Samu 93:2 - Anatunya Buku Baepole Ole Testamene Pii Lapo dee Nuu Tesamene

² O Kamongo, embena kiŋinya yulu doko yuu kanda soo wasiyamo dokopa piso pao porai ingyuo sulu singi. Yuu gii ene kanda sepa nayamo dokopa emba mee karalu karenge.

Samu 93:2 ပူးပေါင်းရင်းမြစ်များ

Samu 145:13

Embena isingi yulu doko ota naramopa emba kiŋi ingyuo karo puu pare. Kamongo dokome yulu pira letamo dupwapipala kaenge. Banya yulu pilyamo dupwa peparae keyange ingingi.

Samu 90:2

Yuu kyau dupwa wasapa nao karowape dee yuu muu peparae ingyalana karowape Anatu emba letena renge palyuo Anatu ingyuo karalu karengepya. Dokoko Anatu ingyuo karo puu parepya.

Daniele 4:34

Kiŋi dokome lao, Ee kana yanda ipingi nyepo papeyamo dokopa yake dulu kandalyuo kandeyo. Kandapala suu pingi wambu kopyali minyuo suu pyao kareyo doko kaepala Anatu Mupwa Andake Wakasa karenge doko ketae pyambuo rape rape lao lakandeyo. Baame iso rapu pyuo karalu karara. Banya isingi yulu doko yuu gii peparae soo puu para.

Daniele 7:9

Namba kandeyono dokopa petenge isa dupwa singinyili pyuo reteyamo kandeyo. Dokopa mendali palu karalu karenge doko baa petenge isa mendena peteya. Banya komau doko ama kewa wakasa lao randake kapa yale dee banya kyawa doko puu ulu karo pisa nange dopale. Banya petenge isa dokona isare uliyapu ingyuo rao dee isa petengena kimbu ipyuo minyuo penge dusipana isare ingyuo rao piyako.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Ipuru 13:8

Yesu Koraisa baa wamba kareya doko suu pyao epapu alowa pipyande daa. Rakyamepe mee dopaleko karalu karara.

Orepalaisane 1:11

dopa pyuo langiya. Emba kandarene dupwa pepana pyapala Elyambu Pingi yanda ipingi nyepo dusipana mairi. Mende yuu Epesasa lenge, mende Semena, mende Pekamama, mende Tayataira, mende Satisa, mende Pilatepia, mende Leotosia lenge yuu dusipana mairi leya.

Orepalaisane 1:8

Kamongo Anatumi Wakasa, Namba yuu ingya ingya ingyuo karo pao lumwa pingi ingyuo kararo letamo. Baa wakasa ingyapala wamba kareya, epapu karamo rengya kararako.

Orepalaisane 2:8

Aŋala yuu Semena Elyambu Pingi rapu pyuo karamo dokona dopa pyuo pepa pyao maipi. Wambowana karapala pao dee lumwa pira dokopa kararako baa kumapala dee lopo epeyamo dokome dopa letamo.