Samu 89:21 - Anatunya Buku Baepole Ole Testamene Pii Lapo dee Nuu Tesamene

²¹ Nambana porai renge dokome baapa yuu peparae role pyao karara. Nambana porai dokome baa porai sinyi pyambwara.

Samu 89:21 ပူးပေါင်းရင်းမြစ်များ

2 Samyuele 23:1

Dapiti akali Jesena ikinyingi dokome Kamongome mupwa inginyi nembeya. Akali doko Jekopena Anatu dokome baa kiŋi ingyuo rombo palyiya dokome kenane pii keyange dupwa Isaraele wambunya pyao retakamiya. Dokona pii dake Dapitimi lumwa pyuo leya.

Samu 89:13

Anemapwae. Emba ama porai renge wakasa palenge. Embena porai renge doko bange mendepa manda manjipa nalyamo.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Aisaya 49:8

Kamongo dokome banya wambu dupwa lamaiyuo, Yuu gii angi nakama lete wai pyao nyero doko pyaka seramo dokopa nambame nakama anjiki pyuo nyisa lao ee lao karaminyi dokona isingi yano pyakaro. Nambame nakama rapu pyuo karo konambe ingyaro kararonopa nakama keta wambu dupwa peparae kana minyuo lalu lao laro. Nambame nakamana yuu dakepa mee apa soo peelyamo dokona range piso palyuo pipwa, laro.

1 Samyuele 16:13

Samyueleme mamba wele doko nyepala Dapiti banya yangonge dupwana lenge kambu siya dokona epena lapala kyawa dokona mamba kisakamyuo rombo palyiya. Palyiyamo yuu gii dokona piso Kamongo Anatunya Imambu dokome epo Dapiti baa keta palyuo simbwaro karalu kareya. Dopa piyamo dokopa Samyuele yuu Orama dokona kapu kyuo peya.