Uruti 4:12 - Anatunya Buku Baepole Ole Testamene Pii Lapo dee Nuu Tesamene

¹² Kamongo Anatumi wane wanekepe enda mapwae dake keta jeramo manjarambinyi dupwa Peresena ree palu Juta Tamapana ikinyingi dopale ingyara, leyami.

Uruti 4:12 ပူးပေါင်းရင်းမြစ်များ

Jenesese 38:29

Leyamopape dee kingi kuilanyiyamopa wane mende doko nyuo wambakaya. Dokopa enda wane manjinya role pyao peteya baame wane doko kando lao, Yea dopa pyuo pulipyao range neta epanapyane, leya. Dokona lao wane doko kingi Peresa leyami.

Jenesese 46:12

Jutana wane dupwa Ere Onane Sela Peresa dee Sara dupwa mandeya. Dokona Ere Onanepa dolapo yuu Kenane kumapeyambinyipa peyami. Peresena wane Eserone Amulipa dolapo.

Malakae 2:15

Anatumi enda dokopa nakama pipya yanenge imambupi mendakinya ingyuo wasa nayase? Akipamo dopa piyase? Doko nakamame wane wanake manjirami doko Anatunya wambu kinyi angingyuo kararami lao piya. Dokona lao nakama range kando karalapape. Parange karapala enda nyuo karo pii lalu lao leene doko nakama mendalimi yalarama lao kando karalapape.

Matyu 1:3

Jutame enda Tama nyepala Peresapa Sarapa manjo, Peresame Esorone manjo, Esorone Oramo manjo piya.

Uruti 4:18

Pii dake Peresena rara dokona piso pao Dapiti mandeyami. Akali Peresa dokome Esarono mandeya, Esaronome Orame mandeya, Orameme Aminatape mandeya, Aminatapeme Nasano mandeya, Nasanome Samone mandeya, Samoneme Bawase mandeya, Bawaseme Opeta mandeya, Opetame Jese mandeya, Jeseme Dapiti mandeya.

1 Samyuele 2:20

Dokopa Ilaime Elekana etengepa yako lao lamaiyuo, Elekana emba Kamongome enda dake keta wane lapo wane Anatu maipinyi dokona panda nyinya lao jera lapa piya. Dopa lapa piyamo dokopa anda papa piyambi.