Sekaraya 9:12 - Anatunya Buku Baepole Ole Testamene Pii Lapo dee Nuu Tesamene

¹² Nakama karapusi palyuo kareyaminyi dupwa epapu keyange mende epara lao silyaminyi dokona kapu kyuo anda ipupwape. Nakama yuu kapa manda rao kararaminyi dokona kapu kyuo ipupwape. Kama yasuko naminyi dokona lao nambame nakama elyape keta pyambuo yano pyao dee konda pyuo nyiso piru lao langilyu.

Sekaraya 9:12 ပူးပေါင်းရင်းမြစ်များ

Jopo 42:10

Dokopa enakana Jopo banya puu minyingi rema dupwana lao ateŋa lakamyuo otapeyamopa Kamongome bange keyange ama malu retena lao maiyamosa bange isa peyamo dupwa dee wai kiso nyakamyuo dokopa mee lama kamame konda pyuowale maiya.

Aisaya 40:2

Jerusaleme wambu dupwa nyiso mona porainyi pyambuo karape. Nakama lamaiyuo, Randa doko yuu andarele kapa napelyaminyi. Epapu nakamana koo dupwa kame sisi silyamo, lao lamaipi. Doko nambame nakamana yulu koo dupwana manda manjo randa doko maiyuo kaepu.

Aisaya 49:9

Nambame wambu karapusi palaminyi dupwa kando lao, Mee manda rasi nyisa pupwape, laro. Dee lapo iminjinginya petaminyi dupwa yanga paupau lengena epena lao piru. Dopa piru dokopa nakama mena sipisipi yuu kyaunya rambi nao mondo lao karenge dopale ingyuo kararami.

Aisaya 52:2

Jerusaleme emba karapusi palenge kandapi doko sinjimu para para pyuo sipinyi doko pyarendanyi nembapala sipurapala kiŋinya petenge isa dokona pisipi. Yuu Sayone wambu karapusi pyao nyuo peyaminyi anjisi karaminyi dupwa mokwalapape.

Aisaya 61:7

Nakamana elya nyuo karenge doko mee otara. Nakamana yuu muru range dokona paliraminyipa mena bangepe dupwa mee lama opetaeli konda pyuo seramo kararami. Dopa piraminyipa nakamana rae maingi renge doko soo puu para.

Jeremaya 14:8

Embame Isaraele wambu dupwame mende pirinyi lao sepala mona pyamalyuo lao karenge. Embameko namwana randa dupwana kyawa minyingi. Doko akipamo emba namwana yuu dakena upunili ingyalya ingyana pyuo yuu mendaki mee panya epo luu palipala penge dopale ingyuo karese?

Jeremaya 31:17

Embena lao rengya mende keyange pyakara. Embena wane wanake dupwa kamba kapu kyuo anda eparami. Namba, Kamongo dokome lapusa pilyamo.

Jeremaya 31:6

Waa. Yuu kyau Eporaime dokona karo isingi akali dupwame lao lao, Yuu kyau Sayone namwana Kamongo Anatu petamo dokona monale kee larami yuu gii doko epelyamo.

Isikiolo 37:11

Dokopa Anatumi namba langyuo, Makwa isa ingyuo karo kuku pyaa nare akali doko Isaraele wambu dupwa mee kuli malu sipyamo kandelene kande dopaleŋe, leya. Nakamame lao dokopa, Namwana kuli dupwa yando nao kaelyamo. Dee lenge raa narama lyamo. Namwa mee otao kaeyarama ingyuo pelyamo lao karaminyi.

Osia 2:15

Dopa pipala banya isa girapo ee nyiyunu dupwa range mairu. Maipala Yuu Pau Lama Lama Randa Epenge dokona rengya mende keyange piraŋa lao mona kare kare karenge kambu doko wasaro. Dokopa enda baa yuu Isipi piso kyawa lete nyuo epeyamo dokona baa wamba mapwaesa piso piyamo dopale ingyuo banya mona retenge renge doko lasaka pyuo dee namba range keta epara.

Joele 3:16

Kamongome dokome yuu kyau Sayone dokona pii poraiyuo lao dee yuu gala lenge dopale ingyuo baame yuu Jerusaleme dokona pii lao piramopa yake yuupi dupwa piku piku lala lala para. Dopa piramopape baa rangeme banya wambu dupwa yaki nyii nao rapu pyuo karara.

Maeka 4:8

Dokopa nakama Jerusaleme wambu Anatu baa rangeme isilyamo dokona nakamana yuu taone andake mupwa wamba siyamo doko dee kamba mupwako ingyuo sera.

Ipuru 6:18

Anatu alowa pipala mende pyuo laa nange dokome yuu lamasa lao kingi ketae nembo leyamo dolapona suu pyao alowa pii nara. Renge dolapome namwa Anatu keta pao pyama lyiyama dupwa porainyi pyambwaramopa kyawa lete nyeraŋa lao mona kare kare karamano.

Ipuru 6:19

Renge dolapome Anatunya Imambunya yulu dokona paa isa ingyaro karo paka pyao soo Anatu karamo yake panda nee pingi dorena puu pao pelyamo.