Uruti 4:6 - Anatunya Buku Baepole Ole Testamene Pii Lapo dee Nuu Tesamene

⁶ Dokopa akali dokome Bawase isingi lamaiyuo, Namba ropo pyaro doko rolae ingipyamopape yuu doko ropo pyaro dokopa namba rangena moyange dupwa kwaeyara ingilyamo dokona namba kaeyarowale. Namba ropo pyapengele doko embame ropo pyalase, leya.

Uruti 4:6 ပူးပေါင်းရင်းမြစ်များ

Jenesese 38:8

Pyapeyamopa Juta baame ikinyingi enakana Onane kando, Emba yangonena enda waiya dokopa role pyao palirambi. Namwana mawa pii palengenyili pyuo emba ane yangongepa dokome enda waiya dokona nyepala para pyao nyere dupwa yangongena apo dokona kararami, leya.

Dutaronome 25:7

Dopa piramopape yangongeme baa yokoya pyaa narolyamo daa lara ramo doko taonena akali kyawa dupwa kando nambana akalinginya yangonge angi dokome nyii naro letamo lao lamainya. Baame Isaraele rara dokona yangonena ree palu dokona paka karo wai kiso pyambwa naro lapyasa pilyamo, lara.

Dutaronome 25:8

Dokopa taonena akali kyawa dupwame nyepengeŋe lao lamairaminyi soo nembo nyii nara ramo

Dutaronome 25:9

dokopa enda waiya baa taone akali kyawa dupwa pii minyuo papala akali baa nyii naro laramo dokona kimbu suu doko roko nyepakamipala banya lenge kambu seramo dokona kepakali kyasinyi pisinya lapala lao akali mendeme enda doko nyepala yangongena panda nyuo wane manja naro lao suu pyara ramo doko baa dopa pyuo mango paraŋa lena.

Uruti 2:20

Dokopa Nayomimi Uruti lamaiyuo, Kamongo Anatumi piru lenge doko isa paa nange dokome wambu lete karaminyipape kumuyaminyipape dupwa nyisingi dokome Bawase baa elyape keta pisaramopa karena leya. Nayomimi leyamo dokonako lao, Akali doko baa nambwana ree palu dokona baame rapu pyuo nyisaraliŋi, leya.

Uruti 3:13

Epapu kukwa dae palyuo kaepala yuu yangaramo dokopa akali dokome emba kapa rapu piru letape lao pyasaka pyuo sero. Akali baame kapa lara ramo doko keyangeko dee daa lara ramo doko Kamongo Anatu karalu karenge doko keta kana minyuo lalu lao lamaiyuo leto. Nambame emba nyepala rapu piru leto. Emba kapa luu pali puu, leya Bawasame.

Uruti 3:9

Kandapala Bawaseme, Emba apisi? lao piso siya. Dokopa isingi lao, Namba Uruti embena kendemande enda doko. Emba ree palu akalyanda mendaki ingyuo emba kapa pyuo rapu piri ingilyamo dokona embame namba yokoya pyalase, leya.