Samu 95:1 - Anatunya Buku Baepole Ole Testamene Pii Lapo dee Nuu Tesamene

¹ Nakama ipupwa. Kamongo lakandamana. Anatumi namwa kyawa minyuo karenge dokonasuu pyao rae maiyuo kenane pyamana.

Samu 95:1 ပူးပေါင်းရင်းမြစ်များ

2 Samyuele 22:47

Kamongo doko lete karalu karenge. Baa nambana nee isa ingyuo karenge doko lakandena. Anatu porainya renge palenge dokome namba lete wai pyao nyingi dokona kingi ketae pena lao leto.

Samu 100:1

Yuu muu peparaena wambu dupwame Kamongo kando kenane pyao karalapape.

Samu 107:15

Nakamame Kamongo banya mona reto puu penge dokona baa ange lao dokopa yulu keyange nakama keta pyakamyuo karamo dupwana baa ange lapenge ingilyamo.

Samu 107:21

Nakamame Kamongo banya mona reto puu penge dokona baaange lao dokopa yulu keyange nakama keta pyakamyuo karamo dupwana baa ange lapenge ingilyamo.

Samu 107:8

Nakamame Kamongo banya mona reto puu penge dokona baa ange lao dokopa yulu keyange nakama keta pyakamyuo karamo dupwana baa ange lapenge ingilyamo.

Samu 118:1

Kamongo baa elyapeko doko karapyamopa banya mona retenge doko kulisa ingyuo silyamo dokona baa kando ange lao karamana.

Samu 150:6

Yuu muu dupwana wasiyamo piso pelyaminyi dupwa peparaeme Kamongo lakandalapape. Kamongo baa lakandamana.

Samu 34:3

Kamongo baa wakasa ingyuo karamo lao namba lamailyu dokona lamaiyuo banya kingi doko role pyao lakandamanale.

Samu 89:26

Dokopa baame namba kando, Emba nambana rakange dee nambana Anatuŋu, lara. Emba nambana kyawa minyingi dee nambana lete wai pyao nyingi akali karene, lara.

Ekesetase 15:1

Mosesemoo Isaraele wambu dupwapeme kenane dake Kamongo dokona pyao leyami. Anatu baame mupwa wakasa dokome nyuo anamasi minyapya dokona lao Kamongo doko kando kenane dake pyaro. Baame mena ose dupwape dee osena piso penge dupwape ipwa kota dokona pyao sukusa nembeya.

Ekesetase 15:21

Miriame baame nakamana kenane pyakamiya. Koo andake dupwa nyuo anamasi minyapya dokona Kaomongo banya kingi lakando kenane pyamanale. Baame mena ose dupwape osena piso penge akali dupwape ipwa kota dokona sukusa pyao nembapya, leya.

Matyu 21:9

Dokona wambu malu wamboko enakao pyuo peyaminyi dupwame pii porakaiyuo kaeyo lao dopa leyami. Dapitinya ikinyingi doko neta ipwamo kandalapa, Kamongona kingi lao epelyamo doko elyape keta penale. Yake dorena lakandamana leyami.

1 Korina 10:4

Dopako pyuo Anatunya kana nakama role pyao peyamo dokona kana dokona ipwa doko naoko peyami. Kana doko Koraisa baa range.

Epesasa 5:19

Nakama yango sukusa misi kenane dupwape Imambunya kenane dupwape pyao, Kamongo keta kenane dokome monarename piso nyuo ipwa kyukunaiye maiyuo pena lao pyao karalapape.

Dutaronome 32:15

Kamongona wambu dupwa kamongoyaminyipape nakama mona kana poko kamba leyami. Dopa pyuo nakama mendasape kakasera kando lao nenge pyano sepala ando ama rondo lasi ingyuo kareyami. Nakamana Anatu dokome nakama wasiyamo doko kame soo kaepala dee nakama lete wai pyao nyingi akali porai doko mata maiyami.

Kolosi 3:16

Koraisana pii nakamana mona anda dokona palyuo ando nyimbunya. Nakamana mona anda dokona Anatu sangyu lao misi kenane dupwape imambunya kenane dupwape ipwa kyukunaiye maiyuo pena lao pyao karalapape.

Orepalaisane 14:3

Anatunya petenge isa dorena lee renge bange kisimape dee wambake dupwa kareyaminyipa kenane enenge mende pyao kareyami. Kenane doko mee wambu dupwa soo nyii naramilinde Anatumi kiiramo nyiyamo wambu 144,000 dusipame mana nyerami ingiya.

Orepalaisane 15:3

Nakamame Anatunya kendemande akali Mosesena kenane doko pyao dee Sipisipi Ikyanena kenane doko pyao dopa pyuo leyami. O Kamongo Anatu Ama Porai doko, embena yulu dupwa peparae ama wakasa ingyapala elyape rolae ingyuo singi. Emba yuu muu peparaena kiŋi ingyuo karene.

Orepalaisane 19:6

Enakana pii mende wambu malu wakasame ipwa jerae pyao malyili laope dee yuu gala lao rali pili lao lao epeyamo siyunu dokona lao, Namwana Kamongo Anatu Porai Wakasa doko baa kiŋi ingyuo karamo dokona lakando karamana leya.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.