Samu 89:24 - Anatunya Buku Baepole Ole Testamene Pii Lapo dee Nuu Tesamene

²⁴ Nambame baa mona wakasa reto baa keta renge renge soo kararo. Nambamebanya yanda pimwai anamasi minyingi inginyi pyambwaro.

Samu 89:24 ပူးပေါင်းရင်းမြစ်များ

Samu 89:28

Nambame baapa pii lalu lao leyo lao suu pyao kararo. Deelao kana minyiyambano doko sulu soo sera.

Samu 89:33

Dopa pirunupape nambame Dapitipamona retenge kata doko rokwa napala baapa pii mende lalu lao leyo dokonaisa nemba naroko.

Samu 91:14

Anatumi lao dokopa nambame namba mona retarami dupwa nyiso dee namba Kamongo doko karene lao soo karaminyi dupwa kyawa lete nyero, letamo.

Jone 1:17

Mawa Pii doko Mosese keta jiya. Enakana dokopa mona keyange palyuo ipingi rengepe pii angi kinyinya renge dokope Yesu Koraisa baa keta paleyamopa epeya.

Jone 17:11

Epapu isa yuu dakena angi ingyuo kara nalopono. Kara napala emba karene dokona eparo ingyapyamopa nakama isa yuu dakena karaminyi. Rakane poo pyasi embena kingi porai renge paleta lasi namba keta jiinyi dokome nakama kyawa minyuo karape. Minyuo kararenepa nambwa mendaki ingyuo karambano doko suu pyao nakama opetae mendaki ingyuo karenale.

Jone 17:26

Embena kingi doko namba lamaiyuo doko dee lamaiyuo karalu kararoko ingilyamo. Dokome embame namba mona reto karene doko nakamana ingyara. Ingyaramopa nambame nakamana mona anda kararo.

Jone 17:6

Embame isa wambu lapo yapo nyepala namba jiinyi dupwa embena kingi lamaiyunupa soo nyiyami. Dupwa embena ingyuo kareyaminyipa embame namba jiinyipa embena pii doko warombo soo karaminyi.

2 Korina 1:20

Anatumi kana minyuo leya doko Yesu keta kapa pingi. Renge dokona lao Anatu kando namwa Yesu Koraisa karamo dokona alya minyuo namwa doko kinyi lao Anatu lakandenge.

Dutaronome 33:7

Jutana rara dokona lao lao, Kamongo embame nyisapili lao kee laraminyi doko sepala rara wakale dupwa pipya deyako nyuo pyasapala nakamana yanda pimwai pipya yanda pimwaiyakamiri, leya.

1 Samyuele 2:1

Ana baame dopa pyuo ateŋa lao peteya. Kamongome nambana monarena rae maiyanyi pyambwapya. Baame mende pipyamo dokona lao rae mailyu. Nambana randa jingi wambu dupwa kando giyalya giyana pilyu. Anatumi nyisapya dokona namba raeme kumulyu.