu 25:17

Ani kava huno tu tausenimo amiʼniya vekamoʼmo akamelegaʼamo magoʼe huno tu tausenimo aliʼniye.

Apa 10:2

Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.

Apa 10:35

Gotiʼa alu nofi vaya alu nofi vayapatiʼmo agaefeʼmo koli huteʼa alagepa kavaʼmo nehaya vayaʼaifeʼmo hapao keʼmo nehe.