Samu 89:26 - Anatunya Buku Baepole Ole Testamene Pii Lapo dee Nuu Tesamene

²⁶ Dokopa baame namba kando, Emba nambana rakange dee nambana Anatuŋu, lara. Emba nambana kyawa minyingi dee nambana lete wai pyao nyingi akali karene, lara.

Samu 89:26 ပူးပေါင်းရင်းမြစ်များ

2 Samyuele 22:47

Kamongo doko lete karalu karenge. Baa nambana nee isa ingyuo karenge doko lakandena. Anatu porainya renge palenge dokome namba lete wai pyao nyingi dokona kingi ketae pena lao leto.

2 Samyuele 7:14

Namba banya rakange ingyaro dee baa nambana ikinyingi ingyuo para. Baa koo piramo dokopa rakangeme banya ikinyingi pyalana pyuo randa mainginyili pyuo randa mairu.

Samu 43:4

O Anatu, enakana namba embena kana pyare laro karenge dokonaparo. Emba keta nambana mona pyakalyuo pyao rae maingi renge potemo epenge. Anatu, nambana Anatu, nambana rambyalu lao kenane pyao emba lakandaro.

Samu 95:1

Nakama ipupwa. Kamongo lakandamana. Anatumi namwa kyawa minyuo karenge dokonasuu pyao rae maiyuo kenane pyamana.

Sekaraya 9:10

Kamongome dopa letamo. Nambame yanda pingi mena oseme ipyuo penge uliuli Isaraele dokona singi dupwa nyuo nembo Jerusaleme rae yanda pela piso penge mena ose dupwa nyuo nembo piru. Yanda walakape minyuo yanda pilyaminyi dupwa nyuo uki aki minyinyi nembaroko. Nakamana kiŋi dokome yuu muu dupwana wambu mona kyuu lao seramo palena lao pira. Kiŋi baame ipwa kota Metiteraniane piso iso pao Kumungi Ipwa dokona para. Ipwa Yuporisa dokona piso iso pao yuu yakepe pinjingi dolapona suu lara.

Matyu 26:39

Dopa lapala mee mende papala pangu sepala ateŋa lao dopa leya. Nambana Rakane, kapa ingyara ramo pee lomasi dake namba kaepala pena lapili yaka. Dopa lapili lao suu pyapunupape nambame laro doko kapa daa, emba lare doko kapa, leya.

Matyu 26:42

Lapala dee yuu lapo pyuo papala ateŋa lao dopa leya. Rakane, pee lomasi dake naa naronopape namba kaepala paa nara ramo doko emba suu pilinyili pyuo namba keta palena, leya.

Make 15:34

Dokopa neta damasa peyamo seri keloke dokopa Yesu pii porakaiyuo lapala, Eloe, Eloe, lama sapakesani, leya. (Pii doko Nambana Anatu, nambana Anatu, akipamo embame namba yake nyilinyi? dopale leya.)

Luku 23:46

Dokopa Yesu pii poraiyuo lapala, Rakane nambana imambu doko emba keta pyamalyilyu, leya. Dopa lapala lumwa pyuo ŋee siya.

Jone 11:41

Dopa leyasa kana doko nyuo kakondeyami. Dokopa Yesumi kandalyuo kandapala dopa leya. Rakane embame nambana pii soo karalenelyamo lao ange leto.

Jone 20:17

Yesumi baa lamaiyuo, Embame namba minya kae. Namba Rakane karamo dokona ene pulyuo papa nalyo. Nambanape nakamanape Rakange Anatu karamo dokona namba pulyuo pelyamo lao emba nambana yangonge dupwa lamaiyala puu leya.

Ipuru 1:5

Anatumi aŋala anjukusi kando, Emba nambana ikinyingiŋi epapu dakepa nambame embena Rakange ingyuo karoŋo, lamaiyase? Dee Anatumi aŋala dupwana mende kando, Aŋala dokona namba Rakange ingyuo kararo baa nambana ikinyingi ingyuo pelyamo, leyase?