Lukɩ 6:25 - Kouya

²⁵ Amɩa -wa lʋa da, gbʋnyuu mɩ amɩaa -nʋ nya, -we ka gbʋ -wa, ŋwɔ yia aɩn 'bhaa yia. Amɩa -wa mɩa da nyada, gbʋnyuu mɩ amɩaa -nʋ nya, -we ka gbʋ -wa, gu yia aɩn 'wʋwlʋa, 'ɩn a 'ka wi.

Lukɩ 6:25 ပူးပေါင်းရင်းမြစ်များ

Lukɩ 12:20

'Ɩn -Lagɔ nɛɛ ɔ -ylaɛ: ‹-Gʋwʋtʋnyɔ, -zɛɛn sabɔ -na tlɩa. 'Ɩn -we weee -ɩn gʋgwlalɩa 'wlu -na 'dɛ -yla, nyɔɔ -yla we 'ka -tʋa?› »

Lukɩ 13:28

Da a yia *Ablaamʋ, *Izakɩ, *Zakɔbʋ -yɔ -Lagɔgbʋʋ -falɩpanya weee 'yɩa, -Lagɔɔ nyɩmaa 'wlulapɩlɩgbe 'wʋ, 'ɩn wa 'ka amɩa 'pipee viteli, -bha a yia wia, 'ɩn a 'ka gla 'wʋli!

Lukɩ 6:24

Amɩa, 'ŋnɩmnɩnya, gbʋnyuu mɩ amɩaa -nʋ nya, a ka amɩaa zʋzɔnʋnya kwɛɛ -seli dʋdʋ -gʋʋ 'gbʋ.

Lukɩ 6:26

Nyɩma weee -ka amɩaa gbʋzɔnʋ gbada -mɩ, -zugba gbʋnyuu mɩ amɩaa -nʋ nya. Nɩɩ, 'sa wa dʋkpasɩ nʋ bhaa yoyogbʋʋ -falɩpanya.

Lukɩ 8:53

'Ɩn wa -yi we 'ji nɩɩ, 'yu ka tlɩɩ 'gbʋ, wa yia ɔ gla palɩ.

Efɛzɩ -nyɩma 5:4

Ŋwɛɛ 'nyuu wɛlɩ, gbʋkpʋa wɛlɩ -yɔ pʋɩnpla wɛlɩɩ gbagbɩe mɩa, we 'nɩ 'ylinanɩ, we 'na 'tlalɩ aɩn ŋwɛɛ -nɩ. Nɩɩ, a yibheli -Lagɔɔ 'nanɩ, a 'pa ɔ fuo.

1 Tɛsalonikɩ -nyɩma 5:3

Nyɩma -ka gbada -mɩ: «-A mɩ -dlɔɔ. Gbʋ 'nɩ -aɩn ylɩ!» -Bha -bhlokpadɛ gbʋ 'kadɩ 'kadɩ ylɩa wa glagla sa! Wa 'nɩ mneni wa 'ka we 'wʋtla. Sa 'ŋwnɔɔ gwalɩ gwalɩee sɩasɩe tlalɩa ɔ, 'sa we yia wa 'tlalɩa.

'Zake 4:9

A yibheli amɩaa 'dɛɛ nyazɩɩ 'ji. A wi, 'ɩn amɩaa 'mɩɔ kwli! A 'bhitili amɩaa nyanyɩe wie 'wʋ, 'ɩn a 'bhitili amɩaa 'mʋnalilie dlɩɩ sulo 'wʋ!

Zaaan 'yliwʋgbʋnya 3:17

-Ɩn nɛɛ nɩɩ, 'ŋnɩmnɩnyɔ -ɩn -mɩa. -Ɩn ka -lu duun 'yɩ, 'ɩn -ɩn ka -lu weee -ɩn 'yɩbhaa. -Ɩn mɩ 'sa gbada, -zugba -ɩn mɩ poli poli nyazɩnyɔ nya, bobabhanyɔ -ɩn -mɩa. -Ɩn mɩ kpanʋ nya, -ɩn mɩ 'lɔlɔnyɔ nya. -Ɩn mɩ 'sa, 'ɩn -ɩn 'nɩ we 'ji -yi.