Zaan 19:15 - Kouya

¹⁵ 'Ɩn wa yia 'wʋkpɩkpɩe bhli. Wa nɛɛ: «'Bha ɔ! 'Bha ɔ! Kʋlʋ ɔ su -gʋ la!» Pilatɩ nɛɛ wa -ylaɛ: «'Lee, ɩn kʋlʋ amɩaa 'wlulapɩlɩnyɔ su -gʋ laa?» 'Ɩn -Lagɔbʋbɔnyaa -cɩan yia we 'bɩgʋpalɩɛ: «-Amɩaa 'wlulapɩlɩnyɔ -bhlogbɔɔ, Wlɔmʋʋ 'wlulapɩlɩnyɔ 'kadʋ -wa.»

Zaan 19:15 ပူးပေါင်းရင်းမြစ်များ

Matie 22:17

We -ka 'sa -mɩ, -ɩn nɛɛ lɛa? 'Lee, we mɩ tɩklɩɩ -amɩaa tite nʋkplɛ, -a plʋlʋ *Sezaa kwɛɛ *nisʋn -gwɛzii?»

Lukɩ 23:18

'Ɩn Pilatɩ 'yɩbha ɔ 'ka -Zezu 'yitidee 'gbʋ, wa 'dɛ weee yia 'wʋkpɩ: «-Ɩn 'bha ɔɔ nyɩmɛ -mɔ nɩ, 'ɩn 'tide -aɩn -yla -Balabasɩ 'yi!»

Zaan 18:31

Pilatɩ nɛɛ wa -ylaɛ: «Amɩaa 'dɛ 'bhu ɔ 'wʋ, 'ɩn a 'ka ɔ -yɔgbʋ 'wʋbhu amɩaa titee sɔlʋ.» Tɔʋn, 'ɩn wa nɛɛ: «We -ka nyɩmɛɛ -yɔgbʋ -a 'bhu 'wʋ, -a 'nɩ we 'klʋ -ka, -a 'ka ɔ tlɩtlɩe -dɩlɩ.»

Zaan 19:6

-Lagɔbʋbɔnyaa -cɩan -yɔ -Lagɔbudu 'kadʋʋ ŋwɛkʋnya 'yɩa -Zezu -yɔ, 'ɩn wa yia 'wʋkpɩkpɩe bhli. Wa nɛɛ: «Kʋlʋ ɔ *su -gʋ la! Kʋlʋ ɔ su -gʋ la!» Pilatɩ nɛɛ wa -ylaɛ: «Amɩaa 'dɛ 'bhu ɔ 'wʋ, 'ɩn a 'ka ɔ su -gʋ lakʋlʋ. Nɩɩ, -we ka 'gbʋ ɩn 'kaa ɔ gbʋ dɩlɩ, ɩ'ɩn 'yɩ we -yɔ.»

Lɛnʋgbʋnya 13:28

'Ɩn wɛlɩ -we -gʋ wa 'kaa ɔ 'bha wa 'nɩ we 'yɩ. 'Ɩn wa nɛɛ Pilatɩ -yla, -mɔɔ 'bha ɔ.

Lɛnʋgbʋnya 21:36

Nɩɩ, nyɩma weee mɩ ɔ 'bɩ, 'wʋkpɩkpɩe nya: «A 'bha ɔ!»

Lɛnʋgbʋnya 22:22

Nyɩmaa -zlo pʋlʋa Pɔlʋ yukwli tɩklɩɩ, tɔʋn, ɔ yia wɛlɩnya -mɩnɩɩ gbagbɩe bhɩa. 'Ɩn wa yia 'wʋkpɩkpɩe bhliɛ: «A -sa nyɩmɛ nɩ la! A 'bha ɔ! Ɔ 'nɩ we 'klʋ -ka, ɔ 'ka 'yliyɔgada -tʋ, dʋdʋ nɩ -gʋ!»