Wlɔmʋ -nyɩma 11:36 - Kouya

³⁶ Cɩɩn, -lu weee mɩa, ɔ -gbɛ we bhʋa. Mɔ -laa -lu weee la, 'ɩn we mɩa ɔ -nʋ nya. -Lagɔɔ 'ŋnɩ 'ylimanɩ 'ylɩ weee nya. -Amɛnɩ.

Wlɔmʋ -nyɩma 11:36 ပူးပေါင်းရင်းမြစ်များ

Matie 6:13

-Ɩn 'na kwalɩ -aɩn laylagbʋ lʋ -nɩ. -Ɩn -sa -aɩn gbʋnyuuu dide kwɛɛ.› [Nɩɩ, nyɩmaa 'wlulapɩlɩe klaa, 'tɩtɛ klaa, we -yɔ 'ŋnɩmnɩe, we -mɩ -na -nʋ nya, bhla weee nya. *-Amɛnɩ.]

Lukɩ 19:38

'Ɩn wa nɛɛ: «Nyɩmaa 'wlulapɩlɩnyɔ mɩa yida Jejitapɛɛ 'ŋnɩ nya, -Lagɔ ŋwna ɔ 'nyu la. 'Wʋtʋtʋe -dlɔɔ -mɩ yalɩ, 'ɩn -Lagɔɔ 'ŋnɩ 'ylimanɩ!»

Lukɩ 2:14

«-Lagɔɔ 'ŋnɩ 'yli -mɔ yalɩ 'pɩpɩ, 'ɩn nyɩma -wa -Lagɔ 'yɩbhaa, 'wʋtʋtʋe -dlɔɔ mɩ wa -nʋ nya dʋdʋ -gʋ.»

Lɛnʋgbʋnya 17:28

‹Ɔ 'gbʋ -a -gaa 'yliyɔ, -a nɔa, 'ɩn -a mɩa la.› Amɩaa gbalɩnyaa tɔlʋa ka we gba: ‹-Amɩa mɩ 'ya ɔ 'yua nya.›

Wlɔmʋ -nyɩma 16:27

-Lagɔ -ɔ ka 'dɛbhlogbɔɔ -yi gbʋ, ɔ 'ŋnɩ 'ylimanɩ -Zezu Klisɩɩ gbɛgbɛɩn 'ylɩ weee nya. -Amɛnɩ.

1 Kolɛntɩ -nyɩma 11:12

Nɩɩ, sa 'ŋwnɔ 'tlaa nʋkpasu 'wʋ, 'sa -bhloo 'dɛ 'ŋwnɔ gwalɩa nʋkpasu, 'ɩn -Lagɔɔ -gbɛ we 'dɛ weee bhʋa.

1 Kolɛntɩ -nyɩma 8:6

Nɩɩ, we -ka -amɩaa -nʋ, -Lagɔ -bhlogbɔɔ, mɔ -wa Dide, mɔ -laa -lu weee la, mɔ -yla -a mɩa. 'Ɩn Nyɩmaa -Kanyɔ -bhlogbɔɔ: mɔ -wa -Zezu Klisɩ. Ɔ 'gbʋ -lu weee mɩa la, 'ɩn ɔ 'gbʋ -amɩa mɩ 'yaa la.

-Galasii -nyɩma 1:5

-Lagɔɔ 'ŋnɩ 'ylimanɩ 'kɔmʋʋ! *-Amɛnɩ!

Efɛzɩ -nyɩma 3:21

Ɔ 'ŋnɩ 'ylimanɩ *Leglizɩ 'wʋ, 'ɩn we 'ylimanɩ -Zezu Klisɩ 'wʋ, bhla weee -yɔ -zʋ weee nya! *-Amɛnɩ!

Filipʋ -nyɩma 4:20

-Amɩaa Dide -Lagɔɔ 'ŋnɩ 'ylimanɩ -zʋ weee nya! *-Amɛnɩ.

1 Timotee 1:17

Nyɩmaa 'wlulapɩlɩnyɔ -ɔ ka nyɩmaa 'wlulapɩlɩe 'nɩa bhloluda -ka, -ɔ 'na 'kaa tlɩ, -ɔ wa'a 'yɩa -yɔ, mɔ -wa -Lagɔ -bhlogbɔɔ. 'Ŋnɩmnɩe -yɔ -bhazʋzʋe -mɩ ɔ -nʋ nya 'ylɩ weee nya! *-Amɛnɩ!

1 Timotee 6:16

Mɔ -bhlogbɔɔ 'na 'kaa labhʋ, ɔ ladɩda mɩa, san 'tɩtɛ -we nyɩmɛ 'nɩa mneni ɔ 'ka -yɔlanyni, mʋ bibea we. Nyɩmɛ 'nɩ mneni ɔ 'ka ɔ -yɔyɩ. Nyɩmɛ yabhlogbɔɔ 'nɩ -slɔ ɔ 'yɩ, 'ɩn wa 'na 'ka ɔ 'yɩ. Wa -mnɩnɩ ɔ 'ŋnɩ, 'tɩtɛ weee -mɩ ɔ -nʋ nya 'ylɩ weee nya. -Amɛnɩ!

2 Timotee 4:18

Nyɩmaa -Kanyɔ yia 'mɩ gbʋnyuu weee zɔ 'wʋbhua. Mɔ yia 'mɩ gbʋ 'wʋsaa, 'ɩn da ɔ pɩlɩa nyɩma 'wlu la yalɩ ɩn 'ka -mɔ nyni. Wa -mnɩnɩ ɔ 'ŋnɩ 'ylɩ weee nya. *-Amɛnɩ!

Eblenya 13:21

Ɔɔ -Lagɔ 'nyɛ aɩn 'tɩtɛ a 'ka gbʋzɔnʋ ɔ 'yɩbhaa lɛnʋ. -We nanɩa ɔ dʋdʋ, ɔ nʋ we lɛ -aɩn 'wʋ -Zezu Klisɩɩ gbɛgbɛɩn. 'Ŋnɩmnɩe -mɩ -Zezuu -nʋ nya 'ylɩ weee nya. *-Amɛnɩ.

Eblenya 2:10

-Ɔ -laa dʋdʋ la, -Lagɔ -wa, 'ɩn mɔ kaa we 'dɛ weee la. We 'dɛɛ 'gbʋ, we mɛnɩ nɩɩ, ɔ gbalɩ -Zezuu tɩklɩmɩmɩe -mɔɔ sɩasɩe 'wʋ, -mɔɔ 'ka 'yuaa -zlo ɔ 'ŋnɩmnɩe 'wʋkwa. Nɩɩ, mɔ saa wa gbʋ 'wʋ.

1 Piɛlɩ 4:11

-Ɔ -ka gbagbɩee -nʋ 'yɩ, ɔ gba wɛlɩ -Lagɔ zʋa ɔ ŋwɛɛ. -Ɔ -ka nyɩmaa 'wʋsasɩee -nʋ 'yɩ, ɔ nʋ we lɛ 'tɩtɛ -we -Lagɔ nyɛa ɔ, we nya. 'Ɩn -lu weee 'wʋ, -Lagɔɔ 'ŋnɩ 'ka 'ylimanɩ -Zezu Klisɩ 'wʋ, -Zezu -ɔ kaa 'ŋnɩmnɩe -yɔ 'tɩtɛ, -zʋ weee nya. *-Amɛnɩ!

1 Piɛlɩ 5:11

'Tɩtɛ -mɩ ɔ -nʋ nya -zʋ weee nya. *-Amɛnɩ!

2 Piɛlɩ 3:18

'Ɩn a -tʋ 'ylimanɩda -amɩaa -Kanyɔ -yɔ -amɩaa Gbʋwʋsanyɔ -Zezu Klisɩɩ 'nanɩ -yɔ ɔ yibhelie 'wʋ. Ɔ 'ŋnɩ mnɩ dɛslɛɛn -yɔ 'ylɩ weee nya! *-Amɛnɩ!

Zudɩ 1:25

-Lagɔ -ɔ -wa -Lagɔ -bhlogbɔɔ, -ɔ 'plɩlɩa -amɩaa -Kanyɔ -Zezu Klisɩ 'wʋ, mɔ -saa -aɩn gbʋ 'wʋ. Mɔ kwɛɛ 'ŋnɩmnɩe klaa, 'ylilo klaa, we -yɔ 'tɩtɛ -yɔ se mɩa, bhabenyi bhla, dɛslɛɛn -yɔ 'ylɩ weee -nʋ nya! *-Amɛnɩ.

Zaaan 'yliwʋgbʋnya 19:1

-Mʋʋ 'bɩgʋ, 'ɩn ɩn yia nyɩmaa -zloo wɛlɩ 'nʋ -mɔ yalɩ gbada. Wee wɛlɩ nɛɛ: «*Aleluya! -Amɩaa -Lagɔ ka -aɩn gbʋ 'wʋsa. -Lagɔ -ɔ 'ylia, 'ɩn -ɔ 'tɛa la, 'mɔ ɔ -mɩa.

Zaaan 'yliwʋgbʋnya 21:6

'Ɩn ɔ nɛɛ 'ya 'mɩ -yla: «Nɩɩ, we ka -slɛɛn bhɩa. -Amɩ -wa we gwedɩda, 'ɩn ɩn mɩa we bhɩalɩda nya, we tɩanʋ -yɔ we 'wʋbhlolunʋ. Nyɩmɛ, -ɔ 'nyumatʋ -ka 'bhada -mɩ, bhe na nyɛa ɔ 'nyu. 'Nyu, -we na nyɛa ɔ nɩ, 'wlʋwlʋ nyu -we wlaa 'yliyɔgagɩe, mʋ -wa.

Zaaan 'yliwʋgbʋnya 7:10

Wa 'kpɩa 'wʋ 'tɩtɛɛ, wa nɛɛ: «-Amɩaa -Lagɔ -ɔ -dɩa 'ŋnɩmnɩkpe -gʋ la, ɔ -yɔ Bhlabhlɛyu 'sɔ, gbʋwʋsasɩe mɩ wa -nʋ nya!»

Zaaan 'yliwʋgbʋnya 7:12

Wa nɛɛ: «-Amɛnɩ! Nyɩma weee gba ɔ 'ŋnɩ -zɔnʋ. Nɩɩ, nyɩma weee -mnɩnɩ ɔ 'ŋnɩ, gbʋyilo weee mɩ ɔ -nʋ nya, nyɩma weee 'pa ɔ fuo, nyɩma weee zʋ -bha ɔ, 'tɩtɛ -yɔ latɛlo weee mɩ ɔ -nʋ nya. We -mɩ 'sa, 'ɩn we 'ka 'sa -tʋ 'ylɩ weee -nʋ nya.»