Wlɔmʋ -nyɩma 8:38 - Kouya

^38-39 'Ɩn ɩn mɩ we -gʋ nɩɩ, gbʋ yabhlogbɔɔ 'nɩ mneni we 'ka -aɩn -Lagɔɔ zɛkalɩe -yɔsa. We 'dɛ yi tlɩtlɩe -zɛoo, we yi 'yliyɔgagɩe -zɛoo, we yi 'anzɩnya -zɛoo, we yi zuzunya -zɛoo, we -yɔ -lu -we mɩa -slɛɛn -bha -zɛoo, 'ɩn -lu -we mɩa yida -zɛoo, we 'nɩ we mneni. We yi -lu weee -we kaa 'tɩtɛ -we mɩa yalɩ -zɛoo, -we mɩa dʋdʋ -zɛoo, we -yɔ -li weee mɩa lalali nya -zɛoo, we 'yabhlogbɔɔ 'nɩ mneni we 'ka -aɩn -Lagɔɔ zɛkalɩe -we ɔ -slolua -amɩaa -Kanyɔ -Zezu Klisɩ 'wʋ, -yɔsa.

Wlɔmʋ -nyɩma 8:38 ပူးပေါင်းရင်းမြစ်များ

Zaan 10:28

'Yliyɔgagɩe -we 'nɩa bhloluda -ka, 'mʋ na nyɛa we. We 'na 'ka labhʋ -bhlɔkɔɔ -gba, 'ɩn nyɩmɛ yabhlogbɔɔ 'na 'ka 'mɩ we kwɛɛ -sa.

Wlɔmʋ -nyɩma 14:7

We 'dɛɛ 'gbʋ, -amɩa -gaa da 'yliyɔ, -Kanyɔɔ 'ŋnɩ nya -wa: we 'nɩ -amɩaa 'dɛ tɛɩɩn gbʋ. Nyɩmɛ yabhlogbɔɔ'ɔ tlɩ ɔ 'dɛɛ 'ŋnɩ nya.

Wlɔmʋ -nyɩma 14:8

-A -ka 'yliyɔga, -Kanyɔɔ 'gbʋ -a gaa 'yliyɔ, 'ɩn -a -ka tlɩ nɩ, -Kanyɔɔ 'gbʋ -a tlɩa. -A yi tlɩoo, -a yi 'yliyɔgaoo, -Kanyɔɔ -nʋ -a -mɩa.

Wlɔmʋ -nyɩma 4:21

Ɔ mɩ we -gʋ nɩɩ, -Lagɔ ka 'tɩtɛ, 'ɩn -we ɔ gbaa, ɔ mneni ɔ 'ka we lɛnʋ.

Wlɔmʋ -nyɩma 6:23

Gbʋzɔnʋ -wa: gbʋnyuu lɛnʋe mɩa, we -tnʋʋ -wa tlɩtlɩe. 'Ɩn -we -Lagɔ wlaa sa bhe, mʋ -wa 'yliyɔgagɩe -we 'nɩa bhloluda -ka -amɩaa -Kanyɔ -Zezu Klisɩ 'wʋ.

1 Kolɛntɩ -nyɩma 15:24

-Mʋʋ 'bɩgʋ, dʋdʋ yia labhʋa: zuzu 'nyuuu nyɩmaa -gʋgalɩe klaa, we se klaa, we -yɔ we 'tɩtɛ, Klisɩ yia we 'dɛ weee lasaa, 'ɩn nyɩmaa 'wlulapɩlɩe ɔ yia Dide -Lagɔ yoo 'nyɛa.

2 Kolɛntɩ -nyɩma 11:14

Ŋwɛgaga -sʋbhalɩgbʋ yabhlogbɔɔ 'nɩ we 'wʋ -mɩ. 'Lee, -Saataan 'dɛɛ 'bhitili we 'dɛ zlɩɩ 'anzɩ 'wʋlaa?

2 Kolɛntɩ -nyɩma 4:13

Dlɩzʋzʋe -we ka daa *-Lagɔsɛbhɛ gbaaɛ: «Ɩn ka dlɩ zʋ, we 'gbʋ ɩn yia gba.» 'Ɩn -amɩa 'ya, wee dlɩzʋzʋe -bhlokpadɛ nya, -amɩa ka dlɩ zʋ, 'ɩn we 'gbʋ -a gbaa.

Efɛzɩ -nyɩma 1:21

Nɩɩ, yalɩɩ 'tɩtɛ weee -gʋ, se weee -gʋ, ŋwɛzilo weee -gʋ, nyɩmaa 'wlulapɩlɩe weee -gʋ, we -yɔ 'ŋnɩo 'ŋnɩ wa 'kaa la da, dʋdʋ -mɩnɩ -yɔ dʋdʋ 'ka 'yaa yi -gʋ, Klisɩ pɩlɩa we 'dɛ weee 'wlu la.

Kolɔsʋ -nyɩma 1:16

Nɩɩ, mɔ 'wʋ -Lagɔ nʋa yalɩ -lu -yɔ dʋdʋ -gʋ -lu weee lɛ, -we wa yɩa -yɔ, 'ɩn -we wa'a 'yɩa -yɔ klaa. 'Ŋnɩmnɩkpe, 'wlulapɩlɩe, 'tɩtɛ -yɔ se, mʋ weee -Lagɔ -laa la ɔ gbɛɛlʋ, 'ɩn ɔ -yla.

Kolɔsʋ -nyɩma 2:15

Zuzu 'nyii -we kaa nyɩmaa 'wlulapɩlɩe -yɔ senya nɩ, wee su -gʋ -Lagɔ -saa we 'tɩtɛ kwɛɛ. Ɔ ka we lu, 'ɩn ɔ yia we -zejila 'wʋ wleli -kaslʋnyɩma 'bhisa.

2 Timotee 1:12

We 'gbʋ sɩasɩe -we 'wʋ ɩn mɩa 'plɩlɩda, we'e 'bhalɩ 'mɩ zʋ. -We ka gbʋ -wa, -ɔ ɩn zʋa dlɩ -gʋ, ɩn -yi ɔ, 'ɩn na dlɩ 'tɛlɩ we -gʋ nɩɩ, -we ɔ tɩa 'mɩ -yɔ, 'wʋ ɔ yia we 'paa, 'ɩn gbʋwʋbhuylɩ 'ka nyni.

Eblenya 11:13

Dlɩzʋzʋe nya waa nyɩma weee tlɩa. Zʋzɔnʋnya, -we ka wɛlɩ -Lagɔ wlaa wa -yla, wa 'nɩ we kwɛzɩ, nɩɩ, wa ka we -yɔyɩ 'pɩpɩ, 'ɩn we yia wa 'mʋna 'wʋla. Wa nɛɛ nɩɩ, 'lakpanya wa -mɩa, 'ɩn wa mɩa nɔnɔnya nya dʋdʋ -gʋ.

1 Piɛlɩ 3:22

-Zezu Klisɩ mnɩa yalɩ, ɔ -dɩ -Lagɔɔ lilisɔlʋ la. -Mɔ ɔ pɩlɩa 'anzɩ -yɔ senya, we -yɔ yalɩɩ 'tɩtɛ weee 'wlu la.