Samu 91:15 - Anatunya Buku Baepole Ole Testamene Pii Lapo dee Nuu Tesamene

¹⁵ Nambame nyisape lao kyakale laraminyi dokopa isingi pii yano doko pyakamiro. Nakamba randa nyepala pisiraminyi dokopa kaeya nao role pyao piso nenge rekya lao nyepala dokopa nakama lakando kingi ketae pyambuo piro.

Samu 91:15 ပူးပေါင်းရင်းမြစ်များ

Jopo 5:19

Yuu gii pao epo piramo dupwa peparaena emba koo keta palirinyi lao kyawa minyuo karenge.

Samu 23:4

Nambame koo keta palirunupape Kamongo emba role pyao karapinyi dokome mona nembo kara naro. Emba mena rapupingi akalinya pangalinya mendeke ingyuo namba pingi pyao kyawa minyuo paenge.

Samu 37:40

Baame nyiso randa epelyamo dupwana lao nenge rekya lao nyingi. Koo pyuo karelyaminyi dupwana nakama koo keta pali namili lao baame nyisinya letaminyi dokopa nyiso kyawa minyingi.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 58:9

Nakama ateŋa laraminyi dokopa nambame yano pyakaro. Dee nakamame namba kyakale laraminyi dokopa aopa ŋee lao sakaro. Renge doko nakamame wambu randa maingi yulupi kingi sikisame suu lao kooŋo lao lengepe pii koo lengepe dupwa yaki nyuo kaepala

Aisaya 65:24

Dopa pyuowako dee nakama nambapa lao ene ateŋa lao otapa naraminyipa kanyasa isingi yano pyakamiru.

Matyu 28:20

Nambame nakama dopa pipwape dopa pipwape lao langyuo karenge pii dupwa peparae minyuo pyuo karena lao mana lamaipwape. Dokopa isa wambu karamano yuu gii doko ene lumwa pipa naramopa namba nakama pipya yuu peparae role pyao kararama lyakande, leya.

Jone 12:26

Mendali nambana yulu pyuo karara doko namba paronuli pyuo epara ingilyamo. Dokome namba karare dokona nambana yulu pingi akali dokopa role pyao kararamba. Mendali nambana yulu pyuo kararamo doko Rakaneme baa ketae pyambwaramo karara.

Jone 12:43

Anatumi nakama lakandara dokona poraiyuo mona nyuo kara napala isa akali dupwame nakama lakandarami dokona suu pyao kareyami.

Jone 16:32

Yuu gii mende eparamo dokopa nakama bolombalo lao anda palengenyili pyuo paraminyipa namba iki kararo. Kinyi kinyi, yuu gii doko epapu pyaka silyamo. Namba iki kararoko doŋo Rakane nambapa kararamba dokome iki ingya nara.

Jone 5:44

Yango nakamana kingi wambu yangome ketae pyambuo karamili yaka lao suu pyao karaminyipape Anatu mendaki karenge dokome nakamana kingi ketae pyambuo karapyali lao suu pyao kara nalyaminyi. Dokona lao nambana pii dupwa soo nyii narami ingilyamo.

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.

Ipuru 5:7

Wamba Yesu isa akali kareyamo dokopa Anatumi lopo lete nyipyalinya suu pyao ateŋa pyao ee andake lao piso siya. Yesu baa Anatupa lao suu pyapala range kuki ingyuo pyuo karenge dokona lao banya ateŋa doko Anatu siya.

1 Pita 1:21

Baa epeyamo dokona Anatu kapa ingingi lao suu pilyminyi. Anatumi baa lete minyalyuo nyepala neta renge ingyuo karena leyamopa nakama Yesu keta Anatu kapa ingingi lao suu pyapala mona kare kare karaminyi.

1 Pita 3:22

Baa yake panda papala Anatunya kingi rolae dokona piso aŋala dupwape imambu mupwa, dee kamongo dupwa iso karamo.

1 Pita 5:4

Dokome Sipisipinya Rapu Pingi akali angi doko eparamo dokopa kyawa rarange ama keyange yanga paupau lao sulu singi mende emba nyere.

Orepalaisane 3:21

Nambame anamasi minyapala Rakanepa role pyao banya petenge isa andakena peto dokona ingyuo nakama anamasi minyarami dupwame nambapa petenge andake dokona role pyao petena laro ingilyamo.

1 Samyuele 2:30

Ilai embena ree palu dee embena rarape dupwa namba Kamongo Isaraele wambunya Anatu dokome purisi yulu yuu peparaena piramiŋi lao langyuo kaeyo leyo kande. Dopa leyoko doŋo dee dakepa nakambameko pyakamili lao suu pyaa nalyo. Nakambame pingi kandale doko suu pyao mendeme namba lakanda minya minya pirami dupwa kando isingi dopako pyuo lakando dee namba kilya kandanyi nembarami dupwa isingi kilya kandaroko.