1 Kini 18:2 - The Keyagana NT and 25 OT books

² Inagi Ilaiyaʼmo Ehapi aulagaleʼmo uno he tisiyafeʼmo uʼniye. Ani afinaʼmo Samaliya kotegamo neʼyafeʼmo lusi kava huʼa kafu huʼnae.

1 Kini 18:2 ပူးပေါင်းရင်းမြစ်များ

1 Kini 18:1

Asole afinaʼmo koʼmo oʼaino alopa yegemo loleʼe magoʼe kafugamo letegenoʼaeʼmo Ala kava neʼmoʼa Ilaiyafeʼmo ha painoʼaeʼmo, Uka kini vekamo Ehapi aulagaleʼmo he tisanageʼnaeʼmo nagaemo halate koʼmo aliʼna atalesugeno eminegaiye, huno ha paiʼniye.

1 Kini 18:3

Kafu huʼnageno kini vekamo Ehapiʼmo alopa noʼaleʼmo neʼyagaiya vekamo Omanaiyafeʼmo keya aeno ge huʼnigeno eʼniye. Omanaiyaʼmo Ala kava nefeʼmo lusi kava huno koli huʼniya vekamae.

2 Kini 1:4

Hemenimo Ala kava neʼmoʼa kini vekaeʼmo ha painoʼaeʼmo, Kagaemo kaha okegaiye. Haʼao, kagaemo hipakaletiʼmo he otiganaʼmonanafa havaeka maiʼneka faligane, huno kaha paiʼniye, huka hapa paiyo, huno ha paiʼnigeno Ilaiyaʼmo Ala kava neʼmo geʼamo akame huno ani gemo alagi hapa paiteno apataleno uʼniye.

2 Kini 6:25

Yatala afinaʼmo taonileʼmo faiʼa vego huteʼa maiʼnayaʼmofeʼmo Sameliya taonifi vayaʼmo neʼyafeʼmo lusi kava huʼa kafu huʼnae. Ani afinaʼmo nokiʼmo agenopamo miya faigefeʼmo huʼapaeʼmo 80 kinaletiʼmo miya faiʼnae. Vayaʼmogimo nama anagaʼmogi aifamo miya faigefeʼmo faefu kinaletiʼmo miya faiʼnae.

Samu 27:1

Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.

Samu 51:4

Kagae kaulagaleʼmo hosu kavakeʼmo huʼna maiʼnove. Nagaemo hosu kavaʼmo huʼnovaʼmofeʼmo kagaemo fatago kavaʼmo huka agotimo huka nateʼnane. Kagaemo nagaefeʼmo fatago gemo hukaeʼmo, hosu kavaʼmo huʼnane, huka huʼnane.

Samu 56:5

Muki afinaʼaeʼmo apakaemo geʼnimo aiʼa aliʼa afe leʼa aliʼa hosu huʼa neʼatalae. Hosu kavaʼmo nagaetegamo afole aisiyafeʼmo apakesamo afige afige huʼa maiʼnae.

Mai'naya kavane 28:1

Mago vekamoʼmo hosu vayaʼmo apavegala noʼaefa apakaiʼapigeʼmo apaune nehayaʼmonanafa fatago vayaʼmogimo laiyonigana huʼa koli osuʼa neʼmaiye.

Aiyeya 51:12

Gotiʼa hunoʼaeʼmo, Nagaiʼnigeʼmo lapaipamo aliʼna falu huʼna lapategauve. Ina lagitapamo maiʼnetapaeʼmo falisiya vekaeʼmo koli huge kahaugana huʼa malage huʼa hano hisaya vayaʼaifeʼmo koli huge nehae.