Samu 90:17 - Anatunya Buku Baepole Ole Testamene Pii Lapo dee Nuu Tesamene

¹⁷ Namwana Kamongo Anatu embena elyape renge doko namwa keta palena lapala pirama laramano dupwa peparaena kapa palyinyi pyambwakape.

Samu 90:17 ပူးပေါင်းရင်းမြစ်များ

Samu 110:3

Embame embena yanda pimwai pipya yanda pirinyi dokopa embena wambu dupwame yanda pinya mona kumapala epo yanda pimana larami. Yangama yangama pipyae raeya malu singi dopale ingyuo embena wanyane akali dupwa emba karare dokona eparami.

Samu 118:25

Kamongo embame pyuo nyii. Embame namwa pyuo nyepala mondo lao pyuokondanyi nembo karalapa lao jere.

Samu 27:4

Nambame renge mendaki mende Kamongo piso sipu. Renge mendaki iki nyelana suu pilyu. Doko namba lete kararono dokopa Kamongona anda dokona iki palyuo karapuli yaka. Dokona karobaa keyange wakasa ingyuo karamo lao soo nyuo rae maipala nambame baa kata keyange lasaka pinya lao piso soo kararowale.

Samu 80:3

Anatu embame namwa range sukusa nyepe. Embena sakame kumungi renge doko lasaka pirinyi dokopa namwa kyawa minyinyale.

Samu 80:7

Anatu Porai Wakasa dokome namwa range sukusa nyepe. Embame sakame kumungi renge doko lasaka pirinyi dokopa namwa kyawa minyinyale.

1 Korina 3:7

Wara pingi akali ipwa pingipi dolapo mende daa. Anatu baa mupwa dokome minyuo andanyi pyambungi.

2 Korina 3:18

Dokona lao namwana lenge kambu dupwana mende yambe pyaa napyamopa karamano dokome Kamongona yanga paupau lenge doko nyepala namwa yanga paupau lao baa yale manda manjinyi pyambulyamo. Yanga paupau lenge jilyamo Kamongo doko baa Imambu.

2 Tesalonaika 2:16

Namwana Kamongo Yesu Koraisa baapa dee namwana Rakange Anatupame nakama porai inginyi pyambwarambi. Namwana Rakange Anatu baame namwa mona retapala mona keyange palyuo ipyuo karenge dokome namwa porainyi pyambwalu pyambuo pyambuya. Pyambuyamosa Yesu dee epara lao mona kare kare karamano.

1 Jone 3:2

Nambana puu minyingi dupwa epapu namwa Anatunya wane wanakepe ingyuo petamano. Namwa yake panda dokona apiyakale ingyarama lao nolaka napyamopa kando sepa nalyamano. Dopa piramopape Yesu pano eparamo dokopa namwa baa angi rolae kandarama dokome baa yale ingyarama.