Matie 4:17 - Kouya

¹⁷ -Bha -bhlokpadɛ, 'ɩn ɔ yia -Lagɔgbʋ gbagbɩe bhli, ɔ nɛɛ: «A 'bhiti amɩaa dlɩ, nɩɩ, -Lagɔɔ nyɩmaa 'wlulapɩlɩe ka cɩpa.»

Matie 4:17 ပူးပေါင်းရင်းမြစ်များ

Matie 10:7

A -ka 'yloogblʋ -mɩ, a gbaɛ: -Lagɔɔ nyɩmaa 'wlulapɩlɩ bhla ka cɩpa.

Matie 11:12

We 'ka 'Zan -Batisɩɩ -Lagɔgbʋ -gba bhla 'bhʋ we 'ka -zɛɛn ylɩ, *-Lagɔɔ nyɩmaa 'wlulapɩlɩe mɩ 'yugbɛɩn mnɩda 'tɩtɛ nya, 'ɩn nyɩma 'tɩtɛ bhua we 'wʋ.

Matie 13:11

Ɔ nɛɛ wa -yla: «-Lagɔ ka ɔ nyɩmaa 'wlulapɩlɩgbʋ mɩa zizeda aɩn 'klʋslolu, nɩɩ, ɔ 'nɩ we wamɩa 'klʋslolu.

Matie 13:24

-Zezu 'pa 'yaa wa -yla gbʋʋ nine yabhlo, ɔ nɛɛ: «-We -yɔ -Lagɔɔ nyɩmaa 'wlulapɩlɩe 'wʋwlʋa, 'mʋ na yia da aɩn -yla gbaa. Nɩɩ, nyɩmɛ yabhlo 'paa ɔ kpaa 'mnɔ -zɔnʋ.

Matie 13:47

«-We -yɔ -Lagɔɔ nyɩmaa 'wlulapɩlɩe 'wʋwlua, mʋ -wa 'ya, 'sowli -we wa viteli 'nyu lʋ, 'ɩn we yi zibhii 'yli -bhlo -bhlo kpa.

Matie 13:9

-Ɔ -ka 'nʋnʋ -yukwli 'wlu -ka, ɔ 'nʋ we.»

Matie 25:1

«Nɩɩ, -we -yɔ -Lagɔɔ nyɩmaa 'wlulapɩlɩe 'kaa 'wʋwlʋ, mʋ nɩ: mʋ -wa 'yiesia kugbua. 'Ŋwnɔkwafɛtɩɩ zlɩ, ma 'tlaa, wa 'ka 'ŋwnɔɔ 'lowli yoo mnɩ.

Matie 3:2

ɔ nɛɛ: «A 'bhiti amɩaa dlɩ, nɩɩ, -Lagɔɔ nyɩmaa 'wlulapɩlɩe ka cɩpa.»

Matie 6:10

-Na nyɩmaa 'wlulapɩlɩe yi. Nyɩma nʋ -na dʋmagbʋ lɛ dʋdʋ -gʋ, sa we mɩa yalɩ 'bhisa.

Matie 9:13

-We -Lagɔwɛlɩ nɩ gbaa, a mnɩ a 'ka we 'jii datalɩ, we nɛɛ: ‹-We ɩn 'yɩbhaa mʋ -wa nɩɩ, nyɩma 'ka nyazɩdlɩ -ka, we 'nɩ 'slaka -sasɩe.› Nɩɩ, ɩn 'nɩ nyɩma tɩklɩɩ laa yi, gbʋnyuu -lɛnʋnya ɩn yia laa.»

Lukɩ 15:10

«Ɩn nɛɛ aɩn -yla 'sa -bhlokpadɛ, gbʋnyuu -lɛnʋnyɔ yabhlogbɔɔ 'bhʋa ɔ gbʋnyuu 'bɩɩ 'gbʋ, 'mʋna 'kadʋ mɩ -Lagɔɔ 'anzɩ nyɩdɩ.»

Lukɩ 15:7

«Ɩn nɛɛ aɩn -yla, 'sa -bhlokpadɛ, gbʋnyuu -lɛnʋnyɔ yabhlogbɔɔ 'bhʋa ɔ gbʋnyuu 'bɩɩ 'gbʋ, 'mʋna 'kadʋ mɩ yalɩ. Nyɩma tɩklɩɩɩ glʋ -mnʋa 'ya kugbua lɛ gbomnʋa, -wa pʋpalɩa 'wlukʋʋn la nɩɩ, wa gbʋ 'nɩ dlɩɩ 'bhiti gbʋ 'wʋlapɩlɩ, wee 'mʋna -zi wa -nʋ 'wʋ.

Lukɩ 24:47

Ɔ 'ŋnɩ nya, -Lagɔgbʋ -we 'kaa nyɩmaa dlɩ 'bhiti, 'ɩn -Lagɔ 'ka wa -yɔgbʋ 'wʋtɩ, a bhli we gbagbɩe -Zeluzalɛmʋ, 'ɩn a -yɔ we 'ka dʋdʋ weee -gʋ mnɩ.

Lukɩ 3:23

-Zezu ka sa -zʋ glʋ -bhlo -zʋ kugbua, 'bhie, ɔ yia ɔ lubhoo nʋnʋe gwedɩ. Ɔ dʋkpasɩɩ ŋnɩ nɩ: *-Adaan dide -wa -Lagɔ. -Adan gwalɩa Sɛtɩ, Sɛtɩ gwalɩa Enɔsʋ. Enɔsʋ gwalɩa Kainamʋ, Kainamʋ gwalɩa Maleleɛlɩ. Maleleɛlɩ gwalɩa -Zalɛdɩ, -Zalɛdɩ gwalɩa Enɔkʋ. Enɔkʋ gwalɩa Matuzala, Matuzala gwalɩa Lamɛkɩ. Lamɛkɩ gwalɩa *Nowee, Nowee gwalɩa Sɛmʋ. Sɛmʋ gwalɩa Alɩfakɩsadɩ, Alɩfakɩsadɩ gwalɩa Kainamʋ. Kainamʋ gwalɩa Sala, Sala gwalɩa Ebɛlɩ. Ebɛlɩ gwalɩa Falɛkɩ, Falɛkɩ gwalɩa Wlago. Wlago gwalɩa Selukʋ, Selukʋ gwalɩa Nakɔɔ. Nakɔɔ gwalɩa Tala, Tala gwalɩa Ablaamʋ. Ablaamʋ gwalɩa Izakɩ, Izakɩ gwalɩa Zakɔbʋ. Zakɔbʋ gwalɩa Zuda, Zuda gwalɩa Falɛsɩ. Falɛsɩ gwalɩa Eslɔmʋ, Eslɔmʋ gwalɩa Alɩni. Alɩni gwalɩa Adɩmɛ, Adɩmɛ gwalɩa Aminadabʋ. Aminadabʋ gwalɩa Naasɔn, Naasɔn gwalɩa Sala. Sala gwalɩa -Boazɩ, -Boazɩ gwalɩa Obɛdɩ. Obɛdɩ gwalɩa -Zesee, -Zesee gwalɩa -Davidɩ. -Davidɩ gwalɩa Natan, Natan gwalɩa Matata. Matata gwalɩa Mena, Mena gwalɩa Melea. Melea gwalɩa Ɛliakimʋ, Ɛliakimʋ gwalɩa -Zonamʋ. -Zonamʋ gwalɩa -Zɛzɛfʋ, -Zɛzɛfʋ gwalɩa Zuda. Zuda gwalɩa 'Simeɔɔ, 'Simeɔɔ gwalɩa *Levii. Levii gwalɩa Matatɩ, Matatɩ gwalɩa Zolimʋ. Zolimʋ gwalɩa Ɛliezɛɛ, Ɛliezɛɛ gwalɩa -Zezu. -Zezu gwalɩa Elɩ. Elɩ gwalɩa Ɛlɩmadamʋ. Ɛlɩmadamʋ gwalɩa Kozamʋ, Kozamʋ gwalɩa Adii. Adii gwalɩa Mɛlɩkii, Mɛlɩkii gwalɩa Neli. Neli gwalɩa Salatiɛlɩ, Salatiɛlɩ gwalɩa Zolobabɛlɩ. Zolobabɛlɩ gwalɩa Wlesa, Wlesa gwalɩa Yoana. Yoana gwalɩa Zoda, Zoda gwalɩa Zozɛkɩ. Zozɛkɩ gwalɩa Semeinɩ, Semeinɩ gwalɩa Matatiasɩ. Matatiasɩ gwalɩa Matɩ, Matɩ gwalɩa Nagai. Nagai gwalɩa Esɩli, Esɩli gwalɩa Naumʋ. Naumʋ gwalɩa Amɔsʋ, Amɔsʋ gwalɩa Matatiasɩ. Matatiasɩ gwalɩa -Zɛzɛfʋ, -Zɛzɛfʋ gwalɩa Zanai. Zanai gwalɩa Mɛlɩkii, Mɛlɩkii gwalɩa Levii. Levii gwalɩa Matatɩ, Matatɩ gwalɩa Eli. Eli gwalɩa -Zɛzɛfʋ. 'Ɩn we mɩ nyɩma dlɩɩ nɩɩ, -Zɛzɛfʋʋ nʋkpasuyu -wa -Zezu.

Lukɩ 5:32

Ɩn 'nɩ nyɩma -wa laa wa 'dɛ nyɩma tɩklɩɩ lalɩee 'gbʋ yi. Nɩɩ, gbʋnyuu -lɛnʋnyaa 'gbʋ ɩn yia yi, wa 'ka wa dlɩ 'bhiti.»

Lukɩ 9:2

'Bhie, ɔ yia wa tie, wa 'ka -Lagɔɔ nyɩmaa 'wlulapɩlɩgbʋ gba. 'Ɩn wa 'ka guzʋnya jipe.

Lɛnʋgbʋnya 11:18

-Lagɔnyɩma 'nʋa wɛlɩnya -mɩnɩ, 'ɩn we yia wa dlɩ zɔbɛlɩ -dlɔɔ. Wa -mnɩnɩa -Lagɔɔ 'ŋnɩ, 'ɩn wa nɛɛ: «Gbʋzɔnʋ -wa, nyɩma -wa 'nɩa Zuifʋ, -Lagɔ ka se wa 'nyɛ, wa 'ka wa dlɩ 'bhiti, 'ɩn wa 'ka 'yliyɔgagɩe -zɔnʋ 'yɩ.»

Lɛnʋgbʋnya 17:30

Da nyɩma 'nɩa gbʋ yabhlogbɔɔ -yi, 'sa wa nʋa, 'ɩn -Lagɔɔ gbʋ 'nɩ -mʋʋnya 'wʋlapɩlɩ. Nɩɩ, -slɛɛn, dʋdʋgʋ -nyɩma weee ɔ laa, da wa -ka -mɩ, wa 'ka wa dlɩ 'bhiti.

Lɛnʋgbʋnya 2:38

Piɛlɩ nɛɛ wa -ylaɛ: «A 'bhiti amɩaa dlɩ, 'ɩn wa batizee a 'dɛ weee -bhlo -bhlo -Zezu Klisɩɩ 'ŋnɩ nya. 'Ɩn -Lagɔ 'ka amɩaa gbʋnyii 'wʋtɩ, 'ɩn ɔ 'ka ɔ Zuzu 'Pʋpa aɩn 'nyɛ, ɔ kwɛlu nya.

Lɛnʋgbʋnya 20:21

Ɩn ka Zuifʋ -yɔ -wa 'nɩa Zuifʋ la, wa 'ka wa dlɩ 'bhiti -Lagɔ 'yu, 'ɩn wa 'ka -amɩaa -Kanyɔ -Zezu dlɩ -gʋ zʋ.

Lɛnʋgbʋnya 26:20

'Ɩn -Damasɩ -nyɩma -yɔ -Zeluzalɛmʋ -nyɩma -yla ɩn gbaa -Lagɔgbʋ tɩa. 'Bhie, ɩn yia Zudee -dʋdʋ weee -gʋ -nyɩma -yɔ nyɩma -wa 'nɩa Zuifʋ we -yla gba. Ɩn nɛɛ wa -yla, wa 'bhiti wa dlɩ, wa yi -Lagɔɔ -gbɛ, 'ɩn wa lɛnʋgbʋ -slolu wa 'bhitibhitie sazɔnʋ sa.

Lɛnʋgbʋnya 3:19

Ɩn nɛɛ, a 'bhiti amɩaa dlɩ, a yi -Lagɔɔ -gbɛ lʋ, 'ɩn ɔ 'ka amɩaa gbʋnyii lamumni.

Eblenya 6:1

We 'dɛɛ 'gbʋ, Klisɩɩ -gʋgbʋʋ sloluee gwedɩlɩda mɩa, -a 'na -tʋlʋ -mʋʋ -bhlogbɔɔ -gʋ -nɩ, nɩɩ, -a nɔ -slɛɛn nyɩma kpasɩɩ -sloluwɛlɩ -zɔnʋ -gʋ. Wee sloluee gwedɩlɩda, mʋ -wa nɩɩ, -a 'bhʋ gbʋ -kpʋa 'bɩ, -a zʋ -Lagɔ dlɩ -gʋ.