Taitesa 1:15 - Anatunya Buku Baepole Ole Testamene Pii Lapo dee Nuu Tesamene

¹⁵ Wambu mona rolae singi doko kata yulupi dupwa peparae rolae ingyuoko penge. Wambu mona karo petenge Yesu mona mai nangena mona anda dee yulupi dupwa koo ingyuo singi dokona yulu peparae rolae ingyuo paa nange.

Taitesa 1:15 ပူးပေါင်းရင်းမြစ်များ

Matyu 15:18

Doko pii kambunya epenge doko mona dokona piso epenge dokomeko wambunya imambu kwaenge.

APOSELENA YULU 10:15

Dokopa pii dokome dee kamba baa lamaiya. Anatumi poo pyasi ingyuo wasiyamo dupwa kooŋo laa napipi leya.

Orome 14:14

Kamongo Yesupa role pyao karamano dokona bange dupwana mende karo pisa nalyamo lao soo gisilyu. Akali mendeme bange mende koo ingilyamo lao suu pyara ramo doko suu pingi doko banya suu pingi dokona iki palira ingilyamo.

Orome 14:20

Mee nenge dokona lao Anatumi yulu keyange piyamo doko kokwa sinyi nembo nare. Nenge peparae narama ramo doko mee kapa ingyara. Dopa pyuo naramanopape yango mendali kandapala koo keta palira nengende narama ramo doko rolae daa.

Orome 14:23

Dopa piramopape nenge naramo dokona mendakinya palyuo suu pyapala naa naramo dokona Anatumi baa kooŋo lara. Dopako pyuo mendakinya palyuo suu pyapala naa nara ramo doko Satane kata dokona ingilyamo.

1 Korina 10:23

Lapome, Yulu peparae mee namwa kapa pirama ingilyamo letaminyi. Kapa pirami doŋo yulu peparae keyangeko daa. Yulu peparae mee namwa pirama ingyapyamopape yulu dupwa peparaeme namwa nyisa nara.

1 Korina 10:25

Nakama makete yuu dokona mena minju anjarae lao piso see nao moname pyapi pyuo soo ropo pyarami ramo kapa ingyara.

1 Korina 10:31

Nakama yulu wakale wakale pyuope ipwa nenge naope dokopa Anatunya kingi dokona lakando pipwape.

1 Korina 8:7

Wambu lapome iki renge pii dake singi. Yuu gii dakepa wambu lapo dalapo kingimi wasisi dupwanako dokona lao suu pyao mena dalapo nao kingimi wasisi dupwana lao suu pilyaminyi. Nakamana monana pii soo randa kuki iki nyepala namwa kwao pelyamano lao masilyaminyi.

1 Timoti 6:5

Dokona nakama akali kyawa sisingi mondo lao pali naope dee Anatunya pii kinyi angi doko nakama keta pali nangepe mee yuu peparae apiyanda pyuo karaminyi. Wambu dopale dupwame Anatunya yulu pingi dokome nakama kamongarama lao suu pilyaminyi.

Ipuru 10:22

Dokona lao suu pingi lamana palya nao Anatu baame namwa kapa nyera doko soo gisapala karo mona anda yapasi dokome koo mende range keta pali nalyamo doko monarena pyapi pyuo soo kaepala ipwa yapasi dokome yongo wate pipala Anatu dokona repe repe pyuo monale.

Ipuru 12:15

Anatunya mona keyange palyuo ipingi renge doko mata maisarama lao kando karalapape. Doko imambusa paleta napala lele lao yango mende kokwa seramano lao waso karamanale.

Ipuru 9:14

Dopa pyuo kareyamiko doŋo Koraisana ranjama dokona yulu dupwana manda manji naya. Koraisa koo mende pali nange doko baame Imambu lete karalu karenge doko keta Anatu dokona namwana koo dupwana lao kumuo maiya. Banya ranjama dokome namwana yulu angi kapa pali nange dupwa poo pyanyi nembaramopa Anatu lete karenge dokona yulu minyarama.