Taitesa 3:1 - Anatunya Buku Baepole Ole Testamene Pii Lapo dee Nuu Tesamene

¹ Embena wambu yango dupwa kando gapomanepe kanjilipinya pii rape rape lao soo pisirami doko kame see nana lamairi. Gapomanepe kanjilipi yulu keyange lapo mairami ramo dokopa embena wambu dupwame mumu laa napala pinya lamairi.

Taitesa 3:1 ပူးပေါင်းရင်းမြစ်များ

Aisaya 43:26

Nakamana pii larami dupwa minyuo epo dokopa kotena minyuo pao lamanale. Embena pii angi palamo doko lamairinyi dokopa emba rolae doko panenale.

Matyu 22:21

Nakamame, Sisana, leyami. Dokopa baame nakama lamaiyuo, Sisana bange dupwa Sisa range maiyuo, Anatunya bange dupwa Anatu range maiyuo pipwape, leya.

1 Korina 15:58

Yangonemoo dokona lao nakamame kaeya napala poraiyuo karalapape. Kamongona yulu pilyaminyi doko mee pyuo nemba narami dokome yuu peparae Kamongona yulu imambu see nao pyulu pyuo pyuo karalapape.

Epesasa 2:10

Anatu range namwa wasiya. Namwa Koraisa Yesupa pako yulu keyange pirami lao wasiya. Namwa kata rolae dupwana papyuo kararama dupwa Anatumi wamba rapa rapa piya.

Pilipai 1:11

Renge rolae keyange dupwa Yesu Koraisa keta iki sipurao epenge dupwa peparae nakama keta palyuo simbwanale leto. Nakama keta palira ramo doko Anatunya kingi ketae pyambuo lakando palirasa pira.

Kolosi 1:10

Anatu nakama pimili lao suu pilyamo dupwa kando nyeparami dokona loma sakao petamano. Kando nyepala dokopa Kamongome nakama yulu pimili lao rae mairali dupwa pyuo kararami. Nakama Anatunya yulu dupwa soo nyepala yulu keyange doko jingi keyange lyingi dopale pyuo kararami.

1 Timoti 2:2

Namwa mona kyuu lao seramopa elya kalo Anatunya Imambunya yulu pyuo yulu rolae dupwa suu pyao karamwali lao Anatumi kiŋipi gapomanepe dupwa nyiso karena lao ateŋa lakamyuo karamana.

1 Timoti 4:6

Embame pii dake Kurisene yango dupwa lamairi ramo dokome emba Koraisa Yesunya kendemande keyange ingyuo karare. Yuu gii dokopa Anatunya imambunya nenge nao pirisa pira. Imambunya nenge angi doko nakama Anatunya pii soo nyuo banya yulu poraiyuo minyuo angi pyuope dolapo angi ingilyamo.

1 Timoti 5:10

Endemo yulu rolae pingi letaminyi dupwa iki rombo palyarami. Banya wane mondo lao rapu pyuo andanyi pyambuo wambu nenge pyuo Kurisene yango pipya kendemande yulu pyuo wambu randa nyerami dokopa pyuo nyiso yuu peparae yulu keyange dopale dusipa pyuo petengende ramo doko banya kingi pepana sinya.

2 Timoti 1:6

Dokona lao misi andake dokona nambame emba kingi nyuo rombo palyiyunupa Anatumi banya yulu emba keta jiyamo doko isasa pinyi pyambuo karape lao langilyu.

2 Timoti 2:14

Pii dakeme embena wambu dupwa dee kamba mana lamairi. Dopa pyuo Anatunya kingi lao nakama pii wakale wakaleme minyuo yanda pii nana lao lamaipi. Pii dopale dokome wambu nyisa napala, serami wambu dupwa kokwa serasa pingi.

2 Timoti 2:21

Dokona suu pyao mendeme range waso poo pyasi ingyuo karara ramo doko baa yulu yapasi dupwana pira. Kamongo Anatumi baa rombo palyapala banya yulu mupwa lapo dupwa opetaeko pyakana lara ingilyamo. Dokona lao yulu keyange peparaena kapa pira ingilyamo.

Taitesa 1:16

Nakama kambu dokome Anatunya wambuŋu lao yulu piminyi dupwame banya ingyuo paa nalyamo. Nakama kamba lao yango mende kando awa epekanda napala yulu koo pingi dokome yulu keyange pinya saka nalyaminyi.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Taitesa 3:14

Namwana wambu dupwa yulu keyange pyuo nakamana wambu yango nyiso yangyarali dupwa maingiŋi lao mana lamaipi.

Taitesa 3:8

Pii dake kinyi palamo. Anatu mona maingi wambu dupwame wambu yango nyiso embame yulu keyange dupwa yapo pyuo petena lao poraiyuo mana lamaiyuo karape. Yulu dopale keyange ingyapala wambu nyisingi.

Ipuru 13:21

Anatu mona kyuu lao singi renge maingi doko baa nakama mora pisinyi pyambwaramopa Yesu Koraisa keta namwa yulu baa pipili lao suu pilyamo dupwa pimwali yaka. Koraisa baa neta renge ingyuo karalu karara, doko kinyi.

2 Pita 1:12

Dokona lao nakama renge keyange dusipa soo pingi pyapala kareyaminyipape nambame kaeya nao langyuoko kararo.

Juti 1:5

Anatumi Isaraele wambu dupwa Isipi dokona neta nyuo lete wai pyao lanyuo peya. Lete wai pyao lanyuo peyamopape lapo baa kapa ingingi lao suu pyaa nayami dupwa enakana kokwa siya. Dopa pyuo piyamo doko nakama soo gisilyaminyi dokona kame see nalapa lao dee kamba langilyu.