Wlɔmʋ -nyɩma 7:18 - Kouya

^18-19 Cɩɩn, ɩn -yi we 'ji, zʋzɔnʋ 'nɩ 'mɩ 'wʋ -mɩ. -Amɩ, -ɔ mɩa nyɩmɛ nya, nɩɩ, zʋzɔnʋ -nʋnʋe mɩ na dlɩ zɔ, 'ɩn ɩn 'nɩ mneni ɩn 'ka we lɛnʋ: zʋzɔnʋ -we ɩn 'yɩbhaa ɩn 'ka lɛnʋ, ɩ'ɩn nʋ we lɛ, gbʋnyuu -we ɩn 'nɩa 'yɩbha, 'ɩn na nʋa -mʋʋ lɛ.

Wlɔmʋ -nyɩma 7:18 ပူးပေါင်းရင်းမြစ်များ

Matie 15:19

Nɩɩ, 'wlukʋʋn lapʋpalɩe 'nyuu bhʋa nyɩmɛɛ dlɩ zɔ. Tɔʋn, 'ɩn nyɩma bhaa wa -lima, 'ŋwnɩ -yɔ nyɩma -putu dɩa -budu 'wʋ, wa kaa mʋtnɩ kwɛ, wa ylia 'wie, wa tʋbhʋa yo, 'ɩn wa saa wa -lima 'ŋnɩ.

Lukɩ 11:13

Nɩɩ, amɩa -mama -wa nyɩma 'nyii, a -yi amɩaa 'yua -li -zɔnʋ 'nyɛ sa. We -ka 'sa -mɩ, amɩaa Dide -ɔ mɩa yalɩ, -ɔ kaa 'nanɩ, -wa zlalɩa ɔ Zuzu 'Pʋpa, ɔ 'na 'ka we wa 'nyɛɛ?»

Zaan 3:6

-We ka gbʋ -wa, -wa 'nyaa -yɔ dide gwalɩa, wa mɩ nyɩmaa nyɩma nya, 'ɩn -wa -Lagɔɔ Zuzu gwalɩa, wa mɩ -Lagɔɔ Zuzuu nyɩma nya.

Wlɔmʋ -nyɩma 13:14

A nɔ -amɩaa -Kanyɔ -Zezu Klisɩɩ nɔnɔbhʋ. Amɩaa 'wlukʋʋn 'na -tʋlʋ amɩaa dlɩwʋnynilii lɛnʋe 'bɩ -nɩ.

Wlɔmʋ -nyɩma 7:15

Yee! -We na nʋa lɛ, ɩ'ɩn 'nʋ we 'wʋla. Nɩɩ, -we ɩn 'yɩbhaa ɩn 'ka lɛnʋ, ɩ'ɩn nʋ -mʋʋ lɛ, 'ɩn -we na nyɛa 'wʋ, -mʋʋ na nʋa lɛ.

Wlɔmʋ -nyɩma 7:25

-A 'pa -Lagɔ fuo -amɩaa -Kanyɔ -Zezu Klisɩɩ 'ŋnɩ nya. Na 'ylimnee nya na ŋwnua -Lagɔɔ tite -yɔ, 'ɩn na zʋa gbʋnyuu 'nʋŋwɛ na -mɩmɩsɔ 'wʋ.

Wlɔmʋ -nyɩma 7:5

-Benyi mɩa, da -a nʋa -amɩaa 'dɛɛ dʋmagbʋ lɛ, -Lagɔɔ tite saa -amɩaa dlɩwʋnynili 'nyii gwlu. Mʋʋ nʋa -amɩaa ku zɔ lubho, 'ɩn we kwaa -aɩn tlɩtlɩee 'yloogblʋ.

-Galasii -nyɩma 5:17

Nɩɩ, -amɩaa yɩcɛɛ dlɩwʋnynigbʋ -yɔ -Lagɔɔ Zuzu 'nɩ wɛlɩ -bhlo -ka, 'ɩn -Lagɔɔ Zuzu -yɔ -amɩaa yɩcɛɛ dlɩwʋnynigbʋ 'nɩ wɛlɩ -bhlo -ka. Nɩɩ, -yɔ we mɩmnɩa, 'ɩn -we a 'yɩbhaa a 'ka lɛnʋ, a yi we lɛnʋe kwɛyɔmneni.

-Galasii -nyɩma 5:24

-Wa mɩa [-Zezu] Klisɩɩ -nʋ nya, wa yɩcɛɛ -yɔkpagbʋ -yɔ we dlɩwʋnynigbʋ, wa ka we lakʋlʋ *su -gʋ.

Filipʋ -nyɩma 2:13

Nɩɩ, -Lagɔɔ 'dɛ mɩ amɩaa dlɩ zɔ lubho nʋda, ɔ dʋmagbʋ 'ka aɩn dʋdʋnamanɩ, 'ɩn a 'ka 'ya we lɛnʋ.

Filipʋ -nyɩma 3:12

Ɩn 'nɩ gba nɩɩ, ɩn ka na -gwagwɩee 'wlulapalɩda nyni. 'Ɩn, ɩn 'nɩ gba nɩɩ, sa -Lagɔ 'yɩbhaa ɩn -mɩ, ɩn mɩ 'sa -slɔ tɛɩn. 'Ɩn na -gwagwɩe na zʋa 'yliyɔ, -we ka 'gbʋ ɩn mɩa -gwada, ɩn 'ka we kpa. -We ka gbʋ -wa, -Zezu Klisɩ ka 'ya na 'dɛ kpa.

Titɩ 3:3

-We ka gbʋ -wa, bha, -amɩa mɩ 'ya 'sa titinanya -yɔ gbʋʋ 'nʋŋwɛsanya nya, -a ka mnɔ. Dlɩwʋnynili -yɔ dʋdʋnanɔlii 'yli -bhlo -bhloo galɩ -a -mɩa -benyi. Nʋkplɛ 'ylinyuno -yɔ -luu 'tʋ 'wʋ -a mɩa -benyi, 'ɩn -a mɩa bha 'wʋnyɛ sa, 'ɩn -a -yɔ -amɩaa -lima nyɩnyɛnɩa 'wʋ.

1 Piɛlɩ 4:2

-Slɛɛn da, ɔ dʋdʋ -gʋʋ pnɩɩ -tʋa 'wʋ, ɔ 'na nʋnʋ nyɩmaa dlɩwʋnyni -gbʋnyuu lɛ -nɩ, ɔ nʋ -Lagɔɔ dʋmagbʋ lɛ.